fbpx

حلاوة المولد النبوي.. اعرف أحسن محلات الحلويات في القاهرة

لو بتدوَّر على أحسن محلات الحلويات في القاهرة علشان تجيب “حلاوة المولد” السنة دي فالمقال ده مكتوب علشانك 😍 خصوصًا إن من الحاجات اللي ماينفعش حد يفوِّتها في المولد، هي الحلويات والاخترعات اللي بـ نشوفها كل سنة.

أسعار حلاوة المولد 2019 - فروع حلوانى العبد

ملحوظة: قبل ما تقرا ودّع الدايت لو سمحت!

فروع حلوانى العبد – من أحسن محلات الحلويات في القاهرة

“إذا ذكرت الحلويات.. ذكر العبد”، العبد غني عن التعريف، وهو من أشهر الأماكن اللي بـ تعمل حلويات عمومًا مش بس حلوى المولد عندهم كويسة جدًا وأسعارهم مناسبة.

العنوان والأسعار من هنا .

اقرأ أيضًا: شاورما ومناقيش وتبولة.. إليك أشهر مطاعم السوريين في مصر😍

لارين دوريه

من المحلات القديمة في صناعة الحلويات، ومعروف بـ جودته وتنوعه، عندهم شوية اختراعات في مولد النبي لازم تجربها بصراحة.

الأسعار عندهم متوسطة تقريبًا، بـ النسبة لـ أسعار الحلويات يعني، بس في الأول وفي الآخر، لازم تروح هناك وانت مـ تقل جيبك، علشان تعرف تـ دلع كِرشك، وتخليه يدعيلك.

العناوين:

المنيل : 93 شارع عبد العزيز أل سعود
المهندسين :189 شارع السودان
مصر الجديدة : 17 طه حسين – النزهة الجديدة
المقطم: شارع 9 امام معهد التكنولوجيا

سيموندس

لو بـ تفكر في خروجة لطيفة وفي نفس الوقت تشتري حلاوة المولد، يعني قعدة وحلويات، يـ بقى انت مكانك في  واحد من أحسن محلات الحلويات في القاهرة ومن أقدمها.

سيموندس موجود في الزمالك من سنة 1898، ودايمًا بيجددوا من نفسهم بـ  كل التطورات والاختراعات في مجال الحلويات.

أسعارهم مناسبة لـ كل الناس، عندهم حاجات بـ 10 جنيه، وحاجات بـ 100و 200 و300 أعلى حاجة.

العنوان الرئيسي: 112 شارع 26 يوليو الزمالك.

العناوين التانية:

98 شارع النيل الدقي.

33 شارع العراق من شارع شهاب المهندسين.

ليجيندا مول – ميدان زهرة المدائن – الشيخ زايد.

NOLA

المكان ده جديد في دنيا الحلويات في مصر، بس عرف يثبت نفس وسط الكبار بسرعة

نولا بـ يعمل الحلويات بـ طرق مختلفة، وعندهم أسرارهم، هو مكان مناسب جدًا، لـ هواة الاختراعات الشيك مش الأوفر.

اقرأ أيضًا: احسن مطاعم الاسكندرية اللي لازم تعدي عليها وانت هناك

أسعارهم ممكن تكون غالية شوية، بس هي مناسبة بـ النسبة لـ الحاجات اللي بـ يقدموها.

العناوين:

القاهرة الجديدة
كايرو فيستفال سيتي ، الدور الثالث، أمام اتش اند ام

مول ذا كورنر ، امام بوابة الرحاب 6

ذا واتر واي مول، خلف كريف

مساكن شيراتون
شارع سيد زكريا بجانب النساجون الشرقيون

6 أكتوبر
محل ج9، بريما فيستا مول، المحور المركزي

مصر الجديدة

مدينة الرحاب
مول زا كورنر، امام بوابة 6 الرحاب

المعادي
84، شارع 9

المهندسين
6 شارع لبنان

الزمالك
10 شارع البرازيل

حلاوة المولد
الكنافة من الحلويات اللي مالهاش موسم، في رمضان أساسي عاشورة شغال، حتى ممكن نعتبرها حلاوة مولد.
والمكان ده تحديدًا من الأماكن المتخصصة في الكنافة، مش بـ تتقطع من عندهم طول السنة، والاختراعات عندهم لا تـ توقف أبدًا.
أسعارهم متوسطة، هـ تلاقي كل اللي يعجبك، بالسعر اللي يناسبك.. النابلسية تناديك.
العناوين:
٣٨ مصطفى النحاس أمام طأطأ بتاع السمك- مدينه نصر
٤٢ شارع مصدق – الدقي
النادي الاهلي – الجزيرة
نادي الصيد – الدقي

Chocolate House

حلاوة مولد النبي

فيها إيه لو احتفلنا بالمولد النبوي السنة دي بطريقة مختلفة، نخروج خروجة حلوة في مكان لطيف، وناكل شيكولاتة مثلا! 😍

المكان ده أحسن عدو لـ الدايت في مصر، فلو لسة عندك شوية تمسك بـ الدايت والكلام الفارغ ده، أوعدك انك هـ تنساه تمامًا بمجرد ما تروح المكان، لأ بـ مجرد ما تـ شوف الطاجن ده.

اقرأ أيضًا: صلاة التراويح… جمعنالك أشهر مساجد القاهرة بالعناوين

أسعارهم حلوة، زي أكلهم بالظبط، روح ومش هتندم، وكمية الشيكولاتة اللي هـ تاكلها هتعيشك سعيد باقي حياتك.

العنوان: ١٠ إمتداد عباس العقاد – مدينة نصر – أمام سور الحديقة الدوليه – بجوار النمرسي.

CHESS – Chocolate cafe

المكان ده بـ يشجع اللمة، وهو كـ مكان ينفع لخروجة حلوة، لو عاوزين تـ حلّو وتـ قضوا وقت لطيف مع العيلة او الصحاب.

تسيبَّاس

حلواني تسيباس من أحسن محلّات الحلويات في القاهرة ، ومن أقدم محلات الحلويات في مصر، وطبعًا جودته هي سبب وجوده لحد دلوقتي.

حلاوة المولد عندهم تصنع من العسل الأبيض بدل السكر الأبيض.

ودي فروع تسيبَّاس:

فروع محل حلويات تسيباس

Voila Chocolate & Pastry Shop 

حلوى المولد النبوي

المكان ده بقى من أشيك و أحسن محلات الحلويات في القاهرة ، حتى إختراعاته كده منظمة وشيك، كل حاجة عندهم بـ تتعمل بـ المظبوط.

أسعارهم ممكن تكون عالية شوية، بس بالنسبة لـ جودة الأكل وكل حاجة فهي حلوة بـ صراحة.

العنوان: 7 وادي النيل، جزيرة ميت عقبة، العجوزة، الجيزة.

TBS

الناس دي اللي عملوا الميكس بين الحلويات المصري والسوري وقدموها في طبق واحد، اسمه “بسمولة”، عبارة عن “بسبوسة مصري + معمولة سوري”.

أسعارهم معقولة، وأكلهم حلو قوي، وشغل متعوب فيه ومعمول صح جدًا.

فروع القاهرة:

3 ش مكة – متفرع من محيي الدين أبو العز – أمام بوابة 5 لنادي الصيد المصري

22 ش بغداد – الكربة

7 ش الشهيد سيد زكريا – شيراتون

39 عباس العقاد – مدينة نصر

2 ش وادي النيل – المهندسين

3 ش مكة – المهندسين

40 ش الجزيرة – الزمالك

60 شارع9 – المعادي

أركان مول الشيخ زايد – 6 أكتوبر