الدخول في علاقة حب جديدة بعد الانفصال من الحاجات اللي بـ نحس انها صعب تحصل، وشكوك كتير إذا كان ده من الفراغ العاطفي، ولا إحساس حقيقي بالحب ناحية حد مناسب لينا فعلا!
الأول لازم نعرف إن أي انفصال لازم يبقى فيه بعده وقت ترتاح فيه، وتفكر كويس في المزايا والعيوب وأسباب المشاكل في العلاقة السابقة.
اقرأ أيضًا: 10 علامات بتقولك انك في علاقة هتنتهي قريب! (خد بالك)
الدخول في علاقة جديدة بعد الانفصال بشكل سريع غلط كبير..!
علماء النفس حطوا منهج منطقي من 8 خطوات المفروض تمشي عليهم بعد الانفصال، قبل ما تفكر ترتبط تاني.
في الجاي هـ نشرح الـ8 خطوات دي، اللي لازم تتأكد انك مريت بيهم قبل ما تدخل في علاقة حب جديدة بعد انفصالك:
اتأكد إن الإكس ما بقاش له تأثير سلبي على حياتك
بعد فترة من الانفصال جرب تتواجد مع حبك القديم “الإكس” في أي مكان، واختبر رد فعلك وقتها.
لو رد فعلك كان طبيعي، ولقيت نفسك روحت واتكلمت معاه عادي، وكأن شيئًا لم يكن، فـ ده مؤشر كويس.
أما لو حسيت إنك مش قادر تشوفه، أو لسة فيه مشاعر حتى لو كانت كره، وجود أي نوع من المشاعر المرتبطة بعلاقتكم القديمة بـ يدل إنك لسة ما خرجتش منها.
اقرأ أيضًا: 7 حاجات تخلي أي علاقة طويلة تنتهي بعد الزواج اعرفهم وربنا يستر ♀️
مواضيع ذات صلة:
في حالة وجود التأثير السلبي للعلاقة القديمة عليك، حاول تتخلص منه بكل الطرق، ولازم تعرف إن دي علاقة وخلصت، وانك محتاج تدي لنفسك فرصة تقابل ناس جديدة.
الخوف من الوحدة لازم ينتهي قبل الدخول في علاقة حب جديدة
هو طبيعي تخاف وتحس بـ لخبطة بعد الانفصال، علشان فكرة إنك فجأة بقيت لوحدك، بس ده شعور لازم تحاول تتخلص منه.
هـ تبدأ تحس بالتعافي واحدة واحدة، وهـ تتعود تصاحب نفسك مؤقتًا لحين استعادة حياتك الطبيعية من الخروجات ومقابلة أصحابك وغيره.
ابدأ دوَّر على أصحابك من تاني واخرجوا
وقت الارتباط معظم وقتك بـ يكون مع شريكك، وده بـ يأثر على علاقتك بـ أصحابك شوية.
بعد الانفصال أهم خطوة تعملها انك ترجع تدور على اصحابك اللي بـ بينك وبينهم اهتمامات مشتركة.
الوقت اللي هـ تقضيه مع اصحابك هو أكتر وقت هـ تحس فيه بـ تعافي ملحوظ من تأثيرات العلاقة السابقة.
كمان في الوقت ده ممكن تقابل حد جديد ويبقى فيه فرصة تعرفوا بعض أكتر.
اتأكد انك قادر تدي الحب، مش بس تاخده
قبل ما تفكر تدخل في علاقة حب جديدة، اتأكد من مشاعرك وإنك مش داخل علشان انت في احتياج للحب بس!
العلاقات هي عبارة عن مشاركة، فـ لازم تبقى قادر تشارك الحب، يعني تدي الحب مش بس تاخده.
هل رد فعلك هادي دلوقتي لما بـ تقابل ناس مرتبطين؟
من المهم جدًا تختبر رد فعلك تجاه المرتبطين وانت بـ تمارس حياتك اليومية، لو حسيت بـ تغير ملحوظ بين يوم والتاني، فده مؤشر كويس.
اقرأ أيضًا: 5 أسباب لـ الخيانة في العلاقات العاطفية.. اعرف ازاي تتجنبهم
الوصول للسلام النفسي اللي يخلي عندك ثقة في إنك منتظر الشخص المناسب، وإن انفاصلك كان سببه علاقة غير صحية، مهم قبل التفكير في خوض تجارب جديدة.
عندك إحساس إنك عاوز تخرج في “Date”
بعد ما اتحققت الحاجات اللي فوق دي معاك، ممكن يجيلك شعور إنك محتاج تكلم حد انت معجب بيه، وتتفقوا تتقابلوا.
لو حاسس إن الشخص هـ يكون متحمس لـ”Date” ممكن تقوله بشكل واضح قبلها، لو مش متأكد، يبقى بلاش تعرفه “خليها مفاجأة”.
خلّي عندك قدرة إنك تقول “لأ” لأي حد مش مناسب
الخروج في “Date” مش أزمة، دي حاجة طبيعي إنها تحصل بعد أي فترة انفصال.
وهو طريقة للتعرف أكتر على الشخص اللي انت معجب بيه، وتفهم شخصيته وتشوف مناسبة ليك ولا لأ.
في الوقت اللي هـ تلاقي فيه شخص طباعه مش مناسبة ليك، خلي عندك قدرة تقول “لأ”!.. ده أحسن من الدخول في علاقة محتمل تكون فاشلة.
اقرأ أيضًا: افتح مواضيع مع الكراش بـ 5 طرق.. (اعرفهم قبل الـDate)
نصيحة.. حاول يكون عندك قايمة بالصفات المحددة اللي انت عاوزها في شريكك المستقبلي.
استعد لبعض التنازلات لما تلاقي الشخص المناسب في علاقة حب جديدة
مافيش حد كامل، لو لقيت الشخص اللي مميزاته بالنسبة ليك أكتر من عيوبه، أو العيوب سهل تقبلها، فـ حاول تقدم بعض التنازلات.
العلاقات اللي مافيهاش تنازلات مش بـ تتحرك أبدًا، وخلي بالك إن هو كمان هـ يكون ليه طلباته.
النقاش مهم جدًا مع حتة التنازلات، علشان توصلوا لحلول وسط.
Comments
Loading…