ثقة في الله نجاح.. أبرز جملة لـ محمد رمضان من بداية ما عرفه الجمهور في الكام سنة الأخيرة، اتشهر بيها وكمان أصبحت متداولة بين الجمهور العربي المتأثر بـ”الاسطورة”.
بالإضافة لانتشار جمله، كان في ظاهرة غريبة، وهي إن بعض الشباب والأطفال كانوا بـ يقلدوا لبس واستايل محمد رمضان! وحتى حركاته وأسلوبه في الكلام.
https://www.youtube.com/watch?v=yrEPrQVHVrI
رمضان استخدم الجملة الشهيرة دي في أكتر من موقف، وتقريبًا بنا عليها كتير من الأفعال والتجارب غير المتوقعة، اللي كان بيعملها كلها “ثقة في الله“.
في الجاي أبرز الحاجات اللي عملها محمد رمضان بطريقة ثقة في الله:
محمد رمضان لعب ماتش مع أبوتريكة ونجوم العالم .. ثقة في الله
https://www.youtube.com/watch?v=f8cMhvkJ2e4
في شهر نوفمبر 2019 شارك محمد رمضان في مبارة ودية بالمغرب بين “نجوم أفريقيا” و “نجوم العالم”.
وظهر الأسطورة لابس تيشيرت رقم “1”، وأدى آداء بطولي في الملعب، كل ده “ثقة”.
الماتش ده جمع محمد رمضان بنجوم كرة عالميين زي: (صامويل إيتو – لويس فيجو – فابيان بارتيز).
وجمعه فريق أفريقيا بأبوتريكة ووائل جمعة وخالد الغندور ونادر السيد.
محمد رمضان number one عمل اغاني ثقة في الله نجاح!
بداية ظهور محمد رمضان كانت في السينما، وعرفه الناس على انه ممثل كويس، ويعرف يقدم أدوار كتير.
مواضيع ذات صلة:
هو نفسه لما اتكلم عن أحلامه من كام سنة، ما كانتش تتخطى التمثيل أبدًا، لكن فجأة قرر يدخل عالم الغناء، في ظل انتشار أغاني المهرجانات.
الصدفة في غناء المهرجانات حصلت لمحمد رمضان في فيلم “قلب الأسد”، لما شارك فريق المهرجانات الشهير “المدفعجية” في أغنية (أنا أصلا جن).
شاهد أيضًا:(فيديو) محمد رمضان يُقلد هذا المطرب الأجنبي في كليب “بابا” ♂️
أغنية فيلم “قلب الأسد” حققت نجاح كبير، وكلماتها علقت مع الناس، وحصدت مشاهدات وصلت لـ80 مليون.
ومن هنا انتشرت اغاني محمد رمضان الكتير كلها تحت جملة: “ثقة في الله”.
تذكرة حفلة محمد رمضان وصلت لـ 1000 جنيه
بعدما حققت “اغاني الاسطورة” مشاهدات كتيرة جدًا، وبما انه بـ يوصف نفسه بـ”نمبر وان” على الساحة الفنية، فده إداله ثقة انه يعمل حفلات.
الفكرة ان محمد رمضان مش بس قرر يعمل حفلات، ده كمان أسعار تذاكر الحفلة الواحدة عنده بـ تنافس أسعار تذاكر مطربيين بـ يغنوا من 20 سنة!
إيه رأيك؟ ممكن تدفع 1000 جنيه عشان تسمع محمد رمضان في حفلة؟!
بس طبعًا “الاسطورة” اللي “قلبه أسد” يعمل أي حاجة طول ما فيه “ثقة في الله”.
تربية الحيوانات المفترسة
كتير بـ يظهر مع الفنان محمد رمضان في كليباته أسد أو نمر، اتقال إنها ملكه وإنه بـ يربي حيوانات مفترسة!
كمان في إحدى عروض مسرحيته “أهلًا رمضان” دخل رمضان على الجمهور بأسد حقيقي.
نشر صورة على انستجرام مع شبل صغير، وقال لجمهوره: “صباح الفل.. أسدي الصغير يقول لكم مرحبًا”.
طبعًا تربية الحيوانات المفترسة حاجة خطيرة جدًا، ومحتاجة دراسة وأشخاص متخصصين مش مجرد ثقة في الله.
(محمد رمضان يقود طائرة) .. ثقة في الله
☝🏽🛩🇸🇦
Gepostet von Mohamed Ramadan am Sonntag, 13. Oktober 2019
محمد رمضان ظهر في الفيديو اللي نشره على جميع حساباته على السوشيال ميديا، وهو قاعد جانب الطيّار وبـ يستعد إنه يسوق.
طبعًا قيادة طيارة مش حاجة سهلة وبالفهلوة، دي محتاجة دراسة سنين وتدريب وحاجات كتير، محمد رمضن اختصرها في 5 دقايق عشان يعمل الفيديو للي نشره على صفحته!
اقرأ أيضًا: طائرة محمد رمضان تُثير الجدل على السوشيال ميديا.. إليك القصّة
سواقة رمضان للطيارة سبب مشاكل كتير، أبرزها وقف الطيار ومساعده عن العمل، لأن اللي حصل انتهاك لقوانين الطيران العالمية.
لكن احنا متفقين على إن محمد رمضان عنده القدرة على عمل أي شيء مش متوقّع تحت العبارة الأشهر “ثقة في الله نجاح”!
سر جملة محمد رمضان (ثقة في الله)
عبارة محمد رمضان الشهيرة “ثقة في الله نجاح” اللي بـ يستخدمها طول الوقت، هي في الأساس كلمة والدته له.
وقال رمضان في حوار سابق مع الاعلامي خيري رمضان على قناة “سي بي سي”، إنه أخد الكلمة من والدته، اللي كانت بتوقلها له دايمًا.
لكن محمد رمضان ما ظهرش انه استخدم الجملة دي بعد أول أعماله اللي زي “عبده موتة” و “قلب الأسد” وغيرها.
ويعتبر أول استخدام للجملة دي كان بعد نجاح مسلسل “ابن حلال” وكان وقتها في لقاء مع الإعلامي عمرو الليثي على قناة “الحياة” في أغسطس 2014.
بالصدفة في نفس السنة اللي قال فيها رمضان لأول مرة جملته الشهيرة، سبقته أغنية لـ”غاندي” قبلها بـ 5 أشهر.
الأغنية كانت باسم “ثقه في الله انا ناجح”، لمغني المهرجانات الشهير بـ “غاندي”، وظهرت في مارس 2014.
وماننساش ان محمد رمضان number one
رغم إن معرفة الجمهور بالفنان الشاب محمد رمضان لا تتخطى الـ10 سنوات، إلا إنه قرر يقول على نفسه “نمبر وان” الساحة الفنية.
ألقاب رمضان اللي طلعها على نفسه، أجبرت كتير من الناس انهم يقولوها وهما بـ يتكلموا عنه، وفي نفس الوقت زَعلت ناس كتير كبار في الوسط الفني.
عادل امام، وأحمد زكي، ونور الشريف، وغيرهم من الكبار اللي أعمالهم أحققت نجحت كبيرة ما أطلقوش على نفسهم لقب زي “نمبر وان”!
Comments
Loading…