in

الشتاء محتاج افلام.. شوف أحسن بلاي ليست تستقبل بيها الموسم

عمرو دياب من فيلم آيس كريم في جليم

اهم حاجة واحنا بـ نستعد لاستقبال أجواء الشتاء الجميلة، تجهيز “بلاي ليست” افلام كويسة علشان تسلينا واحنا عاملين بيات شتوي على سرايرنا في الكام شهر الجايين دول.

فيلم ايفرست

ومن الواضح إن الشتا السنة دي جاي أسقع من أي موسم عدا علينا قبل كده، فـ ربنا يستر علينا من خناقات الناس اللي بـ تحب الصيف.

جمعنالك احسن قايمة افلام مناسبة لكل الأذواق سواء بتحب الشتا:

بلاي ليست افلام الناس اللي بـ تحب الشتاء وجو القطب الشمالي

The Revenant – شاهد اون لاين 

الفيلم ده مليان أجواء كده من الإثارة والأكشن لزوم الأدرنالين اللي بـ نفقده في الشتا.

اقرأ أيضًا: 20 من اقوى افلام الرعب على Netflix.. ماتتفرجش لوحدك

وكمان الفيلم أحداثه كلها متصورة في التلج، يعني انت مش محتاج تروح القطب الشمالي ولا حاجة، هو جايلك ما تقلقش!

“The Revenant” أو “العائد” بطولة ليوناردو دي كابريو وتوم هاردي وويل بولتر، وإخراج أليخاندرو غونزاليز إيناريتو.

Hateful Eight – شاهد اون لاين

الفيلم بـ تدور أحداثه في نهاية القرن التاسع عشر، عن ناس محبوسين في مبنى مهجور هربانين من عاصفة تلجية مدمرة، وبالصدفة بـ يجي للمبنى ده مجموعة من المسافرين، وبـ نعيش معاهم الفيلم.
الفيلم كتابة وإخراج كوينتن تارانتينو، وده كافي يعرفك أد إيه الفيلم مليان أكشن وحاجات غريبة.
بطولة: صامويل جاكسون وكورت راسل وجينيفر جيسون لي وتيم روث ومايكل مادسن.

everest – شاهد اون لاين

“ايفرست” هو فيلم مغامرة تم إنتاجه في آيسلندا والمملكة المتحدة سنة 2015، بص تحديات وفرحة وحزن ومشاعر ملخبطة كتير.

الفيلم ده هـ يحبه أوي كل عشاق الشتاء والآيس كريم في ديسمبر.

“ايفرست” بطولة جيسون كلارك وجاك جلينهال وجوش برولين وجون هوكس وإميلي واتسون، إخراج بالتاسار كورماكور وكتابة سيمون بيوفوي وليم دوبس.

آيس كريم في جليم – شاهد اون لاين

ما ينفعش نتكلم عن افلام الشتاء وننسى فيلم الهضبة، وأغنية “آيس كريم في جليم”.

الفيلم فيه كمية نجوم كتير، عمرو دياب وسيمون وحسين الإمام وأشرف عبد الباقي وجيهان فاضل.

اقرأ أيضًا: شاهد اون لاين افضل افلام اكشن في 2019

“آيس كريم في جليم” إخراج خيري بشارة، سيناريو مدحت العدل، ومحمد المنسي قنديل.

بلاي ليست للناس اللي شتا بالنسبة ليهم “حضن”

titanic – شاهد اون لاين

رومانسية مفرطة بين جاك وروز طول الفيلم، بـ تنتهي نهاية مأساوية جدًا وبـ نشوف تضحية جاك بـ نفسه علشان حبيبته تعيش، من غير أي لازمة الحقيقة.

الفيلم فيه شوية دفا حلوين، وفيه برضه ناس بـ تموت من البرد في الاخر، بـ يرضي كل الأطراف، وهو من أنسب أفلام المرحلة دي.

“تايتنك” من إخراج وكتابة وإنتاج جيمس كاميرون، بطولة كل من: ليوناردو ديكابريو وكيت وينسليت.

the notebook – شاهد اون لاين

الفيلم ده مناسب للرومانسين والدراميين برضه، أحداثه خفيفة وفيها لمسة كده من الشتاء.

“the notebook” بطولة رايان غوسلينغ ورايتشل مكأدامز وجيمس غارنر وجينا رولاندز وجوان ألين، إخراج: نيك كاسافيتس.

فيلم شاروخان: Dilwale – شاهد اون لاين

الناس اللي الشتا بالنسبة ليهم حضن والرومانسيين بـ زيادة افلام شاروخان بالنسبة ليهم شيء مهم وضروري، واحنا اتفقنا نرضي كل الأذاوق.

اقرأ أيضًا: افلام السفر عبر الزمن.. 6 من أفضلهم (شاهد اون لاين)

يعتبر من الافلام الرومانسية الكوميدية الهندية، وهو من بطولة شاروخ خان، وكاجول، فارون داوان، كريتي سانون، إخراج: روهيت شيتي.

فيلم حالة حب – شاهد اون لاين

“حالة حب” من تيمة افلام الرومانسية المفرطة والحنين، والمشاعر المرهفة.

تم إنتاجه سنة  2004، وهو من بطولة تامر حسني وهاني سلامة وهند صبري وزينة ومها أبو عوف، وإخراج: سعد هنداوي.

بلاي ليست افلام للناس اللي خيالهم واسع

Chronicles of Narnia – شاهد اون لاين

https://www.youtube.com/watch?v=lWKj41HZBzM

الفيلم ده من افلام الخيال والمغامرات، وهو مناسب ان العيلة تتفرج عليه مع بعض كلهم، واهي فرصة تسرحوا كلكم بـ خيالكم وتتجننوا شوية.

الفيلم من إخراج أندرو آدمسون، وبطولة: جورجي هينلي، وليام موسلي، اسكندر كينز.

the water horse – شاهد اون لاين

قصة الفيلم ده بـ تدور عن طفل بـ يعاني من التوحد بـ يلاقي بيضة يخرج منها كائن بحري ضخم وأسطوري.

تنشأ بينهم صداقة ومغامرات، وجو من الخيال اللي معمول بـ دماغ متكلفة على الاخر.

الفيلم من إخراج: جاي راسل، بطولة: إميلي واتسون، جيرالدين بروفي، بن شابلن، ديفيد موريسي، براين كوكس، أليكس إيتيل.

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0
احذر اختراق هاتفك

3 طرق لـ حماية الهاتف وخصوصية بياناتك الشخصية

فاطمة عبد الرحمن لاعبة الاسكواش الامريكية

إجبار طفلة مسلمة على خلع حجابها بالقوة في هذا البلد