افلام محمد هنيدي.. شاهد اون لاين وافتكر اشهر افشات

افلام محمد هنيدي بـ تمثل قيمة كبيرة لأجيال عربية كتير، أول ظهور له كان في فيلم “اسكندرية ليه” بـ دور صغير رشحه له المخرج الراحل يوسف شاهين.

من أول مرة شافه فيها المخرج خيري بشارة على مسرح معهد فنون مسرحية، آمن بيه وقدمه في دور بسيط بـ فيلم “يوم حلو ويوم مر” مع سيدة الشاشة العربية الراحلة فاتن حمامة.

ولمع هنيدي في “إسماعيلية رايح جاي”، وحصل على البطولة المطلقة الأولى في فيلم “صعيدي في الجامعة الأمريكية”.

اقرأ أيضًا: أجمد افلام عادل امام.. شاهد اون لاين

هنيدي ساهم في الفن المصري بإنجازات كتير، استحق عليها “جائزة الإنجاز الإبداعي” من مهرجان الجونة 2019، خلفًا للنجم الزعيم عادل إمام.

افلام محمد هنيدي الشهيرة:

فيلم عنترة بن شداد احدث افلام محمد هنيدي – شاهد اون لاين 

من أجمد افلام محمد هنيدي الكوميدية والساخرة، حفيد عنتر العبسي بـ يدخل في صراع مع أسد الرجال.

بـ يحاول التغلب عليه بكل ما أوتي من قوة في سبيل الفوز بـ قلب “عبلة” أجمل فتاة في القبيلة.

يوم مالوش لازمة – افلام اون لاين

الفيلم من أحدث أفلام الفنان محمد هنيدي وتم انتاجه عام 2015، ولم يكن كأفلام هنيدي التي حققت الإيرادات العالية في السينما.

تدور الأحداث يوم زفاف يحيى (محمد هنيدي) ومها (ريهام حجاج)، يمر العروسان بمواقف صعبة منذ صباح اليوم وتظهر فتاة غريبة الأطوار، بوسي (روبي)، وتصِّر أن تكون زوجة يحيى بدلًا من مها.

عندليب الدقي (افلام محمد هنيدي الجديدة) – شاهد اون لاين

قصة الفيلم تدور حول (فوزي) اللي بـ يقدم دوره الفنان محمد هنيدي، وهو شاب مكافح نفسه يبقى مطرب مشهور.

الحظ كان دايمًا عدو هنيدي لحد ما بـ يكتشف فجأة أن له أخ توءم اسمه (فواز) ثري خليجي في “دبي” يقوم بدوره “هنيدي” أيضًا.

يقابله “فوزي” ويطلب مساعدته علشان يحقق حلمه، والأحداث في النص بـ تكون متأزمة “فواز” مش عاوز يعترف بأخيه.

وبـ تكمل الاحداث بمرض فواز اللي هـ يحل محله فوزي وهـ ينقذه من مشكلة كبيرة، وينتهي الفيلم بـ مشهد رجوع الاخوات لبعض في إشارة للعروبة.

محمد هنيدي فول الصين العظيم – شاهد اون لاين

الفيلم بـ يدور  في جو كوميدي حول شاب مصري اسمه محي الشرقاوي، متربي مع جده وأعمامه اللي هما عبارة عصابة للتهريب.

والسبب في تربيته مع جده إن أبوه مات في عملية تهريب، وأمه الراقصة اتجوزت وبعدت عنه.

ولأنه جبان يدخل في مشاكل كتير مع جده وأعمامه، وهـ يرجع لأمه وزوجها اللي هـ يبعته للصين مكانه علشان يمثل مصر في مسابقة للطبخ.

وفي الصين هـ تحصل لـ (محي) اللي بـ يقوم بدوره محمد هنيدي، تفاصيل كتير، هتنتهي بـ تحوله لإنسان مختلف.

فيلم وش اجرام لـ محمد هنيدي – شاهد اون لاين

https://www.youtube.com/watch?v=L3xF0KQ2MZg

الفيلم ده من أحلى افلام محمد هنيدي، وبـ تدور أحداثه حول الشاب (طه) اللي بـ يمثله محمد هنيدي، خريج معهد حاسب آلي.

(طه) من أسرةفقيرة  يضطر للكذب على خطيبته، بعد فشله في الحصول على وظيفة.

ولتوضيح انتشار البطالة في المجتمع فظهر والد “طه”  يعاني من البطالة بعد خصخصة المصنع اللي كان شغال فيه وتسريح العمال إلى المعاش المبكر.

يا انا يا خالتي من افلام محمد هنيدي الشهيرة – شاهد اون لاين

من الافلام الكوميدية المشهورة لـ هنيدي، واحداث الفيلم بـ تدور حول (تيمور) اللي بـ يمثل دوره محمد هنيدي، الشاب اللي بـ يدرس الموسيقى.

(تيمور) وحيد أبوه وقرر انه يتجوز (نوال) صاحبته في المعهد، وساعتها بـ يوقعه ابن خالتها في مشكلة سرقة عقد.

بـ تتأزم الأحداث و (تيمور) بـ يعمل (خالتي نوسة) الساحرة المهاجرة، علشان يسيطر على (أم نوال)، وبـ ينجح انه يتجوز حب عمره في اخر الفيلم.

