in

5 أسباب لـ الخيانة في العلاقات العاطفية.. اعرف ازاي تتجنبهم

الخيانة في العلاقات

الخيانة هي أسوأ شيء ممكن يتعرّض له أي إنسان في الدنيا، لكن لو كان على مستوى علاقته بـ شريك الحياة، الموضوع بـ يكون مؤلم أكتر!

لكن قبل اللوم على الآخريين والشك طول الوقت، نعرف إيه الأسباب اللي بـ توصلنا للطريق ده، ونشوف نقفلها ازاي.

الأول نعرف مين أصلًا اللي بـ يخون في العلاقة

الخيانة
الخيانة في العلاقات العاطفية

فيه دراسات عن الموضوع ده، قالت إن نسبة الستات اللي وقعوا في الخيانة أكتر من الرجالة، وده لأن العاطفة هي اللي بـ تحركهم.

الكاتبة والباحثة الأمريكية “أليسيا ووكر” قالت إنها اتكلمت مع أكتر من 50 ست ما بين 24 – 54 سنة.

وبعد ما اتكلمت معاهم كتبت كتاب “الحياة السرية للزوجة الخائنة” وشرحت فيه إزاي الستات في أول 40 سنة اللي هو سن زهوتها بـ تكون معرضة انها تخون بسهولة.

اقرأ أيضًا: 10 علامات بتقولك انك في علاقة هتنتهي قريب! (خد بالك)

في الجاي هـ نتكلم عن أهم 5 أسباب للخيانة في أي علاقة عاطفية، والحلول اللي هـ تساعدك تتجنب الموضوع ده:

السبب (1): الشغف راح وكله رايح

فكرة إن العلاقة تبقى روتينية كلاسيكية مافيهاش جديد، دي حاجة بـ تموَِت العلاقة العاطفية مع الوقت.

اللي بـ يفضل عايش من الطرفين في العلاقة دي، بـ يسيب التاني ميت مع نفسه، وبـ يروح يدور على حد تاني يشاركه الحياة، من غير ما يحس إن دي خيانة!

الحل: الوضوح حل مهم علشان تتجنب الخيانة

  • اتكلموا مع بعض بوضوح، أول ما حد يحس بملل يتكلم مش يفضل ساكت لحد ما يبقى خاين.

  • انك تلجأ لدكتور نفسي في أي وقت بسبب مشاكل عاطفية لا عيب ولا حرام، وبالعكس لو أقنعت شريكك انه يعمل كده هو كمان هـ يكون كويس للطرفين.

اقرأ أيضًا: قبل اول لقاء.. 10 أنوع للرجالة ‍♂ ممكن تقابليهم لو بتفكري تخرجي في “Date” ‍♀ 

  • عدم الرضا العاطفي خطر جدًا، لأن العلاقة دي أساسها السعادة، فلو السعادة ما اتوجدتش يبقى مافيش علاقة أصلا.

السبب (2): مافيش تواصل بينكم؟.. يبقى فيه حد خاين أو بـ يفكر!

لو التواصل فجأة قل بينكم أثناء الارتباط أو حتى لو بعد علاقة جواز رسمي، ده معناه إن فيه حد في العلاقة زهق.

الزهق ممكن يوصل الشخص ده لإنه يدور على حد تاني يسعده، ولو لقاه مش هـ يحب يرجع يتواصل مع الحد اللي كرهه في حياته.

الحل: التواصل مهم جدًا علشان تبقى العلاقة صحية

  • خليكوا دايمًا بـ تتصلوا ببعض، حتى لو كل واحد في شغله، من وقت للتاني “تليفون صغير منك يطمني عليك”.

  • لو متجوزين، فخلوا في وقت في اليوم لحياتكم سواء هتقضوه في البيت أو هـ تخرجوا.

  • حاولوا إن يبقى فيه مساحة للنقد، كل واحد زعل من التاني في حاجة يتكلم وينقده عادي، ولازم يكون التفاهم والاحتواء موجود.

السبب (3): الطرف اللي بـ يسيب نفسه لـ شهواته ورغباته خطر على العلاقة

الخيانة في العلاقات

ممكن تكون قاعد في مكان بـ تشرب قهوة وتلاقي شخص دخل المكان خطف قلبك.

