الحب بـ يصنع المعجزات، بس في أوقات كتير في حد ممكن يضيع كل المعجزات في العلاقة بتصرفات غير مسؤولة خاصة من ناحية الولاد لـ البنات ♀️
في الجاي هـ نوضح 10 تصرفات تخلّي أي بنت أو الست تزهق من العلاقة وتهرررررب:
الخروجات في نفس الأماكن.. (ملل)
حلو إنكم يكون عندكم وقت تقضوه مع بعض، بس لو كانت الخروجة كل مرة في نفس الأماكن أو بـ تاكلوا نفس الأكل في نفس المطعم، ده ممل بالنسبة لـ البنات لأقصى درجة، وهتهرب منك.
التقليل من اهتمامات البنات وطلباتهم مدمر للعلاقة على المدى البعيد
في وقت كده بـ تتأكد فيه الست إنها لازم تمشي، بعد ما بذلت مجهود كبير علشان تحافظ على العلاقة، لكن من غير فائدة.
اقرأ أيضًا: 10 رسائل حب فاشلة على واتس آب.. اعرفهم وابعد عنهم
خصوصًا لما تطلب طلبات بسيطة وتلاقي ردود بـ تقلل من اللي بـ تطلبه وبـ تحسسها إنه مستحيل.
(ارجعي البيت ما تخرجيش مع صحابك!) التسلُّط وعدم الثقة ده بـ يخرب الدنيا
لما تطلب تخرج معاك وانت تعمل مش فاضي، وفي النفس الوقت تحاول تلاقي فرصة تخرج مع صحابها فـ تمنعها، ده قمة التسلط والذكورية اللي بـ تكرههم أي بنت.
فـ حاول قدر الإمكان كده تخرجها انت لو متضايق من خروجتها مع صحابها أو لو انت متضايق أصلا منها فـ الأفضل انكوا ما تكملوش فعلا.
الشك والخيانة هي أصعب حاجة بـ تدمر أي علاقة
مواضيع ذات صلة:
لما تبقى قاعد معاها وفجأة يجيلك تليفون فـ تتصرف عكس العادي وتقوم تبعد مثلا، طبيعي هي هتشك.
الأزمة إن البنات لما بـ تشك، بـ يراقبوا ومش بـ يملوا ولا يكلوا غير لما يقفشوا الرجل متلبس.
الصدق والمصارحة بين الطرفين أحيانًا بـ يحل مشاكل زي دي وهي في أولها.
انك ما تبقاش موجود وقت ما هي تحتاجلك.. أكيد هـ تروح تشوف حد تاني مهتم
لما حبيبتك تقعد تكلمك وتحاول توصلك بأي طريقة علشان عندها مشكلة عاوزة تحكيلك عنها، وانت مش بـ ترد أو مش موجود، ده هـ يخليها تحس إنها ما بقتش مهمة بالنسبة ليك، وهتمشي وقتي.
ما تحسسهاش إنها أمك
في نوع من الرجالة “الاعتماديين” ودول أشخاص ما اتربوش على تحمل المسؤولية، ولسة عقله مش مستوعب إنه بقى مسؤول عن بيت وأسرة.
اقرأ أيضًا: “بينام عند امه” و”بيقولي يا تخينه”.. اغرب اسباب الخلع في مصر
الشخصيات دي بـ يكونوا عاوزين زوجاتهم زي أمهاتهم بالظبط، مش بعيد يطلب منها تعمله سندوتشات وهو رايح الشغل.
طبعًا الستات بـ تقرف بـ سرعة من الرجل اللي بـ الشكل ده.
تجاهل آرائها هـ يخليها تعلن الحرب ♂️
في بعض أنواع من الستات بـ يحبوا يكون كلمتهم مسموعة ورأيهم ليه قيمة في الحياة.
طبيعي لو معاك واحدة من النوع ده إنك تحتوي آرائها وتديها اهتمام، علشان لو ده ما حصلش حرفيًا هـ تكرهك لدرجة تخليها تعلن الحرب عليك “كيدهن عظيم”.
ما تحسس الست إن الشغل أهم منها✔✔
كتير من الرجالة بـ يكون الشغل بالنسبة ليهم أهم حاجة في الدنيا وده طبيعي، لأنه مسؤول عن حياته وحياة ناس تانية والشغل هو اللي بـ يساعده على المعيشة وإلخ إلخ.
اقرأ أيضًا: سبب جديد لـ الطلاق في مصر مرتبط بالفروق بين الطرفين.. تعرَّف عليه
بس الستات بـ يكونوا محتاجين إنهم يحسوا إن ليهم أهمية أكتر حتى من الشغل، فحاول في الوقت اللي هتبقى معاها فيه ما تكونش مشغول بأي حاجة تانية غيرها، لأن لو حست إنك مش مركز معاها هـ تسيبلك استقالتها من العلاقة دي.
أوعى تفكر تقارن حبيبتك بأي واحدة تانية
الست بـ طبعها غيورة من أي واحدة من نفس جنسها، ودايمًا بـ تتمنى إن حبيبها يشوفها غير كل ستات الدنيا، فـ مجرد تشبيهها بأي واحدة تانية، قول على العلاقة بتاعتكم السلام.
(قدَّر تتقدر) ده مش مجرد كلام دي حكم ومواعظ
التقدير أهم حاجة في العلاقات العاطفية، دايمًا الطرفين عاوزين يحسوا إن ليهم قيمة وإنهم في دايرة اهتمام بعض طول الوقت.
والستات أكتر من الرجالة في رغبة التقدير دي، لأن التقدير بـ يديها قوة مكتسبة من شريكها، ولو ما حستش بده معاك هـ تدور عليه مع غيرك فـ خلي بالك بقى.
Comments
Loading…