ازاى تفتح مواضيع مع “الكراش” في 6 خطوات سنة 2022؟ (اعرفهم قبل الـDate)

(فتح مواضيع مع الكراش) ازاى تفتح مواضيع مع “الكراش“؟! سؤال مهم ومُحيّر لكل الناس، سواء الولاد أو البنات…

بس الولاد أكتر، لأن فكرة انك تعرف دخلة أي بنت، ده محتاج مجهودات خاصة.. بس هنسهلها عليك😉

احنا حبينا نسهل عليك ولخصنا الموضوع في 5 طرق تقدر من خلالهم تفتح مواضيع للنقاش مع الكراش في سنة 2022 بـ كل سهولة.. اعرفهم في الجاي: 

1- العبوا ألعاب تتعرفوا بيها على شخصيات بعض – فتح مواضيع مع الكراش

لازم نتفق إن بسم الله الرحمن الرحيم في أي علاقة لازم تبدأ بالتعارف على بعض، حتى لو كنتوا صحاب و “بيست” كمان.

الأول انت لازم تتأكد من مشاعرك تجاه الشخص اللي انت مشدود ليه.

وبعد ما تقرر تدخله “الكراش زون”، ابدأ خد خطوات للتعرف على الجوانب التانية من شخصيته.

الحق العرض: 6 هدايا للبنات في عيد الحب تعرف تشتريها وانت مستريح

فيه طرق ذكية جدًا ممكن تعمل بيها ده من غير ما يبان حاجة كأنكم برضه لسة صحاب بس، زي:

• انكم تلعبوا اختبار الشخصيات مثلًا! وتحاولوا تشوفوا انتوا متوافقين مع بعض من خلالها لأي درجة.

• لو انت مهتم بـ “الكوميكس” و”الميمز”، لازم تتأكد إن الشخص التاني هو كمان عنده نفس الاهتمام! ممكن تلعبوا ألعاب عبارة عن سكرين من مشاهد أفلام معينة، وتقولوا الجمل المشهورة ليها.

• فيه ناس بـ تهتم انها تعرف ذوق الآخريين في المزيكا مثلًا! شبههم ولا بعيد ولا في منطقة وسط، ممكن تلعبوا بشكل غير مباشر حاجة زي جمل من الأغاني اللي بـ تحبها وتشوف الكراش عارفها ولا لأ، وهكذا.

• الأبراج جزء مهم من عملية التعارف عند بعض الناس، فـ ممكن تبقى جزء لطيف من اللعبة.

بعد كده المفروض تقرر هل الشخص ده كسب في المرحلة الأولى، وهينتقل لـ طور جديد في “الكراش زون”، ولا هيبقى “إكس”!

2- ابعت للكراش كوبون خصم.. كل البنات بتحب توفر وهتحبك وتعرف انك فاهمها 😉

على ضمانتي قلها تستخدم الكوبونات دي (FA45) أو (FA44)، وهي بتشتري أي حاجة من على موقع نون مصر هتاخد على أي حاجة خصم 10% وممكن كمان شحن مجاني لحد باب بيتها!

ولو الكراش بيحب اللبس فعندك كوبون  محل اتش آند ام (A0ID)، قله ممكن يديك لحد 20% خصم على أي حاجة في H&M.. ابعت لها الكوبون واللنك ده يللاااااا

3- (مواضيع للنقاش مع الكراش) افتح مواضيع مع الكراش باختبار الاهتمام اللي ما بـ يتطلبش 😎

بعد ما اتعرفنا على شخصيات بعض، لو قررنا ان الشخص ما بقاش “إكس” الحمد لله، يبقى نختبر حاجة أهم في العلاقة.

*لازم تكون متأكد من مشاعرك تجاه “الكراش”، ومشاعره هو كمان تجاهك، علشان المجهود ده ما يبقاش على الأرض*

ابدأ بقى افتح مواضيع مع الكراش بقى عن حياته ويومه وشغله بـ يمشي ازاي.

لازم يبقى في اعتبارك ان فيه شخصيات عندهم جانب بائس في حياتهم! ساعات بـ يحبوا يطلعوه للشخص القريب منهم علشان يختبره احتوائه.

