أغلى كيسة كمبيوتر جيمنج في مصر.. بـ نص مليون جنيه!

أعلنت الصفحة الرسمية لـ “Phantom Raven” على فيس بوك، عن أغلى وأعلى كيسة كمبيوتر جيمنج في تاريخ مصر.

كيسة كمبيوتر جيمنج تم تجميعها في فترة زمنية كبيرة، تخطت السنتين تقريبًا، ووصل تمن الجهاز لـ 25 ألف دولار، يعني حوالي 400 ألف جنيه مصري!

في أحد منشورات الصفحة، أشاروا لإن الشخص اللي طلب تجميع الجهاز ده هو حد مهتم بـ “الجرافيكس” و “الجيمنج”.

في الجاي هـ نعرض أهم امكانيات أغلى كيسة كمبيوتر جيمنج في مصر:

Corsair Obsidian 1000D Case

الجسم الخارجي أو صندوق الوحدة، من نوعية كورسير أوبسيدن، وهي تتميز بتعدد أماكن المراوح محمية بفلاتر ضد الأتربة والعوامل الجوية.

اقرأ أيضًا: أول جامعة في الوطن العربي لتعليم صنع الالعاب الالكترونية

المراوح في كيسة كمبيوتر جيمنج “فانتوم” وصلت لـ 8 عادية، و4 ملونين RGB.

RAM: Corsair Dominator Platinum RGB 128GB 3600MHZ

رامات كورسير الملونة، وهي من أقوى وأفضل الأنواع ويوصى بها لكل المهتمين بـ الالعاب والتصاميم.

كمان تعدد ألوانها أثناء توصيل الجهاز بالكهرباء بـ يدي لـ كيسة كمبيوتر جيمنج شكل لطيف ومميز، بـ يزود حجم المتعة بالشغل أو اللعب على الجهاز.

Corsair Hydro Series H150i Pro 360mm AIO Cooler

جهاز المُبرد المائي بالألوان من الفئة الأعلى (H150) والمقدم من كورسير.

الجهاز ده بـ يتميز إنه سهل التركيب والفك، وليه فعالية في عملية تبريد الجهاز، اللي بـ تأثر بالتالي على سرعة الجهاز.

21 مروحة كيسة كمبيوتر جيمنج من فئة: Corsair LL120 Fans ( including Push/Pull for the AIO

غير الـ 12 مروحة اللي جايين مع الكيسة، ف الوحدة مزودة بـ 21 مروحة تبريد تانيين بـ نظام متعدد الألوان من كورسير، واللي تمنه بـ يوصل لـ حوالي 3000 جنيه مصري.

Corsair K95 Platinum Mx Speed Keyboard

لوحة المفاتيح متعددة الألوان من كورسير، واللي بـ تقدمها الشركة دي خصيصًا كده لمحبي الألعاب، علشان بـ تساعدهم يتمتعوا بقضاء وقت أطول على الكمبيوتر من غير ملل.

ASUS ROG Zenith Extreme Alpha Motherboard

من أهم الحاجات في أي تجميعة كمبيوتر، المازربورد.

الإكستريم ألفا مازر بورد، بـ 64 جيجا رام، هي الأقوى خصوصًا لو كمبيوتر ألعاب.

ASUS ROG RTX NVLINK Bridge ( purchased later with second GPU )

يعتبر كارت الشاشة ASUS ROG RTX NVLINK هو الأفضل في أي جهازة كمبيوتر العاب.

اقرأ أيضًا: الالعاب الالكترونية الأكثر مبيعًا في 2019 ما يزيد عن 100 مليار دولار

وتقريبًا ده السبب اللي جعل “فانتوم” تهتم إنه يكون موجود في تجميعة Pc زي ده.

Ryzen Threadripper 2990WX 32 Cores 64 Threads CPU

“الثريد ريبر” هو معروف لكل الناس المهتمة بـ الالعاب والجرافيكس، أي “جيمر” في وقت كيسة كمبيوتر جيمنج متميز، بـ يكون في حسابته البروسيسور من النوع ده.

لكن في الحقيقة سعر معالج “ثريد ريبر” مش مشجع للناس اللي الالعاب مش بـ تدخلهم ربح معين، لكن هي بالفعل مناسبة لـ “اليوتيوبرز” مثلا.