كتير مننا شاف مسلسل فرصه تانيه في أول عرض ليه في رمضان 2020! ويمكن كمان نال إعجاب ناس كتير، بسبب اعتماده على طريقة التشويق أو الدراما الاجتماعية الأقرب لقلوب الجمهور المصري.
لو كنت شوفته، فممكن تدخل على الكويز على طول في آخر المقال، ولو ما ناسي منه حاجات، فـ ممكن تقرا شوية في السطور الجاية علشان تفتكر:
أبطال مسلسل فرصه تانيه
من أهم عناصر نجاح المسلسل ده، وأي مسلسل الحقيقة، هما الأبطال، وتسكينهم في الأدوار المناسبة.
وفي مسلسل فرصة تانية، هـ نلاقي الأبطال بيجوا كـ التالي: البطلة “ملك” ياسمين صبري، “زياد” أحمد مجدي”، “ريهام” أيتن عامر، “مريم” هبة مجدي وزوجها في المسلسل “مدحت” دياب.
وفي الأدوار المساعدة! هـ نلاقي نجوم مهمين زي: “سالم – أبو زياد” محمود البزاوي، “عبد الرحمن – أبو ملك ومريم” محمد أبو داوود، نهال عنبر في دور “روحية – أم ملك ومريم” و”رشدي – أبو ريهام” واللي بيعمل دوره الدكتور أشرف زكي.
أحداث مسلسل فرصه تانيه – رمضان 2020
حقق مسلسل فرصه تانيه، أعلى المشاهدات على يوتيوب، وكتير من المنصات، من أول ما نزل.
أحداث المسلسل، بـ تدور حول فتاة عشرينية اسمها “ملك” بتدخل في قصة حب فاشلة! مع شاب اسمه “زياد”، بتمثل بعدها إنها فقدت الذاكرة، وبعد وقت كبير بـ تعلن، بس بـ يكون فوات الأوان!
ده غير تفاصيل حياة مريم ومدحت، اللي بـ تتطور جامد خلال الإحداث، لدرجة إن شخصية مريم الطيبة، بـ تتغير أصلا، علشان تقدر تاخد حقها من جوزها.
وشخصية ريهام، رغم إنها ما كنتش كبيرة أوي! لكنها أثرت بشكل كبير على القصة، وسابت أثر في حياة كل شخصيات العمل نفسهم، وزي ما الجمهور ما حبهاش في وقت من الأوقات، برضه تعاطف معاها.
نهاية مسلسل ياسمين صبري فرصه تانيه
Comments
0 comments