in

دراسة: بوستات فيس بوك اللي عن حياتكم العاطفية خطررر!

بوستات فيس بوك

كلنا شوفنا وتابعنا الفترة اللي فاتت، تطورات علاقة عمرو دياب ودينا الشربيني، وشوفنا برضه أد إيه بوستات فيس بوك ممكن تدمر العلاقات الحلوة.

علاقة عمرو ودينا بدأت في السر، وكانت ماشية زي السكينة في الحلاوة، لحد ما لقينا صورهم مع بعض انتشرت على مواقع التواصل، وظهروا في إعلانات وكليبات مع بعض، وهوب بعدها ينفصلوا!

انفصال عمرو دياب ودينا الشربيني بسبب بوستات فيس بوك

دينا الشربيني وعمرو دياب

دينا كانت في الأول مجرد مشروع عمل في حياة عمرو دياب، لحد ما صورهم انتشرت!.. وبقت قصتهم على لسان كل الناس.

وبعد انفصال عمرو ودينا، لقينا المشاهير كلهم طالعين بـ يقولوا، إنهم اتحسدوا!.. طب يبقى الموضوع بجد بقى، بس هو موقفش عند عمرو ودينا بس.

سالي فؤاد: بوستات فيس بوك سبب مشاكل كتير

من فترة أعلنت خبيرة التغذية “سالى فؤاد”، خبر انفصالها بشكل رسمي، وقالت إن بوستات فيس بوك ممكن تسبب مشاكل كتير.

سالي فؤاد

وطلبت سالي فؤاد من الناس في فيديو نشرته على قناتها بـ يوتيوب، ومسحته بعدها بكام شهر، إنهم ما ينشروش أي حاجة تخص علاقتهم على السوشيال ميديا، أو أي وسيلة تانية.

توضيح سالي فؤاد عن الحسد من بوستات فيس بوك المدمر للعلاقات

بوستات فيس بوك

ووضحت سالى ان الحسد ممكن يسبب مشاكل كتير، لأن نفوس الناس مش زي بعض، وقالت إنه سبب طلاقها الرئيسي.

وكتير بـ تقابلنا بوستات لاصحابنا المرتبطين على فيس بوك، بـ يتكلموا فيها عن جمال علاقتهم، ومدى حبهم لبعض، وكتر من صور الخروجات مع بعض يا بشمهندس طارق ما يهمكش.

بس في لحظة ما ممكن نلاقي “بوست تلقيح” لنفس الناس دي، ممكن يكونوا بـ يتكلموا فيه عن عدم الاهتمام، أو مواصفات شريك حياتهم!

بوستات فيس
بوستات فيس بوك

في الوقت ده أول حاجة بـ تيجي في بالنا إنهم يقصدوا نفس الشخص اللي بـ يطلع معاهم في كل صور الخروجات الجميلة!

اقرأ أيضًا: 7 حاجات تخلي أي علاقة طويلة تنتهي بعد الزواج اعرفهم وربنا يستر ‍♀️

الحقيقة الناس دي “مهاويس” نشر بوستات، ودي حاجة ممكن تأثر على العلاقة اللي هما فيها وتخليها في خطر ومهددة طول الوقت.

في الجاي هـ نعرض لـ دراسة مهمة بـ تبين ازاي البوستات الكتير ممكن تأثر بالسلب على العلاقة: 

إنما للـ بوستات حدود.. للعلاقة أسرار

بوستات فيس كندة علوش الرومانسي لعمرو يوسف
بوستات فيس بوك

الدراسة أوضحت إن فكرة وجود صور لتوثيق الأوقات اللطيفة بين الأزواج أو المرتبطين، ده بـ يساعد على توطيدها.

بس من ناحية تانية، توقع علماء الدراسة أن الأشخاص اللي بـ ينشروا بوستات عن حبايبهم بشكل مبالغ فيه، تقريبًا مشاعرهم تجاه شريكهم مش بنفس الحجم.

كمان ممكن تكون البوستات الرومانسية الكتير دي بـ يحاولوا بيها إظهار جانب مش موجود من وراء الشاشات.

اقرأ أيضًا: افتح مواضيع مع الكراش بـ 5 طرق.. (اعرفهم قبل الـDate)

108 من الأزواج أكدوا فكرة الحسد من بوستات فيس بوك

علاقات فيس بوك

الدراسة دي اتعملت على 108 حالة من الأزواج، واللي كانوا يوميًا بـ يملوا استطلاع رأي عن يومهم مع شركائهم.

الكتير منهم قال إنهم بـ يقلقوا لما يتفاجئوا بشريكهم منزل بوستات عنهم، لأن كل شيء لازم ليه حدود وإلا بـ يتقلب لـ الضد.

جزء تاني من الأزواج شايف ان العلاقة لازم يبقى ليها احترامها وخصوصية أسرارها، وإن الطرف اللي بـ ينشر العلاقة للناس غير محترم.

“لا أكذب ولكني أتجمَّل”.. الناس اللي بـ يحكوا حاجات وهمية

تامر حسني وبسمة بوسيل

أكد خبراء الدراسة المنشورة عن خطورة بوستات فيس بوك على العلاقة، وذكروا مواقف تانية مشابهة.

فيه ناس بـ يتعاملوا مع منصات التواصل الاجتماعي بافتراضيتها، إنها مكان يحققوا فيه اللي مش قادرين يعملوه في الواقع.

مثلًا بعض الأزواج، حياتهم ممكن تكون مدمرة وبائسة! لكنهم بـ ينشروا بوستات رومانسية وصور من سفريات ليهم وخروجات كتير، تبين عن مدى ترابطهم وحبهم لبعض.

الأزمة اللي بـ تقابل النوع ده من الناس إنهم في فترة ما هـ يحصلهم أزمة نفسية، ودي ممكن يبقى ليه تأثيير سلبي على العلاقة.

نصيحة الدراسة: الرومانسية مش بوستات افتراضية.. خليك واقعي

😍🤟🙏

Gepostet von ‎Ahmed Dawood – أحمد داود‎ am Montag, 29. Juli 2019

الدراسة شايفة إن مافيش طريقة نقدر نقيس بيها إذا كنت بـ “تأفور” في البوستات ولا لأ!

فـ لو انت من الناس اللي بـ تنشر “بوستات فيس” كتير أو من اللي مقاطعين السوشيال ميديا! فـ كل واحد مننا في العلاقة محتاج يـ تحقق طول الوقت من مشاعره.

اقرأ أيضَا: قبل اول لقاء.. 10 أنوع للرجالة ‍♂ ممكن تقابليهم لو بتفكري تخرجي في “Date” ‍♀

مشاعر كل شخص ماحدش يقدر يعرفها غيره هو، وبوستات السوشيال ميديا عمرها ما هـ تساعدك تعيش اللي مش قادر تعيشه على الواقع.

الصدق مع النفس ومع شريك حياتك هو أهم حاجة، مشاكلكم حلوها مع بعض، وحياتكم الحلوة وصوركم خلوها على موبايلاتكم.

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0
موضة

أغرب موضة لـ خريف 2019.. ربنا يستر وما نشوفهاش في مصر!

التعامل مع زملاء العمل

فن التعامل مع زملاء العمل.. هذه أفضل طُرق طلب المساعدة