سيطر على ميزانية رمضان قبل ما تسيطر عليك.. جبنالك الزتونة!

الأيام اللي فاتت، وصلة كان بـ يقدملك أحسن عروض التوفير، وخصومات ملهاش آخر، على كل حاجة رمضان، علشان يساعدك تظبط ميزانية رمضان وتوفّر فلوسك.

طبًعا انت دلوقتي اشتريت حاجات كتير لشهر رمضان من أول الأكل لحد الديكورات، ويمكن مش باقي إلا شوية رفايع، بـ تشتريهم كل يوم للفطار والسحور!

لكن رمضان فيه تفاصيل كتير أهمها العزومات والخروجات، وكلنا عارفين خروجات رمضان وسحور البيض المدحرج اللي هزّ مصر كلها!

وصلة حابب يساعدك تـ كمل توفير وتظبط ميزانية رمضان.. مستعد؟!

1- اشتري أونلاين ووفّر مجهود وفلوس بنزين أو مواصلات

من السنة اللي فاتت، وأغلب الناس بدأت تتجه للشراء أونلاين، عشان يحموا نفسهم من فيروس كوورنا والزحمة.

ومع الترند ده، بدأت كمان معظم مواقع البيع على الإنترنت، تعمل عروض وتخفيضات كتير جدًا…

وصلة انتهز الفرصة دي وقرر يجمعلك كل العروض والخصومات كلها هنا.

ودلوقتي بقى فيه أماكن كتير، بـ تقدم خدمات التوصيل المجاني!، يعني تكون شاري الحاجة بأحسن سعر، وكمان توصلك لحد البيت ببلاش، ده يا بلاااش خالص يعني.

من أهم الأماكن دي هي كارفور وعروض كارفور مصر.

لما تشتري أونلاين انت كده ضربت كام عصفور بحجر، ووفرت قد إيه؟

وفرت مجهودك، لأن الحاجة جاتلك لباب بيتك، ووفرت فلوس عشان اشتريت الحاجة بـ خصومات مريحة…

وكمان لا صرفت مواصلات ولا دفعت بنزين!

شوف ده كمان: ابعد عن الزحمة.. واشتري حاجة رمضان 2021 بخصومات وتوصيل ببلاش!

2- اوعى تشتري في رمضان بشكل عشوائي!!

مهم أوي لما تاخد قرار الشراء في أي وقت، وفي رمضان بـ التحديد، إنك تعمل قايمة بـ الحاجات اللي ناقصة عندك ولازم تشتريها. (“لازم” يعني ضروري تشتري مش مجرد زيادات).

بمعنى أصح.. ما تدخلش على الموقع، وتشتري اللي يقابلك وخلاص.. وما تنزلش السوبر ماركت تلم اللي يقابلك.. انت ما تنزلش أصلًا، عشان الشراء أون لاين أوفر كتير.

الموضوع ده خطر على ميزانيتك جدًا؛ لأنك في الغالب هـ تشتري حاجات عندك بالفعل🤦‍♂️ أو مش محتاجها دلوقتي أصلا.

3- “اللي يحسب الحسابات في الهنا يبات”.. شُفت العُمق؟؟

قالها عمنا عبد الغفور البرعي، في مسلسل “لن أعيش في جلباب أبي“، وده مثل معروف لكل المصريين.

ابتدي من دلوقتي، واحنا لسة في أول الشهر وبـ نقول يا هادي كده.. احسب اشتريت إيه وباقي إيه، ومعاك كام.

رمضان كريم وطلباته كتير.. بس برضه لازم نوفّر فيه، عشان جاي علينا عيد ومصيف وليلة كبيرة حضرتك.

طلّع مبلغ من اللي باقي معاك على جنب، ما تقربش له خالص.. خالص!

بس لازم تخلي معاك مبلغ برضه، يمشيك ويكفي احتياجاتك لآخر الشهر.. وما تطلعش مليم زيادة برة المبلغ ده، احسبها صح بقى.

ماتنساش الخير في رمضان: 4 طرق لـ اعمال الخير في رمضان 2021 مع وصلة

4- مافيش فرق بين الزبادي اللي بـ 2 جنيه.. والزبادي اللي بـ 3 جنيه!

الزبادي من الحاجات المهمة في كل البيوت طوال شهر رمضان.. لكن بـ نصرف عليه فلوس كتير أوي!، عارف ليه

عشان بـ نشتري اليوم بـ يومه، مع إنك ممكن تجيب كمية تكفي أسبوع مثلًا وهـ يفضل طازة.

كمان بـ نحب ساعات نجيب أغلى زبدي عشان تمنه فيه وكده، مع إن مافيش فرق كبير في الجودة بتاعة الزبادي…

يعني اللي بـ 2 جنيه هو هو اللي بـ 3 جنيه تقريبًا.. حتى جرب كده قارن ما بينهم وقل لنا لو كلامنا غلط على صفحتنا في فيسبوك.

الكلام ده طبعًا تقدر تطبقه على كل حاجة بـ تشتريها، انك تشتري بحكمة وتحافظ على الجودة في نفس الوقت عشان صحتك أهم حاجة.

تقدر تحصل على خصومات على متاجر مشهورة و عروض مميزة مثل كود خصم امازون و كود خصم شي ان علي موقع سوق الكوبونات علي الموقع او التطبيق لديهم

5- “الأڤورة جابتنا ورا”.. قلل الخروجات اللي ملهاش لازمة!

اتعودنا إن رمضان شهر الأڤورة والتبذير في كل حاجة.. نخرج خروجة ونجيب أكل كتير ويترمي نصه عادي!

أو نعمل عزومة ويبقى فيها من كل الأصناف، “علشان محدش يقول حاجة طبعًا”.

مع إن في الآخر الناس مش بـ تاكل إلا صنف أو صنفين من كل ده.

فـ طبعًا، لو حابب إنك توفّر في ميزانية رمضان، يبقى تبعد عن كل سبل “الأڤورة الكدابة”، وتخليك في المعقول.

مافيش مشكلة إنك تخرج وتغيّر جو بس مش لازم بهرجة في الطلبات، والمصاريف!

إيه المشكلة إنك تعزم قرايبك وحبايبك!.. اعزم عادي بس برضه اعمل أكل معقول عشان ما تبوظش ترتيبات الميزانية.

ما تنساش تعمل لايك لصفحتنا على فيسبوك  وتتابع كمان حسابنا على إنستجرام، عشان توصلك كل عروض متصفح وصلة وأحدث الخصومات والكاش باك.