25 من أهم اغاني افراح شعبى في مصر (اغاني افراح شعبيه 2022)

مفيش اختلاف على إن اغاني افراح شعبي هي جزء من أصيل من الثقافة المصرية، وحتى دلوقتي مبقتش مقتصرة المناطق الشعبية في مصر، لأن مافيش فرح تقريبًا يخلو من الأغاني دي.

فرح شعبي يعني اغاني افراح شعبيه لازم تسخّن الفرح وتخلّي الناس تنبسط وترقص.. ومافيش أفراح شعبية في مصر خالية من أغاني حكيم وسعد الصغير والليثي، ودلوقتي أغاني المهرجانات الشعبية كمان.

والأغانى الشعبية هي جزء من التراث المصري، حبه كل الناس على مستوى العالم، وبيظهر فيها جانب الفرح وجانب المعاناة اللي بـ يعيشه المواطن كل يوم.

ومافيش فرح بيخلوا من اغانى افراح شعبي لزوم الصهللة والليلة المشعللة علشان أجمل عرسان.

لفترة محدودة.. خصم 10% على أي حاجة تشتريها من نون بكود الخصم (FA44).. كود شغااااااال

 

لو عندك فرح قريب ده “البوم” بـ أشهر اغانى شعبى افراح مصرية لموسم صيف 2022 .. جهز البلاي ليست:

أسماء الله الحسنى – هشام عباس (مش أغنية بس من أهم طقوس الفرح)✔✔

خلينا نكون متفقين إن أسماء الله الحسنى هي أهم طقوس أي فرح مصري، رغم انها مش أغنية مثلا، بس هي مرتبطة مع المصريين بإنها وسيلة لإحلال البركة.

في الأفراح الشعبي، أسماء الله الحسنى بـ تشتغل بدري شوية، من أول ما بتاع “الدي جي” يوصل، كأنه بـ يبخر بيها الشارع.

بعد كده بـ تبدأ وصلة من كوكتيلات الأغاني الشعبية المتنوعة بين المهرجانات وغيرها.

أغنية العريس وصل “تييت” – سعد الصغير

أشهر اغانى رقص في الافراح الشعبى في مصر، وبـ تشتغل دايمًا مع وصول العريس والعروسة إلى أرض الفرح.

الأغنية للمغني الشعبي المعروف سعد الصغير، وبـ تتميز بـ مزيكتها المختلفة والعالية وتداخل الإيقاع مع المزمار، اللي بـ يعتبروا أهم أدوات الغناء الشعبي.

خطوة يا صاحب الخطوة – مصطفى حجاج

أغنية للنجم مصطفى حجاج وهي من الاغاني الرسمية في الافراح اليومين دول، ونسب مشاهداتها على اليوتيوب تخطت الـ76 مليون.

لفترة محدودة.. خصم 10% على أي حاجة تشتريها من نون بكود الخصم (FA44).. كود شغااااااال

 

أغنية حبيبتي افتحي شباكك انا جيت – حسن شاكوش و ياسمين رئيس

أغنية انتي بسكوتايه مقرمشه، حسن شاكوش و حماده مجدي

أغنية حسن شاكوش وعمر كمال “لغبطيطا” – هوبا رجعنا ليكوا

بدال قولنا تسخين واغاني افراح شعبيه، يبقى لازم مهرجانات بقى، ومهرجانا حسن شاكوش وبيكا وعمر كمال، بقت واكلة الجو وعاجبة الناس ومن الصغير للكبير بيسمعوها.

بالذات بقى أغنية “لغبطيطا” أو زي ما عارفينها الناس “هوبا رجعنا ليكوا”، وانت داخل أي فرح، تسمع بس “يلااا” اللي في الأول دي، تلاقي مفاصلك فكت ووسطك ساب وهاتك يا رقص.

مهرجان “انتي بسكوتايه مقرمشه” – أجمد اغاني افراح شعبي في 2022

قولنا بقى خلاص شاكوش وساسو ريمكس بقوا جزء أساسي من الأفراح دلوقتي، ومن الآخر بدال غنيت للبنت أو للفرح يبقى أغنيتك عدت، خلصانة، ومفيهاش كلام.

أبطال الجمهورية عدوا حدود العالمية -كليب أخواتي الصواريخ دقدق و فانكي و زوكش و شحتة كاريكا

المهرجان ده من ساعة ما نزل في شهر 7 2020، وهو لازق في دماغنا بشكل مش عادي، ولازم الأغنية تشتغل في أي فرح، وبتاع الدي جي يوطي عند حتة “اخواااتي اخوااتي” علشان نقولها احنا، وحاجة كده من عند أبو أصالة.

