الشباب من فترة، كان اتجاههم ميّال أكتر لفكرة الارتباط والاستقرار وتكوين الأسرة، لكن دلوقتي الموضوع ده قل جدًا.
معظم الناس في الفئة العمرية من 23 لـ 30 أصبحوا بـ يقرروا يفضلوا عُزاب (سناجل)، عن انهم يرتبطوا.
وبرغم إن الموضوع يبدو محبطًا، إلا أن علماء النفس قالوا إنهم مش مخطئين، وإن الموضوع له فوائد كتير جدًا، على مستوى الصحة والرضاء بالحياة.
اقرأ أيضًا: 10 أسرار لـ السعادة الزوجية: لو بتعمل 3 منها انت في الأمان
في الجاي هـ نعرض أهم المزايا اللي بـ يتمتعوا بها السناجل من وجهة نظر علماء النفس:
السناجل المستقلين أكتر راحة من المرتبطين
يقول علماء النفس إن الأشخاص اللي بـ يقدروا يعتمدوا على نفسهم ومش بـ يحتاجوا لأشخاص تانية في حياتهم هم ناس مستقلين.
الاستقاليلة وتحمُّل المسؤلية اللي عندهم بـ تخليهم أكتر راحة من المرتبطين، كمان قليل جدًا لما يشعوروا بـ طاقة سلبية.
والشخصيات الاستقالالية دي غالبًا لما بـ يفكروا يعيشوا عُزاب، بـ يكون نابع من إنهم مش حابين دخول أشخاص ممكن يخلوا بـ نظام حياتهم.
السناجل دايمًا عندهم فُرص أكتر
الشخص السنجل هو مش مرتبط بحاجة غير نفسه، فممكن يتحرَّك في أي وقت ويسافر لأي مكان سواء لشغل أو للترفيه.
مواضيع ذات صلة:
كمان العزاب عندهم فرصة للتركيز مع نفسهم وتطوير مهارتهم أكتر علشان الترقي في وظايفهم.
السناجل عندهم دايمًا فرص قوية للتعرف على ناس جديدة وتوسيع دائرة علاقاتهم.
السنجل أكتر الناس تصالحًا مع نفسه
يتمتع الشخص السنجل بقدر كبير من التصالح مع النفس وحب الذات، وده لأنه مش بـ يلزم نفسه ويجهدها بإنها تكون عاجبة باقي الناس.
الوحدة مش طول الوقت قاتلة وبائسة، بل بالعكس ممكن تكون وسيلة لإنك تقعد مع نفسك وتعرفها أكتر.
السناجل عادةً متصالحين مع شكلهم ولبسهم ولون بشرتهم، وإذا هو راضي عن نفسه، مش بـ ينشغل في إزاي هـ يشوفوه الناس.
ناجحين في حياتهم المهنية
هما كده كده وحيدين، وعادة ارتباطهم الوحيد بـ يكون بالشغل، وبـ يعطوه معظم وقتهم ومجهودهم، وده اللي بـ يخليهم متميزين.
كمان هما مش بـ يتأثروا بالأوضاع المادية، بـ عكس المرتبطين، فـ كل اللي بـ يحرّكهم في الشغل هو الشغف وحب اللي بـ يعملوه بس.
اقرأ أيضًا: 10 علامات بتقولك انك في علاقة هتنتهي قريب! (خد بالك)
عند السناجل قدرة كبيرة في المشاركة في الأعمال الخيرية والتطوع في المنظمات الاجتماعية، وده بـ يجعل خبراتهم في الحياة كبيرة.
لا يشغلهم الجوانب المادية للأشياء
من الطبيعي إن المادة تكون واخدة اهتمام أقل في حياة الشخص العازب، لأنه غير مرتبط بمسؤليات مادية كتيرة.
وبالتالي هما دايمًا بـ يدوروا عن وظائف تساعدهم على الحياة وتلبي شغفهم، وعندهم قدرة يسيبوا أي وظيفة بـ مقابل مادي كبير، ويروحوا وظيفة بـ مقابل أقل، لمجرد كونهم مرتاحين نفسيًا.
السناجل صحتهم أحسن من المرتبطين
استغلال أوقات الفراغ حاجة بـ يتمير بيها السناجل عن المرتبطين، لإنهم بـ يقدروا يمارسوا نشاطات رياضية ويعملوا أشياء مفيدة.
كونهم مش مرتبطين بوجود حد مسؤولين عنه طول الوقت، بـ يخلي فيه حرية أكتر، حتى في نوع الأكل اليومي.
من السهل على السنجل الالتزام بأنظمة حياة صحية، لو كان مرتب حياته كويس.
وعلماء النفس بـ يؤكدوا إن الغير متزوجات أقل عرض للإصابة بالأمراض النفسية والقلبية من المتزوجات!
دائرة أصدقاؤهم واسعة جدًا
علشان هما عندهم خطة دايمًا لتنظيم وقتهم، فـ ده بـ يساعد في الحفاظ على علاقتهم بأصدقائهم.
كمان كونهم مش ملزمين بحدود معينة، فـ طول الوقت ممكن يصاحبوا ناس جديدة كتير.
السنجل دايمًا عارف هو عاوز إيه
هو شخص واخد قرار إنه يبقى عازب وفاهم قيمة ده وعواقبه، بالتالي هو عارف كل حاجة في حياته يعملها امتى وإزاي.
الوقت الكبير اللي بـ يقضيه السنجل وسط الأصدقاء وحياتهم، بـ يزود خبرته في الحياة، وعلشان كده لما بـ يقرر يدخل علاقة بـ يكون حاسبها صح جدًا.
مؤمنين بـ نفسهم
السنجل ونفسه ما لهمش غير بعض.. فـ غالبًا بـ يكون مؤمن بـ نفسه وبـ يشجعها وبـ يحبها ومتصالح مع أخطائها، وده بـ يجعلهم أكثر راحة نفسية عن غيرهم.
وفكرة إنهم عارفين إنه لا يوجد شخص في الحياة قادر على مساعدتهم، ده بـ يزود المسؤلية والاعتماد على النفس.
السناجل عارفين امتى يرفّهوا عن نفسهم
طول الوقت هما ما بين الشغل وخروجات الأصدقاء والجيم، بس هما برضه ناس منظمين إلى حد كبير.
اقرأ أيضًا: 7 حاجات تخلي أي علاقة طويلة تنتهي بعد الزواج اعرفهم وربنا يستر ♀️
تنظيم حياتهم لا يخلو من وقت للمرح والترفيه عن نفسهم، وسهل جدًا إنهم ياخدوا القرار، لأنهم مش بـ ينتظروا مشاركة حد في ده.
العازبين أكتر تفاؤلًا من غيرهم
لعدم وجود الالتزامات الكتيرة في حياتهم، فده بـ يعزز نظرتهم الإيجابية للمجتمع.
وعلماء النفس بـ يقولوا إن غير المتزوجين واللي مش عندهم أولاد، أكتر تفاؤلا من غيرهم من المتزوجين، والموضوع ده بـ يسهم في ارتفاع مستوى سعادتهم.
Comments
Loading…