اعرف اهم اغانى افراح مصر خلال فترة الصيف، المشهورة بالأفراح، وبـ تعتبر موسم تزاوج عند المصريين، خصوصًا لما بـ يجي معاها أعياد بقى، وقت هايل لإقامة الأفراح والليالي الملاح، والعيد يبقى عيدين وكل الكلام الحلو ده.
طقوس الفرح المصري ثابتة إلى حد ما، رغم التغيرات البسيطة اللي فرضتها الحياة في الفترة القليلة الماضية.
وتجهيز قائمة اغانى افراح من ضمن أهم الطقوس اللي بـ يعملها العروسين قبل الفرح، بالاتفاق مع قاعة الافراح أو “الدي جي” لو ماكانش فيه مطربين!.
أهم حاجة في الفرح هي دخلة العريس والعروسة، وشو النار مع أغاني الطبول أو “المزاهر” يعني، و”بلاي ليست” الدخلات مليانة.
شاهد أيضًا: حسن شاكوش يبكي على الهواء بسبب والده
لو عندك فرح قريب دي أشهر اغانى افراح مصر لموسم 2022
.. (جَهّز البلاي ليست)
انتي معلمة
دي واحدة من أشهر اغاني حمو بيكا وعمر كمال اللي غنوها ونزلوها على يوتيوب وحققت مرات استماع أكتر من 23 مليون.. والاغنية بقت موجودة في معظم الافراح دلوقتي.
طُلّي بالأبيض – ماجدة الرومي
من أشهر اغانى افراح زمان ومازالت موجود في أي بلاي لست، تقريبًا الأغنية دي بتتكتب في القايمة على العريس حاجة فرض كده لازم العروسة تسمعها في فرحها.
في كمان دخلات كتير بـ تكون على حسب الأذواق، ومنها: “الزين والزينة”، و “دقوا المزاهر” ودي بتنفع دخول وخروج شغالة.
الزين والزينة – علي الحجار
رغم ان الأغنية دي من 2012، إلا ان فيه ناس بـ تشغلها في الأفراح بتاعتها لحد دلوقت.
مواضيع ذات صلة:
لو انت بـ تحب الكلاسكيات والمزيكا القديمة شوية فهي ممكن تكون في البلاي ليست بتاعتك.
خطوة يا صاحب الخطوة
الأغنية دي مش هـ تقدم أبدًا، وبالذات بقى كأغنية أفراح، يعني فيها كل حاجة تخلي الأغنية حلوة.. وأصلا بقالها سنتين بس وداخلة على الـ 130 مليون مشاهدة.
أغنية يا ليلي ويا ليلا .. دخلة عروسة
عروسة قررت ان دخلتها لقاعة الأفراح تكون مختلفة، فـ دخلت على أنغام أغنية الراب التونسية “يا ليلي ويا ليلا”.
وكمان كان فيه عروض من بعض الموديلز أو اصحاب العروسة مع “شو الدخان” .. ممكن تفكروا في حاجة زي كده.
دخلات أفراح متنوعة
الفيديو ده فيه أكتر من دخلة لأكتر من عريس وعروسة، بأفكار مختلفة وروشة وتمشي مع أي وقت.
أسماء الله الحسنى – هشام عباس (مش أغنية بس من أهم طقوس الفرح)
بعد ما خلصت الدخلة الروشة .. اسماء الله الحسنى هي ما تعتبرش من ضمن الأغاني طبعًا، بس هي من أهم الطقوس الأساسية والرسمية في الأفراح المصرية.
في اعتقاد سائد إن تشغيلها في أول الفرح بعد دخول العروسين بـ يضفي البركة والعناية الإلهية عليهم.
اغانى رقص – أنواع مختلفة
معاك قلبي – عمرو دياب (أغنية الـ Slow الرسمية في الافراح المصرية)
بعد وقت طويل من الاعتماد على اغنية “سيبي روحك وارقصي” لمحمد عدوية في رقصات “السلو”.. نزِّل الهضبة أغنية “معاك قلبي” في آخر ألبوماته “معدي الناس”، ومن ساعتها وهي راكبة الترند.
اعرف أيضًا:انواع الناس في الافراح المصرية انت مين فيهم؟
وهي من أشهر اغانى رقص سلو في الافراح المصرية، أحيانًا بـ تتبدل بـ اغانى أجنبي من نوعية “Sway”، بس الرقصة دي خصوصًا بـ تحتاج حاجة عربي مليانة مشاعر وأحاسيس.
بعد انتهاء رقصة الـ Slow الأولى، بينادي الديجي على العرسان علشان يرتاحوا، وبعدين يشغل حاجة يفرفش بيها الناس.