فـ لما تسأله عن يومه، ولقيت “خزان مليان أحزان” اتفتح في وشك…

حاول تاخده في حضنك “الكلام يعني”! وترد بكلام ايجابي ومليان احتواء وما تقفش ولا تضايق من ده.

الحق العرض: ملابس بنات لـ هدايا عيد الحب 2021.. هاتلها لبس احسن من دبدوب!

ركز إنك ما تبقاش انت اللي بـ تسأل دايمًا، لأن لو كده يبقى انت متورط للأسف، الحياة والعلاقات كلها تبادل ومشاركة.

بس برضه حاول تراعي ظروف الشخص التاني، لأن التقدير جزء مهم في العلاقات الناجحة.

4- النوستالجيا والذكريات بـ تجيب مع الكراش جامد صدقني 😍

كل البشر لما بـ يفتكروا الذكريات القديمة الحلوة في حياتهم، هرمونات الحب عندهم بـ تتفرز بـ زيادة.

فـ حاول تسأل “الكراش” عن ذكرياته الحلوة، وهو طفل مثلًا، ده هـ يديه انطباع انك مهتم أكتر بـ تفاصيله البسيطة.

افتح مواضيع مع الكراش برضه عن ذكريات أول لقاء بينكم كأصدقاء عادي، قبل ما تفكروا في بعض! دي كفاية تعرفكم “هل هتتخطوا مرحلة الكراش لحاجة أكبر ولا لأ؟”.

5- افتح مواضيع مع الكراش عن صفات شريك حياته 😉

لو اتأكدتوا انكوا من اول ما شوفتوا بعض وانتوا مرتاحين أصلا ونفسكوا تجربوا بس خايفين أو بـ تشتغلوا نفسكم! يبقى دلوقتي جه وقت التعرف على الصفات اللي بـ تحبوها واللي بـ تكرهوها.

خلاص ما بقاش فيه حاجة تخبيها، اسأل بـ كل وضوح، “انت محتاج شريك حياتك يبقى عامل ازاي؟”، “ايه الصفات اللي بتحبها وايه لأ؟”.

طبعًا انت بـ تحلم ساعتها بـ الرد ده: “شريك حياتي اللي بحلم بيه حد زيك كده”، علميًا ده حلو جدًا طبعًا، عمليًا ما بـ يحصلش.

شوف كمان : لو بتدوَّر على المعنى الحقيقي للحب شوف الصور هنا  

الرد في الغالب ممكن يبقى فيه حاجات تضايقك والعكس، لأن ممكن الشخص بـ يحبك بس عنده شوية مشاكل مع حاجات في شخصيتك.

أنجح العلاقات بـ تكون قايمة على التفاهم، والمناقشة في كل كبيرة وصغيرة.

6- أخيرًا حاول تجمع معلومات عامة تساعدك وانت بـ تشتري هدية “الديت”.. مبروك ✨

افتح مواضيع مع الكراش واعرف الحاجات اللي بـ يحبها علشان تعرف هـ تجيب هدية عاملة ازاي في أول ديت.

وأوعى تقرر ميعاد “الديت” قبل ما تكون قررت الهدية هـ تبقى ايه.. وطبعًا فيه حاجة اسمها “فن اختيار الهداية”.

مبروك عليكم.. نفرح بأحفادكم ان شاء الله🥰😘

فيس بوك يفضح الكراش بإضافة جديدة هتغيَّر حياتك!

فيس بوك قرر يساعدك توصل لـ الكراش ، وده من خلال تطبيق جديد اسمه “سيكريت كراش”، واللي كان أعلن عنه مارك زوكربيرج، مدير ومؤسس فيس بوك، شهر مايو 2019 كميزة في “فيس بوك ديتنج”.

مسؤولين كتير في شركة التواصل الاجتماعي العملاقة، اتكلموا كتير عن الموضوع ده خلال السنتين اللي فاتوا، قبل الإعلان عن الموضوع بشكل غير رسمي من 4 شهور.

الـ سيكريت كراش دلوقتي في أمريكا وقريبًا في مصر!

بشكل رسمي أعلنت فيس بوك، عن تفعيل الميزة الجديدة “سيركيت كراش” في الولايات المتحدة، للتجريب، بداية من شهر سبتمبر 2019.