وبعدين اتسمعت أكتر من 160 مليون مرة على يوتيوب، يعني عاوزين نجاح فين تاني!

طيارات عنبة – اغاني افراح شعبي 2022

وانت بـ تجهز البلاي ليست الفرح دلوقتي، لازم يبقى فيها أغاني عنبة، يعني لازم الإحساس بالعظمة، وظبط الدماغ.

وهو في أغنية “طيارات” هيركبك البساط وش يعني من أول دخلة الأغنية.

مهرجان امبابة دولة وانا فرد منها – اغاني شعبي افراح 2022

طبعًا لو انت قاعد على تيك توك 24 ساعة، هيقابلك تقريبًا مليون فيديو رقص على مهرجان “خلي بالك من الواد.. أنا نازل يا سعاد”!

طبعًا البووم اللي عملته الأغنية دي، خلاها بقت اختيار رقم واحد في بلاي ليست الدي جي في أي فرح في 2021.

أغنية انا اطاوع – محمود الليثي

من احدث واقوى الاغاني الشعبية للافراح، وهي من فيلم “قلب امه” لـ”شيكو” وهشام ماجد، ومن غناء محمد الليثي.

اغنيه صهلله – شيرى العلى (احدث اغانى افراح شعبى)

أغنية صهللة للمغنية الشعبية شيري العلى، من أحدث أغاني الأفراح الشعبية، واللي فيها كوكتيل من التهاني للعروسين، وكمان فيها جو رقص وبهجة للفرح والمعازيم.

أغنية (بص بص) لمحمود الليثي – من اجمد اغاني افراح شعبي

كليب يا بنات حلوين طعمين حوده بندق و تيتو بندق

اغنية خلخال وكعب – محمود الليثي من فيلم (30 يوم في العز)

ولا واحد ولا مية – حكيم (من اشهر اغانى حكيم)

حكيم هو واحد من أيقونات الأغنية الشعبية المعبرة عن الفرحة، لازم في أي فرح شعبي يكون متواجد سواء بـ شخصه أو حتى بـ صوته بس.

ورغم إن أغنية ولا واحد ولا مية قديمة، إلا إنها واحدة من اهم اغاني شعبي على الساحة، واللي بـ تضيف البهجة في الأفراح الشعبية إلى الآن.

آه يا قلبي – حكيم

“آه يا قلبي” تعتبر من أشهر اغاني رقص في الافراح، ورغم إن كلمتها ممكن لو سمعتها في جو هادي وحللتها هتلاقيها مش مناسبة للفرح.

شاهد أيضًا:انواع الناس في الافراح المصرية انت مين فيهم؟

بس للأسف الناس اتعودت تشغلها في الأفراح علشان المزيكا بتاعتها بـ تجبرك انك ترقص.

هتجوز سعد الصغير – اغانى افراح قديمة

من وقت ظهور الأغنية في فيلم “لخمة راس” سنة 2006، وهي مش بـ تفارق الفرح الشعبي، وحتى الأفراح اللي مش شعبي أحيانًا.

“هـ تجوز” وغيرها من أغاني سعد الصغير، هي اتسجلت مخصوص علشان تشتغل في الأفراح ويمكن ده اللي مساعد انها تفضل عايشة لحد دلوقتي، رغم ظهور أشكال جديدة من الغنا.

مزمار شعبي – محمد عبد السلام (مدير مستشفى الحظ)

في السنين الأخيرة ظهر واحد من مشاهير الافراح الشعبية وانضم لقايمة اغاني افراح شعبي، بـ مزيكا معتمدة عن نوع المزمار الشعبي المعروف بس بشكل جديد، هو محمد عبد السلام الشهير بـ “عبّسلام”.

الناس اللي مهتمين بالأغاني الشعبي والرقص الشعبي، ومحبين “عبّسلام” بيقولوا عليه “مدير مستشفى الحظ“.

وكلمة “حظ”، أطلقت على الأفراح الشعبي من زمن قديم، لأنها كانت مصدر رزق للناس عن طريقة “النقطة”.

والمفروض المطرب اللي في الفرح يجذب الناس علشان يجو يـ “نقطوا” وبـ كده يبقى جلب الحظ لأصحاب الفرح.

يا بحر ياه – وائل الغمراوي.. اغاني افراح شعبي قديمة

من الحاجات المشهورة بيها الأفراح الشعبية نوع من الأغاني اسمه “الموال”، وده بيبدأ بكلمات فيها عبر أو رسايل مع مزيكا أو مزمار هادي.

