in ,

عزومة رمضان السنادي أونلاين.. جمّع حبايبك في 7 خطوات

عزومة رمضان

رمضان السنادي غير أي سنة فاتت، ناس كتير كانت متعودة تفطر كل يوم في مكان مختلف، تقابل أصحابهم ويعملوا عزومة رمضان في البيوتهم أو يفطروا في بيت أي حد من حبايبهم.

“وصلة فيد” عايزة الروح بتاعة رمضان تستمر وتعيش.. وعشان كده عايزين عزومة رمضان تستمر السنادي.. لكن “من بعيد لبعيد”، عشان نحافظ على صحتنا ونلتزم بإجراءات السلامة والحجر الصحي، ونقدر نعدي أزمة كورونا على خير.

اقرأ أيضًا(مسلسلات رمضان 2020): 21 عمل مصري على شاشة التلفزيون

إزاي تعمل عزومة أونلاين؟

عزومة رمضان

لـ كل الناس اللي متعودة تعزم وتـ تعزم.. عزومة رمضان السنادي هـ تكون أونلاين.. وده اللي هـ نتعمله في الخطوات الجايّة:

  1. أهم حاجة يكون عندك شبكة نت سرعتها كويسة.

  2. حاول يكون عندك “وصلة” أو Convertor يخلّيك توصّل الموبيل بتاعك بشاشة التلفزيون. وده غالبًا عن طريق الـHDMI. أو لو تقدر تعمل Wifi mirroring من موبيلك للشاشة.

  3. حمّل تطبيقات زي Zoom، أو Skype (لو تعرف تستخدمه)، أو ممكن عن طريق ماسنجر فيسبوك.

عزومة رمضان

  1. استخدم أحسن موبيل موجود في البيت عشان الصورة تطلع حلوة والناس اللي انت عازمهم يشوفوك كويس.

  2. الأدوات اللي انت هـ تستخدمها في العزومة، غالبًا اللي انت عازمهم هـ يستخدموا زيها وخاصةً تطبيق التواصل.

  3. رتّب كل تفاصيل العزومة قبلها بـ يوم أو اتنين عشان تكون متأكد من كل التفاصيل.

  4. جرّب التطبيق اللي هـ تستخدمه في العزومة قبلها بـ يوم.. جرّب الوصلة أو طريقة التوصيل مع الشاشة وجرّب سرعة النت.

  5. اتفق مع اللي هـ تعمل معاهم عزومة رمضان على الميعاد بالظبط.. يعني تكونوا لايڤ قبل ميعاد الفطار مثلًا ب20 دقيقة.

  6. – اتفقوا على برنامج أو مسلسل كلكم هـ تتفرّجوا عليه.. وهنا في شخص هيضحي بشاشته وهـ يشغّل عليها المسلسل ويعمل شير للسكرين بحيث كل المشاركين في المكالمة الفيديو يتفرّجوا مع بعض على نفس الحاجة.

  7. اتكلموا بنظام وانتوا في المكالمة عشان تقدروا تسمعوا بعض وتنبسطوا بالتجربة.

اقرأ أيضًا6 نجوم يتصدرون بطولة مسلسلات رمضان للمرة الأولى

أخيرًا ما تنسوش تبعتولنا سكرين شوت من أول عزومة أونلاين عشان ننشرها على “وصلة”

بواسطة مصطفى ماهر

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

اتفرج على حفلة أصالة لايڤ واكسب رصيد ببلاش!

درة وهاني سعد

قبل (درة وهاني سعد).. 5 نجمات ارتبطن برجال أعمال