في أماكن السهر – عمرو دياب
بعد اللي حصل بين دينا الشربيني وعمرو دياب، الأغنية اتبهدلت معانا، وحصلنا Error في دماغنا، بس برضه هي من أهم اغانى افراح في مصر لازم تشتغل.
كفاية كم الرومانسية اللي في الأغنية واللي بيحسها العروسين يعني.. او ممكن يعتبروها فال وحش وميشغلوهاش أصلا.
شيب أوف يو – إيد شيران
غالبًا أغنية البداية الفعلية للفرح بـ تكون حاجة أجنبي كـ نوع من أنواع التسخين يعني، الأغاني الأجنبي بـ تشتغل بـ التدريج من “شيب اوف يو” ثم “ديسباسيتو” ثم “جانجم ستايل”.
ودول مجموعة من أشهر اغاني رقص وجنان في الفرح، وممكن نعتبرها اغاني رقص شعبي وشرقي كمان .
اغانى افراح 2022 – اغنيه حكيم رقصوني
رقصوني يابا.. فرحوني يابا، حكيم ده من يوم ما اتولدت وانا بسمع أغانيه في الافراح، رمز للبهجة بالنسبة لناس كتير.
أغنية رقصوني في 2022 بقت من أساسيات شعللة الأفراح، مهما كان رقيّها، مينفعشش ما نشغلش حكيم.
جانجم ستايل
“جانجم ستايل” هي المرحلة المتقدمة شوية من التسخين في اغانى افراح مصر.
دسباسيتو
بعد كده بقى بـ تشتغل “ديسباسيتو” وطبعًا الناس بـ تكون متفاعلة أكتر معاهم علشان هي أشهر الأغاني الأجنبي دلوقتي بالنسبة لكل الناس وكل الطبقات يعني.
اغانى افراح العسيلي
بعد هوجة الأغاني الأجنبي وبعد ما الناس سخنت وعندهم الجاهزية الكاملة للرقص.
بـ تشتغل عدة اغانى من ضمنهم اغانى العسيلي وعلى رأسهم أغنية “يانااس شوفتو حلاوته يا نااس”.
عايشين
ممكن الدي جي يفصل بأي أغنية، ويرجع للعسيلي تاني، بأغنية “عايشين” مثلا.
فرحة
أغنية “فرحة” لـ محمود العسيلي من الـ اغانى الرسمية في الافراح المصرية وبـ تشتغل بعد كتب الكتاب مباشرة.
ومعظم أغاني العسيلي تعتبر من اغاني رقص الافراح المصرية.
الفستان الأبيض
الأغنية دي من اغانى محمد العسيلي المهدور حقها في اغانى افراح ، مع ان جوها جو افراح خالص ، بس مش ناس كتير بـ تشغلها.
افرأ أيضًا: تناول الطعام في بوفيه مفتوح خطر على حياتك اعرف الأسباب
حتى لا ننسى – اغنية انا مش نجيب ساويرس
الأغنية دي غريبة شوية انها تشتغل في فرح، بس علشان الاجواء بتاعتها الناس حبتها، وبقت من اهم اغانى افراح 2022، لا وممكن تشتغل في آخر الفرح علشان ايه تبقى حاجة بتفكر العروسة.
العريس بيبعت بـ أغنية “أنا مش نجيب ساويرس” رسايل معينة لحد معين.
من أشهر اغانى رقص شرقى في الافراح
شيك شاك شوك – اغنية الرقص الرسمية
شيك شاك شوك أغنية الرقص الشرقي الرسمية في أي فرح مصري.
حبيبي يا عيني
اغانى رقص شعبى في الفرح المصري
قاسي قاسي قاسي وجرح احساسي – حكيم
ولا واحد ولا مية – حكيم
اغانى افراح: مبروك مبروك – رامي عياش
غالبًا الأغنية دي بـ تكون من الأغاني الختامية في الافراح المصرية ، بـ تشتغل وقت البوفية والأكل جو رومانسي وفرحة بسيطة والناس مشغولة بالأكل.
سي لا في – الشاب خالد
أغنية الشاب خالد المشهورة “سي لا في” من الأغاني المبهجة، وليها طابع خاص كده والناس اتعودت تشغلها في الافراح.
اغانى افراح معروفة: سهر الليالي – فيروز
دي الأغنية اللي بـ تشتغل واحنا بـ نتطرد من القاعة في آخر الفرح، أول ما تسمعها قوم امشي فرورًا “انها النهاية” .
مع أطيب أمنيات أسرة “وصلة فيد” بحفلات زفاف سعيدة للجميع .
Comments
Loading…