اقرأ أيضًا: فيس بوك متهم بتسريب بيانات 400 مليون شخص.. فضيحة جديدة

قدمت الشركة وعود كتير للمستخدمين الأمريكيين عن شدة الأمان والسرية في “سيكريت كراش”.

كمان أكدت فيس بوك أنه ممنوع تبادل أي صور أو فيديوهات وأي معاملات مالية عن طريق الميزة الجديدة.

مارك زوكربيرج وضح أنه بـ يتمنى إن خاصية “الديتنج” بكل مميزاتها يكون ليها دور في بناء العلاقات الجادة حول العالم.

بس بالرغم من كده فـ الخاصية مش منتشرة في دول كتير، والـ “سيكريت كراش” متفعلة في حدود امريكا بس.

19 دولة في انتظار سيكريت كراش

ميزة “سيكريت كراش” الجديدة مرتبطة بخدمة “فيس بوك ديتنج”، فـ انت لو الخدمة مش مفعلة في بلدك ما تعرفش بالتبعية تستخدم ميزة الوصول لـ الكراش.

ورغم أن “فيس بوك ديتنج” موجودة في حوالي 19 دولة على مستوى العالم بين أمريكا الجنوبية وآسيا، إلا أنها مش موجودة في أوروبا وأفريقيا لحد دلوقتي.

ولحد دلوقتي فـ الدول الـ 19 مش مستمتعين بميزة “سيكريت كراش”، لأنها لسة بـ تتجرب في أمريكا، لكن هما في انتظار تفعيلها الأيام الجاية.

اقرأ أيضًا: دراسة: بوستات فيس بوك اللي عن حياتكم العاطفية خطررر!

أما بقى الدول اللي لسة ما اتفعلش فيها نظام “فيس بوك ديتنج” فـ المفروض إن على بداية 2020 يكونوا بـ يتمتعوا بكل خدمات فيس بوك.

إزاي توصل لـ الكراش بسهولة من فيس بوك؟

النظام هيبقى كالتالي:

• الأول تتأكدت إن عندك آخر إصدار أو تحديث من فيس بوك.

• بعد كده بـ تشترك في خدمة “الديتنج”.

• بعد الاشتراك في خدمة “الديتنج” بـ يبقى متاح ليك اختيار 9 أشخاص إنت معجب بيهم، سواء هما أصدقاء على فيس بوك، أو متابعين من انستجرام.

• خلي بالك لازم تتأكد إن الـ 9 أشخاص هما كمان عندهم خدمة “الديتنج” وكمان ميزة “سيكريت كراش” علشان تقدر تتواصل معاهم.

• لأن المفروض إنك لما بـ تختار الـ 9، فيس بوك، بـ يدور عندهم علشان يشوف لو فيه حد مختارك في قايمة الكراش بتاعته فـ يعرفكم ببعض في إطار سري تمامًا.

• كما الفيس بوك هيعرض عليك الأشخاص اللي ليهم اهتمامات متشابهة معاك.

من ناحية تانية، فيس بوك مش هيظهرك لأي حد موجود في قايمة الكراش بتاعتك، إلا لما هو يكون ضايفك، لكن غير كده إنت هويتك مخفية تمامًا، وهتفضل “سيكريت كراش”.

دخول فيس بوك سوق الكراش كان خسارة لناس كتير

طبعًا دخول فيس بوك بعدد المستخدمين الكبير اللي بـ يملكه لـ سوق زي “المقابلات”، هـ يخليه رقم واحد، وهيأثر بالسلب عن منافسين قدام في السوق ده.

وده اللي حصل، فـ من أول مرة أعلنت فيها فيس بوك عن تطبيق المقابلات الخاص بيها، خسرت شركة “Match Group MTCH” حوالي 20% من أسهمها في 2018.

اقرأ أيضًا: ليبرا فيسبوك – عملة رقمية جديدة تسيطر على مستقبلنا قريبًا إليك التفاصيل

والأسبوع اللي تم فيه تفعيل ميزة “السيكريت كراش” في أمريكا السنة دي، خسرت تقريبًا 6% وهي نسبة قابلة للزيادة بعد انتشار الخدمة الجديدة في أماكن أكتر من العالم.