مش معنى ده إن الشخص اللي انت في علاقه معاه مش قادر يخليك ما تبصش برة، أو إنه مش الشخص الصح..!

الشخص اللي شوفته في الكافيه لأول مرة ممكن يكون جذبك شكله مظهره، لكن انت ما تعرفش عنه حاجة، فـ ما تطاوعش أهوائك.

الحل: حاول تقنع نفسك إن الشخص اللي معاك أحسن حد في الدنيا

  • كل علاقة فيها تحديات كتير، وبحكم إننا بشر، فـ دايمًا بـ نقابل ناس يعجبونا ونعجبهم، بس مش شرط يتحول ده لحب وحاجات تانية.

  • حافظ على الجو الرومانسي بينك وبين شريك حياتك، وخلي بالك ان الفعل أهم من الكلام.

  • لازم تحس إن الشخص اللي معاك هو أحسن حد في الدنيا!

  • احترم استقلال شريكك ونفسك، وما تحاولش تجبره على حاجة.

السبب (4): الشك ده أسوأ حاجة ممكن تحصل بين أي اتنين في علاقة

فيه ناس حياتهم كلها مبنية على الشكوك، ودول في العلاقة بـ يكونوا غيورين بشكل فظيع ويزهق.

طريقتهم دي هي مدخل لـ العلاقة المؤذية، والخيانة.

الحل: حاول تـ تحكم في نفسك وشكوكك وتوقعاتك

  • اتحكم في الشك الزيادة اللي عندك، وخلّي عند ثقة في شريك حياتك.

  • خليك هادي في انفعالاتك وردود أفعالك تجاه المواقف.

  •  بدل ما تعتمد على التوقعات وتحلل الموقف بطريقتك، حاول تواجه الشريك بالموقف، وتتكلموا بأسلوب نقاش لطيف، ده أفضل.

السبب (5): الفضول انك تجرب الدخول في علاقات بشكل مستمر

الخيانة في العلاقات

احنا اتفقنا اننا كـ بشر متطلباتنا واحتياجاتنا متغيرة بشكل شبه مستمر، بس فيه ناس الموضوع عندهم زايد شوية.

اقرأ أيضًا: سبب جديد لـ الطلاق في مصر مرتبط بالفروق بين الطرفين.. تعرَّف عليه 

الفضول أوقات بـ ياخدنا لمناطق بعيدة، زي اننا نكون مع شخص، بس بـ نفكر لو حياتنا مع الشخص التاني كانت هتبقى عاملة ازاي، فـ نحب نجرب، وده أكبر غلط ممكن نقع فيه.

الحل: تجنب الخيانة بالسيطرة على نفسك.. وقول لـ شريكك

تجنب الخيانة بالتحدث مع شريكك
  • انت أكيد عارف نفسك، وعارف مقدار حبك لشريك حياتك، بالتالي عارف ان ده مجرَّد فضول بايخ، فـ مالهوش لازمة انك تجرب!

  • لو شريك حياتك من الأشخاص الاجتماعية اللي بـ يحبوا كل الناس بطبيعتهم، فده شخص لايمكن إنه يخونك بعد ما دخل معاك في علاقة حب.

  • الخوف دايمًا بـ يكون بالتغيير اللي ممكن يحصل لـ شريكك في نص العلاقة! يعني لو ماكنش اجتماعي وفجأة بقى بـ يعرف ناس كتير، توقع إن الخيانة على الأبواب.

  • لو انت من الأشخاص اللي بـ تحب العلاقات التقليدية، اللي ما فيهاش صحاب كتير واجتماعيات، عرف شريكك.

  • ولو انت من الشخصيات اللي بـ تعجب بـ ناس كتير من أول نظرة ممكن تدي الطرف الآخر نبذة عن الموضوع ده علشان يساعدك.

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ماذا تعتقد ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

Comments

0 comments

اغلى بيتزا

قصّة اغلى بيتزا في التاريخ.. ثمنها 800 مليون دولار

مؤتمر الالعاب الالكترونية (Esports Summit 2019) اتعلم والعب