اشهر مطاعم القاهرة 2022.. مطاعم في وسط البلد والمهندسين والمعادي (هتاكل فين النهارده؟)

خروجة الـ مطاعم من أحسن ألف حاجة ممكن تعملها في حياتك، بـ تكون نوع من تغيير الجو والأكل وبـ تقضي فيها وقت لطيف مع العيلة والصحاب.

بالإضافة لإن القاهرة بلد المليون مطعم، ودلوقتي بقى عندنا كل أنواع المطابخ والأكلات العالمية، بس إزاي تختار بين الـ مطاعم دي؟

في الجاي هـ تلاقي مجموعة من اشهر مطاعم القاهرة في مناطق (وسط البلد والمهندسين والمعادي): 

مطعم الفي بك – مطاعم في وسط البلد

من أقدم المطاعم في نطاق القاهرة، وبـ يقدم جميع الأكلات الشرقية المعروفة زي “الفتة” و”شوربة العدس” رفيق الشتاء المحترم، والمكرونات المختلفة.

الأسعار في مطعم “ألفي بك” بـ تبدأ من 10 جنيه، ومش بـ تزيد عن 500 جنيه للفرد.

العنوان: 3 شارع الالفى – الأزبكية.

 نايل سوبريم – سهرات مطاعم القاهرة

أحلى سهرات وعشاء في النيل لو كنت من هواة الرحلات النيلية، يبقى خروجة في مطعم عائم، وياحبذا لو كانت باخرة متحركة.

اقرأ أيضًا: أغرب 7 أشخاص هتلاقيهم في عزومات رمضان.. انت مين فيهم؟

الأسعار بين 200 – 300، الأطفال تحت 5 سنين مجاني، وتحت 10 سنين 50%.

العنوان: كورنيش النيل,المعادى بجوار جراند كافيه و كنيسة العذراء مدخل 2 كازينو نادي الشاطئ.

صبحي كابر – مطاعم في وسط البلد

مطعم “كبابجي صبحي” أو “صبحي كابر” من أشهر مطاعم  وسط البلد والقاهرة، وبـ يجيله ناس من جميع أنحاء الجمهورية علشان يجربوا بس ورقة اللحمة ولا الكبدة باللية .

العنوان: روض الفرج – 151 شارع عبيد, ابراج الصفوه امام الشركه الكهرباء.

المنيو والأسعار من هنا

Frosty Eg

من مطاعم المعادى وهو مكان لخروجة شيك وسمباتيك.

يعني لو انت من الناس اللي بـ تهتم ان خروجتها تكون في مكان أنيق ومريح وجودة ومعاملة وخدمة ممتازة، فـ ده أحسن مكان تخرج فيه، أبيض X أبيض.

الأسعار ما بين 130 – 160 جنيه، ومفيش أي زيادات في الخدمة أو الضريبة.

العنوان: 53 شارع مصر حلوان الزراعي، بجوار أكاديمية السادات، توكيل غبور للسيارات – المعادي.

ابو يوسف السوري

من أشهر مطاعم المهندسين متخصص مشاوي، محترفين في استخلاص الشيش طاووق من صدور الفراخ زي ما بـ يقولوا.

العنوان: 19 أ برج الحجاز شارع الحجاز متفرع من شارع سوريا المهندسين.

المنيو والأسعار من هنا 

بسطاويسي

ملوك المكرونات والحركات، المنيو بتاعهم مليان بـ جميع اختراعات المكرونة والمعجنات وعندهم سناك بـ ينزل مع الأكل كده “بطاطس بالجنبة” ما ينفعش تطلب الأوردر من غيره.

العنوان: 68 جامعة الدول بجوار قدورة وامام كافيه العمدة .. المهندسين

المنيو والأسعار من هنا 

سبكترا

من أحلى أماكن للخروج في الهندسين قعدته لطيفة جدًا والمنيو عندهم متنوع بين العصاير والأكلات الصحية اللي مليانة فاكهة وخضروات.

العنوان: شارع عبد الحميد لطفي، الدقي، الدقى، الجيزة

المنيو والأسعار من هنا

Chicken Fil-A – تشكن فيلا 

ملوك الأي حاجة بـ الفرخ، ساندوتشات الفراخ المختلفة الأشكال والأسماء والخلطات بـ تاخد القلب والعقل، صمم خصيصًا للأكيلة اللي ما يعرفوش يعني إيه دايت.

العنوان: 64 سور نادي الترسانة خلف عمر افندي من شارع احمد عرابي

المنيو والأسعار من هنا