ملخص 2020 من وصلة.. المتصفح رقم واحد في مصر 📲🔥

مفيش أي اختلاف على إن السنة دي كانت مختلفة وغريبة بالنسبة لناس كتير، بس برضه حصل فيها حاجات حلوة كتير، أهمها التطور اللي حصل في متصفح وصلة، علشان كده قررنا نعمل ملخص 2020 ونجمعلك فيه كل الحاجات الحلوة.

ازاي وصلة قدر يعدي كل الصعوبات في 2020؟

سنة 2020 بدأت معانا بخوف وقلق كبير من انتشار فيروس كورونا، وفي أول شهرين كانت بلاد كتير بـ تقفل علشان تحافظ على المواطنين بتوعها، وكلنا تقريبًا قعدنا في محبوسين في البيت أكتر من 5 شهور تقريبًا.

متصفح وصلة حس بـ مسئولية كبيرة قدام المستخدمين بتوعه وكان لازم يحاول يدعمهم ويساعدهم في الفترة دي، فـ عمل انطلاقة جديدة بمتصفح أسرع وبميجات قليلة.

وخلال 2020 قدر “وصلة” يوفر أكتر من 100 مليون ميجابايت لأكتر من نص مليون مستخدم، اللي كانوا واصلين طول الوقت وبيجمعوا نقط ويحولوها لـ رصيد يقعدوا بيه على النت بعد كده.

اقرأ أيضًا: 10 جنيه رصيد من وصلة.. اعرف إزاي تكسبهم دلوقتي

حفلات أونلاين على وصلة – ملخص 2020

علشان كلنا كنّا قاعدين في البيت، فـ كنّا لازم نتسلى، وبـ صراحة كان فيه حفلات كتير أونلاين وبـ تتعمل لايف كمان.

فـ وصلة ماحبش يفوت الفرصة على كل المستخدمين، وكان بـ يجيبلهم كل الحفلات دي لحد عندهم على الأبلكيشن.

وكان الواصلين بـ يتفرجوا ويستمتعوا، ويجمعوا نقط كمان علشان يقدروا يحولوها لـ رصيد مجاني وقت ما يحبوا.

اقرأ أيضًا: فنانون يواجهون فيروس كورونا بحفلات أونلاين 

ملخص 2020 .. زيادة النقط في متصفح وصلة

خلال السنة دي، وصلة عمل أكتر من عرض يساعد بيه كل واصل إنه يجمع نقط أكتر، علشان يقدر يحولها بعد كده لـ رصيد أو حتى يتبرع لـ عمل الخير.

والصفحة الرسمية لـ وصلة على فيسبوك كانت دايمًا بـ تعلن عن العروض دي أول بـ أول.

اقرأ أيضًا: تابع وصلة على تليجرام علشان يوصلك أجمد عروض الرصيد 💰😉

أجمد مسابقات الرصيد من وصلة في 2020 

غير عروض النقط، وصلة كان بـ يعمل مسابقات في صفحة المهام وعلى صفحات الفيسبوك، وكانت جوايزها بـ توصل لـ 100 جنيه رصيد في أوقات كتير.

ولو كنت من مستخدمين وصلة خلال 2020 فـ أكيد كسبت في أي مسابقة، ولو الحظ مكنش معاك، فأكيد في فرص تانية في السنة الجديدة أحسن وأحسن.

بودكاست وصلة – مورنينج فويس نوت

ولما لقينا نفسنا قاعدين في البيت كلنا، وحسينا اننا محتاجين حد نتكلم معاه، وصلة عملنا راديو على أونلاين أو “بودكاست” وكان هو صاحبنا اللي بـ يقولنا كل يوم الصبح على الأخبار والترندات.

وكمان “متصفح وصلة” كان بـ يفضل يتابع مع كل المستخدمين وياخد رأيهم علشان يطورلهم في المحتوى كل يوم، فـ تطلع في الآخر الـ “مورنينج فويس نوت” مليانة كوميديا وإفيهات ومعلومات مفيدة.

والحلقات اليومية كانت بـ تتبعت كل يوم من الحد لـ الخميس، نوتفكيشن وكمان بـ تنزل على التطبيق في الصفحة الرئيسية.

ده غير إن “وصلة” بقى يبعتها على قناة التليجرام كمان، فلو لسة مكنتش بـ تتابع الـ”فويس نوت”، تابعها دلوقتي على ساوند كلاود و بوديو.

ملخص 2020 .. وصلة كان من أهم 3 تطبيقات على جوجل بلاي

بعد رحلة طويلة من النجاح، وصلة كان من أهم 3 تطبيقات على متجر جوجل، وكمان الفنان محمد هنيدي اتكلم عن المتصفح في بوست مخصوص.

و”وصلة” دلوقتي هو المتصفح رقم واحد في مصر؛ علشان بـ يقدم أكتر من خدمة غير التصفح، زي إنك تشوف فيديوهات وتقرأ مقالات وتثقف نفسك في كل الحاجات اللي بـ تحبها.

مليون واصل اتثقفوا في 2020 وقرأوا 10 مليون مقال على وصلة

خلال سنة 2020، فيه أكتر من نص مليون مستخدم لوصلة، استفاد من المقالات اللي على الأبلكيشن بـ مختلف أنواعها.

وفي نهاية السنة، وصل عدد المقالات اللي الواصلين قرأوها لـ 10 مليون مقال، وكل مقال بـ 10 نقط يعني 100 مليون نقطة، رقم كبير برضه، وعلشان كده الواصلين دايمًا جامدين.