(من دبلة الخطوبة) اعرف هتكمل ولا لأ ومستقبل الجوازة دي ️‍♂️

دبلة الخطوبة مش مجرد حاجة بـ تتلبس في الإيد وخلاص مع صوت شادية و الزغاريد، و”ألف مبروك يا عروسة”، طلع ليها أبعاد نفسية عميقة.

المصريين بـ يقدَّروا الموضوع ده جدًا لدرجة إنهم عملوا أغنية “يا دبلة الخطوبة” اللي بـ تتغنى وقت تلبيس الشبكة في الأفراح من قديم الأزل.

الجديد بقى ان دبلة الخطوبة دي ممكن تكون علامة على نجاح العلاقة أو فشلها، وتقدر تحدد ده من شكلها وحجمها وحاجات تانية هنوضحها في اللي جاي: 

الخاتم المتفصّل بشكل دائراي كلاسيكي يدل على استقرار العلاقة والإخلاص بين الزوجين

الخاتم اللي فيه فص زمرد أزرق بـ يقول إن الزوجين هـ يسعدوا بعض بكل الطرق

الخاتم المصمم بـ “فص الأميرة”، كل اللي هـ يلبسه هيكون هو الفاسد

اقرأ أيضًا: سبب جديد لـ الطلاق في مصر مرتبط بالفروق بين الطرفين.. تعرَّف عليه 

الخاتم على شكل كُمثرى، بـ يدل على شخصية عنيدة غريبة الأطوار

خاتم ماركيز هو دليل شبه واضح إن الزوجين هـ يعيشوا حياة جميلة مع بعض

الخاتم اللي فيه فص قلب طبيعي يكون بـ يدل على إن اللي اختاروه هما زوجين رومانسيين

الخاتم المتصمم على شكل وسادة، في الغالب بـ يدل على علاقة غير صحية

الخاتم اللي فيه فص بيضاوي بـ يقول إن العلاقة دي مش ناجحة بـ نسبة 80%، بس مش فاشلة برضه!

الفص الملون المُشع يدل على شخصية جريئة لا تخشى الآخرين وتحب تسليط الأضواء عليها

خاتم المويسانتي بـ يدل على علاقة بين زوجين عاديين عندهم تعلُق بكل ما هو قديم

الخاتم السوليتير بـ يقول إن الزوجين بـ يفضَّلوا الخصوصية واحترام المساحات الشخصية والهدوء والبساطة

الـ(3 فصوص) والخاتم ده بـ يدل على العلاقة الزمنية بين الزوجين (ماضي وحاضر ومستقبل)

الخاتم المنقوش هو بئر أسرار الزوجين وهو شاهد عيان على كل لحظاتهم الحلوة

دهب الخطوبة الغالي ممكن يكون سبب في طلاق سريع وقريب

أحيانًا بـ يتفق الأزواج على تقسيم تكاليف دبلة الخطوبة عليهم بما إن الجواز مشاركة