رمضان مبروك أبو العلمين حمودة – شاهد اون لاين

الاستاذ (رمضان مبروك أبو العلمين حمودة) اللي بـ يمثل دوره الفنان المصري محمد هنيدي مدرس في  (مدرسة ميت بدر حلاوة).

شخصية أستاذ رمضان قوية، وكل الناس في البلد بـ يخافوا منه، وفي المدرسة هو المسيطر الأول مش المدير.

الظروف بـ تتبدل بالبطل بعد ما بـ يطلب منه وزير التعليم إنه يروح مدرسة ابنه الخاصة، اللي كل طلابها ولاد مسئولين كبار.

في مدرسة القاهرة يقع الأستاذ رمضان رمز الأخلاق في حب مغنية كان يحاول إبعاد الطلاب عنها، وتتحول شخصيته بالكامل.

عسكر في المعسكر – شاهد اون لاين

فيلم بلية ودماغه العالية – افلام اون لاين

هو من افلام محمد هنيدي الناجحة والتي حققت إيرادات عالية وصلت إلى 13 مليون جنيه حين إصداره سنة 2000.

تدور أحداث الفيلم حول “الأسطى عماد بلية” والذي يقدم دوره محمد هنيدي، وهو ميكانيكي سيارات في حارة بسيطة.

يقع في حب فتاة ثرية “دنيا” والذي تقوم بدورها غادة عادل، تعرف عليها حينما قام بإصلاح سيارتها.

يتنافس بلية للفوز بدنيا وإقناع والدها به، بعدما دخل شاب من أصحاب النفوذ حياتها، وأصبح والدها يضغط عليها للجواز منه.

صعيدى فى الجامعة الامريكية – شاهد اون لاين 

https://www.youtube.com/watch?v=0_dplcl1g08

يعد هذا العمل من أهم افلام محمد هنيدي على الإطلاق، لأنه أول فيلم يأخذ به بطولة مطلقة.

الفيلم بـ يدور حول بطل الفيلم (خلف الدهشوري) اللي بـ يمثل دوره محمد هنيدي، وهو من اوائل الثانوية العامة في الصعيد.

يحصل خلف على منحة لدراسة الاقتصاد والعلوم السياسية في الجامعة الأمريكية بالقاهرة.

شاهد أيضًا: أشهر افشات افلام محمد هنيدي.. مش هتقدر تبطل ضحك

وينتقل الصعيدي للقاهرة وبـ يقيم هناك مع اثنين من بلدياته.

وفي الجامعة الأمريكية بـ يحصل للشاب خلف الصعيدي مواقف كتير هـ تساعده يتغير ويفهم الحياة أكتر.

من افلام محمد هنيدي المميزة (امير البحار) – شاهد اون لاين

https://www.youtube.com/watch?v=4dKz6DyB26g

من الافلام الجديدة يعتبر لـ هنيدي، وقدم فيه وجبة دسمة من الكوميديا، وشارك فيه مع فنانين كتير كبار وشباب كمان.

الفيلم بـ يدور حول (أمير) اللي بـ يمثل دوره محمد هنيدي، طالب في الأكاديمية البحرية، وهو شاب وحيد على 4 بنات، أبوه من أثرياء الاسكندرية، ويعمل في النقل البحري.

يحلم أمير باليوم اللي هـ يتخرج فيه ويمسك شغل البحر والمراكب بتاعة أبوه ويبقى قبطان كبير، ويتجوز (سلوى) حب عمره، واللي بـ تمثل دورها الفنانة شيري عادل.

همام في امستردام – شاهد اون لاين

همام شاب عايش فى حارة شعبية مع أسرته اللي عددهم كبير جدًا، وبـ يعاني من البطالة زي شباب كتير.

تضيع أول أحلامه بزواج حبيبته لرجل من الأثرياء اللي جايين من الخليج، فـ بيقرر همام ما يضيعيش باقي أحلامه في البلد ويسافر هولندا.

في هولندا هـ يتعرض (همام) اللي بـ يمثل دوره محمد هنيدي لموقف صعب وهو سرقة ورقه، وبـ يقابل (أدريانو) اللي بـ يمثل دوره أحمد السقا، واللي بـ يساعده كتير.

بعد كده همام بـ يعيش مع مجموعة من الشباب العرب والمصريين المغتربين في شقة، وبـ تدور الأيام عليهم يوم صعب ويوم حلو لحد ما تفرج في آخر الفيلم.

جاءنا البيان التالي – شاهد اون لاين

https://www.youtube.com/watch?v=wtLk1kRsjWg

يعتبر الفيلم ده من أهم افلام محمد هنيدي في السينما المصرية.

الفيلم بـ يناقش قضايا مهمة في إطار الكوميديا السوداء أو الرمادية، وبـ توضح علاقة الإعلام بالفساد.

كمان بـ يعرض مشكلة الواسطة اللي ما ينفعش الشاب يعيش في المجتمع من غيرها.

أحداث الفيلم بـ تدور حول (نادر سيف الدين) محمد هنيدي، و(عفت الشربيني) حنان ترك، خريجين كلية الإعلام وبـ يدوروا على فرصة في القنوات لكن بـ يواجهوا صعوبات كتير، وبـ يتأكدوا إن الموضوع مش سهل خالص.