كتير بـ نشوف و بـ نسمع عن سرقة السيارات، والمزهل في الموضوع بـ يكون الطريقة اللي بـ تتم بيها السرقة!
في حوار سابق مع واحد من حراميّة السيارات المحترفين.. قال إن العربية مش بـ تاخد في إيده أكتر 20 ثانية علشان يسرقها كاملة، أو يسرق أي حاجة فيها
وقال كمان إن اختياره للعربيات بـ يكون على أساس: “نوعها ونضافتها والحاجات الغالية اللي فيها”.
في الجاي هـ نقولك على كام طريقة كده تقدر من خلالهم تحافظ على عربيتك من السرقة (نصائح حرامي سيارات):
حط الحاجات الغالية في صندق التابلوه✔✔
سرقة السيارات مش صعبة زي ما احنا متخيلين.. الحاجات الغالية ممكن تكون جذَّابة لعين أي حد، وتـ حمسه يسرق العربية حتى لو مش حرامي أصلًا!
اقرأ أيضًا: أخطر الشوارع في العالم.. تعرَّف عليهم قبل اتخاذ قرار السفر
فـ انت ابعد عن الشر وغنيله.. وخبّي الحاجات اللي شكلها غالي ومغري للسرقة في التابلوه مثلًا، والحاجات الكبيرة حاول اما تـ اخدها معاك أو تعملها مخرن مخصوص في العربية، المهم ما تكونش ظاهرة.
أوعى تركن في مكان ضلمة
الحرامي عمره ما هـ يفكر يسرق أي حاجة في مكان فيه نور، ممكن يتسبب إن حد يشوفه.
والحرامي المحترف اللي اتكلمنا عنه فوق☝ قال إن هو وشركاؤه عمرهم ما سرقوا عربية كانت في مكان مكشوف وفيه نور.
المكان الضلمة بـ يدي الأمان للحرامية وبـ يجرأهم أكتر.
شيل غطا الكاسيت واديهم إيحاء ان العربية خربانة
“كاسيت” العربية من الحاجات اللي بـ يتشد الحرامي لسرقتها، لأنها بـ تكون غالية، وبيعها كـ قطع غيار سهل.
مواضيع ذات صلة:
فـ إنك تفك غطا “الكاسيت” وتخبيه في أي مكان في العربية قبل ما تنزل منها مفيد نسبيًا.
كمان ده ممكن يدي انطباع لأي حد بـ يفكر يسرق العربية إن صاحبها حالته تصعب عـ الكافر والعربية خربانة ومش عارف يصلحها.
تفييم الإزاز مهم علشان تحمي عربيتك من السرقة
لون الإزاز الغامق هـ يصَعب على الحرامي إنه يشوف العربية فيها إيه، وبالتالي ده هـ يحميك من السرقة.
ما تسيبش أي أوراق مهمة أو فلوس في العربية
الأوراق مغرية بالنسبة للحرامي، خصوصًا لو بـ يتفرج على أفلام كتير، لأنه هـ يعتبر إنها ممكن تبقى وسيلة ابتزاز ليك أو حاجة.
اقرأ أيضًا: أفلام سرقة البنوك: من حلَّق حوش لـ بنك الحظ
فـ حتى لو الورق مش مهم ما تسيبهوش في العربية، وأبسط شيء انك تحطه في الصندوق.. وطبعًا ما تسيبش فلوس.
فعل جرس الإنذار في العربية
جرس الإنذار مهم في العربية، لإنه هـ يكون مصدر إزعاج وخوف للحرامي اللي بـ يفكر يقرب منها.
بس هو الحقيقة فيه حرامية محترفين عندهم حلول لوقف جهاز الإنذار ده، فـ هو يعتبر ضمن احتياطات الأمان بس من أهم شيء.
ممكن تـ غفل الحرامي وتـ وصل جهاز الإنذا بـ بطاريتين وواحدة منهم تكون مختفية.
أوعى تـ سيب المفاتيح الاحتياطية في العربية
أكيد أي حد بـ يكون حريص إنه يبقى عنده نسخ احتياطية من مفاتيح عربيته، بس اللي لازم تاخد بالك منه هو إنك ما تحطش الاحتياطي في العربية تحت أي ظرف.
لو تصادف وفكر أي حرامي بـ سرقة عربيتك في الوقت اللي انت ناسي فيه نسخة احتياطي جوة العربية، كأنك اديتهاله هدية.
[Total_Soft_Poll id=”41″]
Comments
Loading…