fbpx

مطاعم مدينة نصر ومصر الجديدة والتجمع.. هتاكل فين النهارده؟ 😋

حيرة كل خروجة مطاعم في القاهرة، هناكل فين، طيب إيه يميّز المطعم ده عن ده، وإيه الأكلات اللي بـ يقدموها؟

كل دي أسئلة بـ تدور في دماغنا لما نفكر ناكل في مطعم برة البيت.

اقرأ أيضًا: اشهر مطاعم القاهرة.. (وسط البلد والمهندسين والمعادي) هتاكل فين النهارده؟ 🍽

احنا هنا جمعنالك تفاصيل عن أشهر مطاعم مدينة نصر ومصر الجديدة والتجمع.. يلّا ظبط خروجتك من غير حيرة:

بـاستـا فاكتوري (مطاعم مدينة نصر)

من أحسن اماكن لمة الحبايب واللي بـ تعمل مكرونات جبارة!.. المكان واخد الاستايل الأمريكي، على عكس ما هو معروف عن مطاعم الباستا وانها بتكون بـ طابع إيطالي.

العنوان: 39 شارع شارع عبدالرازق السنهوري، متفرع من شارع مكرم عبيد، مدينة نصر.

زاكس – مطاعم في كل مكان

عندهم سر في قلي الفراخ وقرمشتها، وبعدين بـ يحطوها في ساندوتش مع الجبنة السايحة، ويسيبوك تحارب بقى في المعركة اللذيذة دي.

فروع مدينة نصر والتجمع: مدينه نصر طيبة مول الدور الارضي – التجمع الخامس اخر شارع التسعين الجنوبي مول ثري سكايز بجوار امريكانا بلازا.

المنيو والأسعار من هنا

حمزة – (مطاعم مدينة نصر)

لو بـ تفكر في خروجة حلوة مع صحابك أو عيلتك، يبقى البسوا الجلاليب واطلعوا على حمزة.

ودي أرقام الحجوزات: ٠١٠٠٣٠٣٢١٤٢ – ٠١٠٠٣٠٤٤٨٠٦

العنوان: ٤أ عمارات الشرق للتأمين , امام الباب الرئيسى للحديقه الدوليه , مدينة نصر.

Oldish (مطاعم مصر الجديدة)

من الأماكن اللي بـ تجمع كذا حاجة مع بعض، جودة أكل، جودة خدمة، كمان مكان لطيف فوق ما تـ تخيّل.

لو عاوز تـ شبّرق بقى على عيلتك أو صحابك، أو لو قررت تعمل حركة شيك وتخرج انت ومراتك في مكان سو رومانتيك، مش هـ تلاقي أحلى من المكان ده، خصوصًا إن أسعاره كمان مش غالية جدًا مقارنة بـ الكواليتي دي.

المنيو فيه اختيارات كتير، وأسعاره بين 150 و 200 جنيه، بس ده من غير ضريبة الخدمة، والأحسن تحجز قبل ما تروح.

العناوين: فرع مصر الجديدة : 61 شارع ابو بكر الصديق – ميدان سفير .

الدهان  (مطاعم مدينة نصر)

الدهان من أشهر مطاعم القاهرة اللي بـ يقدموا وجبات المطبخ الشرقي بـ جودة عالية.

المنيو عندهم مليان أكلات من اللي بـ ترد الروح دي زي: “طواجن اللحمة، والحمام المحشي، والممبار وورق العنب….”

عنوان فرع مدينة نصر: شارع عمر بن الخطاب، سور الحرب الالكترونية، بجوار سيتي ستارز.

المنيو والأسعار من هنا

تشيكن فيلا – (مطاعم مدينة نصر)

هما اه ملوك الأي حاجة بـ الفرخ، بس بـ يعرفوا يهتموا بـ التفاصيل الصغيرة علشان يكونوا عند حسن ظن الأكيلة.

عناوين فروع التجمع ومدينة نصر: فرع التجمع : مول اميرالد توين بلازا خلف اكاديمية الشرطة بالتجمع الاول ، القاهرة الجديدة – فرع مدينة نصر : Tivoli Plaza بشارع عمر بن الخطاب خلف سيتي ستارز.

المنيو والأسعار من هنا

فرايدايز (مطاعم التجمع الخامس)

من مطاعم مصر المتخصصة في كل ما هو مقرمش محشي بالجبنة، المذاق الأمريكي الأصلي في الشارع المصري.

عناوين: أمريكانا بلازا، شارع التسعين، أمام الجامعة الأمريكية، التجمع الخامس – كايرو فستيفال سيتي، الطريق الدائري، التجمع الخامس – سيتي ستارز، شارع عمر بن الخطاب، المرحلة الثانية، الدور الرابع.

المنيو والأسعار من هنا

كازوزو (مطاعم التجمع الخامس)

اشهر اطباق مطاعم التجمع الخامس

من اسمه ممكن تتخيل إن المطعم مصري أصيل، لكن اللون الغالب على المطعم ده هو “الياباني”.

أشكال غريبة من أطباق عمرك ما شوفتها في حياتك، بس أهم حاجة إنك تاكل أكل “هيلثي”.

كمان “كازوزو” بـ يعتبر المطعم رقم واحد في ترتيب مطاعم التجمع الخامس.

العنوان: كوماوند “Swan lake” التجمع الأول.

المنيو والأسعار من هنا

شارع منقوشة (مطاعم التجمع الخامس، ومصر الجديدة)

مطاعم التجمع الخامس دلوقتي بقى فيها النفس اللبناني اللي بـ يؤبر القلب، منيو مليان بـ كل اللي قلبك يحبه من المطبخ اللبناني، هتخرج من هناك تغني “فوق غصنك يا لمونة”.

العناوين: ريفر ووك مول، محور محمد نجيب، التجمع الأول – 95 شارع الميرغني مصر الجديدة.

المنيو والأسعار من هنا

ويلز كيتشن (مطاعم التجمع الخامس)

من مطاعم البرجر المتخصصة أوي، المطعم عنده استعداد لكل التجارب والاختراعات الجديدة، وهو يعتبر من افضل مطاعم التجمع الخامس.

العنوان: سليفر ستار مول، مجمع البنوك، التجمع الخامس.

المنيو والأسعار من هنا.

أبو شقرة (مطاعم مصر الجديدة)

أبو شقرة من أشهر مطاعم القاهرة في الأكل الشرقي أو اللي ممكن نقول عليه “بيتي”، واصلين لمستوى الاحتراف في المنطقة دي وناس كتير بـ تشكر في أكلهم.

العناوين:

فرع مصر الجديدة: 83 الميرغني – مصر الجديدة

فرع سيتي ستارز: الدور الرابع خان الخليلي

فرع نادي الشمس: بوابة 1 شارع عبد الحميد بدوي

المنيو والأسعار من هنا

عيش وجبنة (مطاعم التجمع الخامس)

حاجة كده “ألبان سويسرا” بس في القاهرة بقى، كل ما يخص اختراعات الأكل بالجبنة عندهم، وده الوحيد في مطاعم التجمع الخامس اللي بـ يقدم النوع ده من الأطباق.

العنوان: جي أوت مول، شارع 90، تقاطع شارع الشويفات.

المنيو والأسعار من هنا.