وبعد كده بـ يحصل تغيير مفاجئ كده والمزيكا بـ تعلى وتخلي أي حد يرقص لوحده، النوع ده مناسب جدًا للدماغ المتكيّفة.

والأغنية تعتبر من اغاني الرقص الشرقي والشعبي في الأفراح المصرية.

اغنية استاكوزا – بوسي

أغنية بوسي من فيلم “يجعله عامر” من الأغاني اللي طريقتها حلوة ومبهجة وكتير من الناس بـ يحبوا يشغلوها في أفراحهم.

الكيف – كايروكي

أغنية “الكيف” لفريق “كايروكي” اللي انتجوها سنة 2017، بقت من الأغاني المهمّة اللي بـ تشتغل في الأجواء الشعبية عمومًا.

وده ممكن لأنها شبه أغاني الموال، ويمكن علشان مثلًا بـ يغني فيها واحد من أهم المطربين الشعبيين اللي هو “طارق الشيخ“.

أغنية بونبوناية – محمود الليثي (من أهم اغاني افراح شعبى في مصر)

“بونبوناية” من أشهر اغاني رقص شرقى، ومهمّة ولازم تشتغل في أي فرح شعبي أو حتى غير شعبي في الكام سنة الأخيرة.

شاهد أيضًا: 16 اغنية من اشهر اغانى افراح مصر لموسم صيف 2019

الأغنية للمطرب الشعبي محمود الليثي، وبـ تشاركه فيها الراقصة “صوفينار”.

حلاوة روح  حكيم – اغاني افراح

“حلاوة روح” من أغاني الختام في أي فرح شعبي، تحس ان الفرح ماشي من الأول للاخر مع الدماغ المعمولة.

في الأول بـ تسخن بالأغاني المفرفشة وفي الآخر بـ يبقى الجسم عاوز يرتاح والـ”أوفرثينكج” بـ يشتغل لأن الساعة بـ تكون عدت 12، فالدماغ بـ تطلب حاجة حزايني كده.

ادلع يا عريس – سعد الصغير

تعتبر من أشهر اغانى افراح مصر أيام زمان، وسعد الصغيَّر بـ يقدمها بشكل وتوزيع جديد، وكتير من الناس بـ يحبوا يشغلوها.

مبروك عليا بوسي – اغاني افراح شعبي

أغنية مشهورة قدمتها بوسي في فيلم جوازة ميري من حوالي 5 سنين وبقت من اشهر اغاني افراح مصر في الفترة الأخيرة.

يامنعنع – مصطفى حجاج

واحدة من اشهر اغانى شعبى في السنين الأخيرة وبتشتغل في معظم المناسبات مش الافراح بس.

أغنية عم يا صياد – محمود الليثي

الأغنية الشعبية المفضلة لكتير من الناس، واللي اتشرهت من خلال فيلم “يجعله عامر”.

اغاني افراح شعبي مزيكا مخصوصة للدماغ العمرانة (اغاني افراح شعبيه)

الافراح الشعبية في مصر حاجة شبه تراث يتوارثه الأجيال، حتى نوع المزيكا المستخدم بتكون عبارة عن اغانى افراح شعبى ليها طابع خاص.

وعلى مر الزمن ورغم التطور إلا أن الأفراح الشعبية محافظة على وجودها وشكلها وروحها وواجبها.

في عوامل كتير بـ تأثر على ظهور الفرح الشعبي بشكله المتعارف عليه، وهي انه مثلا:

• في أغلب الأحوال بـ يتعمل في الشارع، وسط لمة العيلة والجيران والصحاب، وشرط أساسي وجود الواجب فيه.

• الواجب في الفرح الشعبي بـ يكون عبارة عن أنواع مختلفة من “الكيف” ، وده بـ يتطلب أنواع مناسبة من المزيكا.

• الافراح الشعبية في مصر محافظة على عادات ثابتة زي “النقطة” ودي بـ تكون مجاملة نقدية من الأصحاب والقرايب والجيران.

• طبيعة أي اغانى افراح انها تمشي مع تعميرة الدماغ، وبـ يقولوا عليها أحيانًا “أغاني الحظ”.

• “خلينا نتحظ” و”لحظات الحظ” هي كلمات شهيرة في الافراح الشعبية وهي تعبير عن الأوقات اللي بيعيش فيها “المعازيم” في جو ممتع، وده بيحمسهم انهم يطلعوا نقطة أكتر، وبالتالي العريس يكون “محظوظ”.

لفترة محدودة.. خصم 10% على أي حاجة تشتريها من نون بكود الخصم (FA44).. كود شغااااااال