in

اتعلم ازاي تعمل “لايف ستايل” وتطوَّر لبسك وشكلك اون لاين

اتعلم ازاي تعمل "لايف ستايل"

ألبس إيه؟.. حيرة كل يوم، معظمنا بـ يواجه أزمة في الـ لايف ستايل واختيار اللبس المناسب قبل كل خروجة، سواء كانت الخروجة لشغل أو جامعة أو حتى سهرة بالليل مع صحابك.

الحيرة دي مش حاجة وحشة، هي سببها بس إنك عاوز/ة تظهر في أحسن شكل ممكن، وده مش عيب ولا فيه مشكلة خالص.

طبعًا بـ جانب اننا نظبط لبسنا بـ نكون عاوزين نختار تسريحة الشعر المناسبة، والبرفان وشكل الجزمة اللي هيمشي مع اللبس ويا ترى ألبس “إكسسوارات” عاملة ازاي؟

اقرأ أيضًا: التليفزيون ممل؟ خليك على يوتيوب وشوف القنوات دي

زمان الموضوع كان صعب فعلا شوية، لكن دلوقتي الدنيا بقت أسهل، وممكن تتعلم تظبط لبسك اون لاين كمان!

في الجاي هـ نعرض أهم قنوات الـ لايف ستايل على يوتيوب ولاد وبنات.. هـ تساعدك تطور من لبسك وشكلك وتبقى إنسان جديد: 

أولًا: الشباب

قناة محمد شعراوي –  قناة لايف ستايل للشباب على يوتيوب

من أوائل الناس اللي اتكلموا في موضوع الشياكة للرجالة في مصر.

قناة “شعراوي” فيها حوالي 335 ألف مشترك، وبـ يتابعه ناس كتير من مصر والعالم العربي.

اقرأ أيضًا: البنطلون المقطّع والبرمودا ممنوعين في هذا البلد العربي

أهم الموضوعات اللي بـ يتكلم فيها هي: (تظبيط الملابس، وأنواع البرفان، والعناية بالشعر والبشرة، والتمارين الرياضية).

من الآخر ممكن تعتبر قناة محمد شعراوي، شاملة وفيها كل اللي انت محتاجه.

لايف ستايل د.مكاوي – كل ما يخص العناية بالمظهر لـ الشباب

قناة “لايف ستايل د.مكاوي” من القنوات المهمة لكل شاب بـ يحب يهتم بـ نفسه ويبقى أحسن دايمًا.

الموضوعات اللي بـ تناقشها “لايف ستايل” هي: (الملابس، والاتيكيت، الصحة، البديكير).

Aziz, Out of the Box Ideas

دي واحدة من أقدم قنوات الـ لايف ستايل الموجهة للشباب على اليوتيوب، وهي بـ تقدم محتوى متنوع في المنطقة دي.

بـ جانب الشياكة، عزيز بـ يشارك الناس بـ مغامرات وأفكار جديدة في الشغل والحياة عمومًا.

يوسف سودان – قناة شبابية على اليوتيوب

من القنوات الجديدة في مجال الـ”لايف ستايل”، والمحتوى اللي بـ يقدمه يوسف موجه لـ”الشباب”.

الموضوعات اللي بـ يناقشها يوسف سودان هي: (لايف ستايل، الموضة، المظهر الخارجي).

ثانيًا: البنات

قناة مريلة كحلي – من أهم قنوات الـ لايف ستايل لـ البنات

سارة بـ تساعد البنات من خلال قناتها “مريلة كحلي” إنهم يقدروا ينسقوا ملابسهم ويواكبوا الموضة بطرق بسيطة.

و”مريلة كحلي” تعتبر من اقدم قنوات لايف ستايل موجهة للبنات على اليوتيوب.

الوصفة – فاطمة شرمي

قناة “الوصفة” على يوتيوب من القنوات اللي بـ تقدم محتوى موجه لـ”البنات” و”الستات” بوجه عام.

لكن القناة فيها جزء خاص بـ الموضة والـ لايف ستايل، واحدة من اللي بـ يقدموا المحتوى ده على القناة، هي فاطمة شرمي.

وفاطمة بـ تناقش موضعات ليها علاقة بـ تنسيق الملابس واللبس المناسب للخروجات والكلام ده.

Alia Awwe

قناة “علياء” المتخصصة في كل ما يخص المرأة من حيث اللبس أو التجميل و كما الـ لايف ستايل، هي من أقدم القنوات على يوتيوب.

القناة فيها حوالي 550 ألف مشترك لحد دلوقتي، وعدد متابعينها كبير، وده راجع لأن علياء تقريبًا بـ تنشر فيديوهات كتير جدًا مقارنة بالقنوات التانية.

اقرأ أيضًا: تبيع (مياه الحمّام) بعد الاستحمام فتاة عشرينية تجذب الملايين بهذه السلّعة!

كمان هي بـ تشارك الناس دايمًا بـ الحاجات اللي بـ تشتريها او التجارب بتاعتها مع أدوات التجميل وهكذا.

قناة إسراء عامر – من أبرز قنوات الـ لايف ستايل على يوتيوب

القناة دي مخصصة للبنات بشكل عام والمحجبات بشكل خاص، لأن أغلب الملابس اللي بـ تتكلم عنها إسراء خاصة بالمحجبات أكتر.

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0
افلام محمد هنيدي

افلام محمد هنيدي.. شاهد اون لاين وافتكر اشهر افشات

علاقة حب جديدة بعد الانفصال

8 علامات بتقول انك داخل علاقة حب جديدة بعد الانفصال