ابعت فكرتك لـ وصلة فيد

عندك صورة مميّزة أو فيديو صوّرته ويستاهل يتنشر؟

إحنا هـ نشتري فكرتك!

– احنا عايزين فيديوهات أو صور مضحكة.. مواقف غريبة، فكرة عجبتك وعملت لها مونتاج، موقف غريب حصل قدامك في الشارع، شفت حاجة غريبة، حد بيعمل حاجة غريبة أو مضحكة.
– لو صورة: تكون واضحة و الحجم مش أقل من 300 بكسل و الأبعاد تكون مش أقل من (500X500).
– لو فيديو: يكون واضح، مش مضلّم، مش مهزوز، ومش مقلوب، وفيه فكرة مميزة أو غريبة، ولو فيه صوت طبعًا يكون مسموع.
– الكلام اللي على الصورة/فيديو أو الـcaption يكون جديد، ومن تأليفك أنت مش من حد تاني، وطبعًا يكون المحتوى ملكك مش جايبه من صفحة أو موقع، عشان احنا هـ نتأكد من ده.

– لوجو وصلة فيد هـ يتم إضافتة على الصورة أو الفيديو.

– عشان تبعت لنا أيّ حاجة، لازم تعمل Upload من خلال موقع Dropboxوده موقع تحميل مجّاني.. وتبعت لنا اللينك في رسالة هنا.

فريق وصلة فيد هـ يكون مستني الفيديوهات أو الصوّر بتاعتك، هـ نشوف المحتوى بتاعك ونقرر إذا كان مناسب لينا ولا لأ.

قبل أيّ حاجة، لازم تبُص على شروطنا، وإيه اللي المطلوب عشان الفيديو بتاعك أو الصورة اللي صوّرتها يتقبلوا عندنا، وبعدين كمّل باقي الخطوات.. وبمجرّد إرسال أي محتوى لينا ده معناه إنّك موافق على نشره عندنا.

مافيش حاجة بـ بلاش! هـ تاخد مقابل الفيديو أو الصورة لو قررنا نشرهم، هـ نتواصل معاك في حال الموافقة على المحتوى بتاعك

لو الفيديو أو الصورة اتقبلوا هنعرضها عندنا، في الويب سايت، وعلى صفحات السوشبال ميديا الخاصة بـ وصلة فيد.