السعادة الزوجية أصبحت شيء صعب الأيام دي، مع ان الارتباط سُنة الحياة، وأي بني آدم ما بـ يقدرش يعيش من غير نصه التاني، الحد اللي بـ يكمل سعادته، أو بـ يصنعها أصلا، وده بـ يتدخل فيه عوامل كتير منها المشاركة.
في الجاي أهم 10 أسرار لـ السعادة الزوجية، حاول قدر الإمكان تتعلم من تجارب الآخرين:
حاول يكون فيه بينكم هواية مشتركة
حلو يكون لكل واحد منطقته الخاصة واللي فيها اهتمامات وهوايات مختلفة عن الشخص الآخر.
اقرأ أيضًا: 10 رسائل حب فاشلة على واتس آب.. اعرفهم وابعد عنهم
بس ضروري جدًا يكون فيه دواير مشتركة بينكم، لازم يبقى فيه حاجة بـ تعرفوا تستمتعوا بيها مع بعض.
ممكن تتعودا تلعبوا رياضة معينة مع بعض كـ نوع من أنواع التشجيع، أو ممكن تتفرجوا على فيلم، المهم يكون ده جزء من روتين حياتكم.
احترموا المساحات الشخصية لبعض
هو انتوا متجوزين أيوة وأقرب اتنين لبعض في العالم، بس ده ما يبررش إن حد يتطفل على حياة التاني، لأن إنسانيًا ده مؤذي أوي.
الغيرة ممكن تكون مهمة وبعض الناس بـ يحبوها، بس حاولوا تفرقوا بينها وبين الشك والتطفل، ده مهم جدًا.
استغلوا الاجازات وقضوا وقت لطيف مع بعض
فكرة انكوا تقضوا أوقات الاجازات مع بعض، بـ يخلق فرص لانكوا تجددوا حبكم وحياتكم.
لو الفلوس هـ تعمل أزمة، ممكن تخرجوا في أماكن بسيطة مش مكلفة، بس لازم تكون بالتفاهم والاتفاق بينكم.
مواضيع ذات صلة:
أوعوا تناموا زعلانين من بعض
حاولوا تحلوا كل مشاكلكم قبل النوم، لو سيبتوا المشكلة على أمل انها تحل نفسها أو الأيام تحلها، ده ممكن يصعب الموقف.
اقرأ أيضًا: 7 فوائد لـ (الطلاق) اعرفهم وانت بـ تتجوِّز
الأزواج الناضجة بـ يتكلموا ويتواصلوا مع بعض طول الوقت، علشان يلحقوا المشكلة الصغيرة قبل ما تكبر، وده الحل المثالي.
عارف بـ تعمل ايه كلمة “بحبك”؟
الكلمة دي وغيرها من الكلمات الدالة على الحب، لها مفعول السحر في العلاقة الزوجية السعيدة، بس تكررها بـ يخليها تبقى روتينية شوية.
خلي كلمة بحبك لها وجود شبه أساسي في يومك، قولها مرة أو مرتين في إطار مناسب، مش كده وخلاص، ده هيفرق جدًا في العلاقة.
اتجمعوا على الأكل مع بعض (سر السعادة الزوجية)
من الحاجات المفيدة في تكوين علاقة عاطفية ناجحة، ان يكون فيه حاجات كتير بـ تعملوها مع بعض، منها الأكل مثلا.
لو أشغال الحياة مصعبة انكم تتجمعوا على كل الوجبات، حاولوا تظبطوا أيامكم إنكم على الأقل تاكلوا وجبة يوميًا مع بعض.
ممكن تبقى مثلا يوم فطار ويوم غداء ويوم عشاء، على حسب تظبيط جداولكم.
شجعوا بعض على النجاح
أحلى حاجة في الدنيا إن حد يلاقي اللي يدعمه، ويساعده انه ينجح، ولو كان شريك الحياة ونصها التاني، فـ مافيش أحسن من كده اهتمام ودعم.
لازم الدعم والتشجيع ده يكون متبادل على ما يتخلقش أي نوع من أنواع الأنانية في العلاقة.
ازرعوا الثقة بينكم
الثقة تعتبر “بنية أساسية” في أي علاقة ناجحة، وهي سر لـ السعادة الزوجية.
الغيرة شيء طبيعي ووارد من الطرفين، بس في المقابل الثقة بـ تهون وتطفي كتير من نار الغيرة.
لو شريكك مش قادر يساعدك على زراعة الثقة في علاقتكم من خلال تصرفاته الغريبة، فـ حط صحتك العاطفية فوق كل شيء.
حبوا بعض بأشخاصكم وأرواحكم مش بأشكالكم
الحب المبني على الشكل والجمال، زائف وزائل.
اقرأ أيضًا: طريقة اختيار شريك الحياة قبل سن الـ 35 (اعرفهم قبل ما تلبس)
العلاقة الصح هي اللي بدأت بين اتنين اعجبوا ببعض من غير أسباب ضعيفة، زي الشكل، اللي هو بـ يروح مع تغير السن أصلا.
حبوا أشخاصكم علشان الحب يفضل مستمر لآخر وقت في العمر.
المشاركة في شغل البيت
هو لو حياتكم فيها حاجة من أسرار السعادة الزوجية اللي فوق، ده معناه إنكم ناضجين كفاية وقادرين تبنوا علاقة صحيحة وصحية.
العلاقة الصحيحة دي أساسها المشاركة في كل حاجة، حتى في شغل البيت، لأنه صعب الحمل كله يبقى على شخص واحد.
اعملوا جدول أسبوعي وزعوا فيه شغل البيت بالتساوي بينكم، والتزموا بيه بالاتفاق وباللي يتناسب مع ظروف شغلكم.
Comments
Loading…