fbpx

بعد الانفصال.. دي حاجات لازم تعملها قبل ما تقابل الإكس

طبيعي إنك تكون مُعرّض تقابل “الإكس” في أي وقت بعد الانفصال، خصوصًا لو كان من الدواير القريبة منك، وطبيعي برضه إن التفكير في الموضوع يسيطر عليك ويوترك.

المفروض دايمًا تكون مستعد للحظة دي.. لأن ظهورك في اليوم ده وطريقة كلامك هـ تحدد حاجات كتير.

أحيانًا بـ نستخدم عبارات صعبة علشان نهدي بيها نفسنا وفي الغالب بـ تكون “شتيمة”!

لكن لازم تعرف أهم العبارات والجمل اللي هـ تساعدك تغير موقفك في اليوم العصيب ده..

في الجاي هـ نوضح أهم الطرق والعبارات اللي هـ تخليك مستعد لمقابلة “الإكس” في أي وقت: 

أنا زي الفل زي ما انت شايف

روشتة سميرة سعيد للاكس بعد الانفصال
محصلش حاجة

هـ تحتاج تقول الكلمة دي بينك وبين نفسك أوقات كتير، وقبل اللقاءات اللي ممكن تقابل حبيبك القديم فيها.

العبارة دي هتديك ثقة في نفسك كفاية، وهـ تساعدك تظهر إنك مش متأثر والموضوع عادي بالنسبة لك وأحسن كمان.

اقرأ أيضًا: 5 أسباب لـ الخيانة في العلاقات العاطفية.. اعرف ازاي تتجنبهم 

بس مش لازم برضه تحسس اللي قدامك إنه خسر أهم حاجة في حياته، وإن المعجبين بيجروا وراك من بعد الانفصال.

لازم تعرف إنك مش محتاج تثبت إنك كويس بشكل مبالغ فيه

اغنية شيرين بعد الانفصال
ايه يعني غرامك ودعني!

أحيانًا التفكير إننا هـ نقابل “الإكس” بـ يخلينا نبالغ في اختيار لبسنا والـ”برفيوم”، وحاجات كتير.

وبعض الناس ممكن يفكر في الظهور مع صديق جديد علشان يخلق نوع من الغيرة، بس ده مش دايمًا صح!

اقرأ أيضًا: 8 علامات بتقول انك داخل علاقة حب جديدة بعد الانفصال

المفروض إنك تظهر طبيعي، لأن المبالغة دي هـ تعرّف الإكس إنك لسة مكسور وهـ تديله نقط قوة كتير.

خليك طبيعي وتصالح مع مشاعرك كلها

ماذا يحدث بعد الانفصال؟
فيه حاجات تتحس وماتتقالش

مهم جدًا إنك قبل مقابلة حبك القديم تكون طبيعي، ما تتعاملش بعصبية خالص تجاه نفسك، ما تفكرش كتير في الموضوع أصلا.

خليك انت، تصالح مع مشاعرك السلبية والإيجابية، وأوعى تـ حِس بالذنب تجاه أي حاجة لأن ده بـ يصعب الموقف.

مش كويس خالص إنك تحاول تقنع نفسك إنك أكيد حياتك أحسن منه، وإنك توضح ده بشكل مباشر لما تتقابلوا!

تصالح مع ماضيك، وتعاطف مع نفسك، ممكن تفرّغ طاقة حزنك بينك وبين نفسك أو مع حد من أصحابك قبل المقابلة دي.