(سرقة السيارات) اعرف أكتر الأنواع اللي بتتسرق بسهولة.. وخد بالك!

سرقة السيارات من الحاجات المنتشرة على مستوى العالم، وده لأنها سلّعة جذابة للحرامية وعشان حمايتها مش حاجة سهلة، وكمان سعرها بقى غالي، وقطع غيرها ليها تمن.

مثلًا في بريطانيا، سجّل المركز الوطني للإحصاءات بالنسبة لـ سرقة السيارات إن تقريبًا في السنة  بـ تتسرق 11 ألف سيارة، أغلبها بالطرق التقليدية.

في الجاي هـ نتكلم عن السيارات اللي بـ تتسرق بكل سهولة:

سرقة السيارات الجديدة مموضع سهل وممتع بالنسبة للحرامي

اقرأ أيضًا: 7 نصائح من حرامي قديم للحماية من سرقة السيارات.. (اسمع للخِبرة)

بعكس اللي معظم الناس بـ تشوفه وهو إن السيارات الجديدة بأنظمتها التكنولوجية المتطورة، ممكن تكون آمنة.

ظهرت تقارير عالمية بـ تأكد إن من بين كل 5 سيارات جديدة، بـ يتسرق منهم 4 وهي نسبة مريبة جدًا!

وفي الحقيقة إن كمان معظم السيارات الجديدة سهلة السرقة، هي اللي مش بـ تعتمد على المفاتيح، وبـ تشتغل بالنظام الإلكتروني.

وعلى رأس هذه السيارات: (فورد فوكس، وفولكس فاجن جولف).

سرقة السيارات الغالية والفاخرة مشكلة منتشرة في كل العالم

المفروض إن السيارات الخاصة بعلامات مشهورة زي “BMW” و “مرسيدس” وغيرهم تكون فيها أنظمة أمان أعلى.

كمان لأنها من السيارات في الفئة الغالية والفاخرة، فـ أكيد سرقتها هـ تّزَعل صاحبها.

بس رغم كل مستويات الأمان المتطورة في السيارات اللي تمنها غالي، إلا إن حرامية السيارات بـ يسعوا بكل الطرق إنهم يتمكنوا من سرقتها.

ودول أكتر 10 سيارات حقّقوا أرقام عالية في سرقتهم:

• “بي ام دابليو إكس5”.

• “مرسيدس سي كلاس”.

• “بي ام دابليو 3”.

• “مرسيدس إي”.

• “بي ام دابليو 5”.

• “مرسيدس جيلي”.

• “رينج روفر سبورت”.

• “لاند روفر ديسكفري”.

• “مرسيدس إس”.

• “رنج روفر فوج”.

فوكسهول كورسا الأصعب من حيث السرقة حول العالم

السيارة الجديدة من “فوكسهول” وهي أكتر إصدار من حيث الأمان والثبات، كمان الهيكل والمتور بتاعها متطورين جدًا.

اقرأ أيضًا: ازاي تشتري سيارة مستعملة من غير ما يتنصب عليك؟

“فوكسهول كورسا” الجديدة نجحت في كل اختبارات الأمان اللي عدت عليها، لأنها مش معتمدة على نظام تشغيل عن بعد، اللي كان موجود في الموديلات اللي قبلها.