in

أغرب موضة لـ خريف 2019.. ربنا يستر وما نشوفهاش في مصر!

موضة

“اللي يعيش ياما يشوف” مثل شعبي حقيقي جدًا، كل يوم بـ تطلع موضة جديدة أغرب من اللي قبلها، بس أحيانًا بـ يكون شكلها لطيف ومقبول إلى حد ما.

لكن السنة دي قررت العلامة التجارية للأحذية والأزياء (yproject) إنها تفاجئنا بأشكال مختلفة وغريبة من الجذم.

جزمة بـ صباع = 16500 جنيه مصري!

موضة

ظهرت لأول مرة على “الرانواي” جزمة أقرب في تصميمها لـ “شبشب بـ صباع”.

اقرأ أيضًا: (صور) اشهر 10 عارضات ازياء جنوب افريقيا .. منهم من رافقت ثري عربي

الجزمة مكونة من جزئين، جزء مقفول علشان يغطي الصوابع كلها مع بعض، وفيه فتحة واحدة لتحرير الصابع الكبير.

[Total_Soft_Poll id=”51″]

الشكل الجديد اللي قدمته (yproject) هو أشبه باللي قدمته (celine) قبل كده.

تصميم “سيلين” كان عامل العكس، هو كان الصباع الكبير في الجزء المقفول، وباقي الاصابع هي المحررة في الهوا.

رغم الشكل الغريب للجزمة، اللي انتقده ناس كتير، إلا إن فيها ناس أكتر مقبلة على شرائه رغم وصول سعره لـ 1000 دولار، ما يعادل 16500 جنيه مصري.

موضة سيلين اجتاحت عالم الموضة في 2018.. هل هتعملها واي بروجيكت؟

موضة

في موسم ربيع وصيف 2018، لما مجموعة “سيلين” نزلت الجذمة الغريبة اللي شبه الشبشب، ما عجبتش الناس في الأول، بس لقت إقبال كبير بعد كده.

والعادي في أي موضة إنها في أول ظهورها بـ تكون غريبة بـ النسبة لعين الناس، لأنهم مش متعودين عليها.

الموضة الجديدة من “واي بروجيكت” تقريبًا بدأت تنجح انها تكسب قبول ناس كتير، لكن هل هتنجح في الانتشار بعد كده؟

بداية الفكرة كانت في الثمانينات

موضة

في الثمانينات، تحديدًا سنة 1988، ظهرت عارضة أزياء على “الرانواي” بجزمة عليها “مناكير أحمر”.

اقرأ أيضًا: (10 نصائح) اتّبعي هذه الخطوات لتبدو ملابسك باهظة الثمن ✔

في الوقت ده برضه ناس كتير كانوا حابين الشكل ده، وناس أكتر انتقدوه، إلا إن الموضة فرضت نفسها في الآخر!.

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ماذا تعتقد ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

Comments

0 comments

رانيا علوانى

من هيَّ رانيا علوانى المثيرة للجدل دائمًا؟ تعرَّف عليها

بوستات فيس بوك

دراسة: بوستات فيس بوك اللي عن حياتكم العاطفية خطررر!