fbpx

طريقة اختيار شريك الحياة قبل سن الـ 35 (اعرفهم قبل ما تلبس)

الحب طبعًا من أجمل الحاجات اللي اتخلقت فينا، و اختيار شريك الحياة المناسب مهم لأنه بـ يهون حاجات كتير، علشان مفيش حد قادر دايمًا يشيل كل حاجة لواحده، فكلنا محتاجين للشخص الآخر واللي اختياره شيء صعب جدًا.

في اللي جاي هـ نتعرف على طريقة اختيار شريك الحياة المثالي بـ مساعدة الرياضيات وباستخدام صيغ خاصة (الكلام كبير): 

حب إعدادي رايح ومش باقيلك غير حب الجامعة (نظرية السمك)🙉

أكبر دليل على فشل حب إعدادي - اختيار شريك الحياة
أكبر دليل على فشل حب إعدادي

أول صيغة رياضية تقدر تستخدمها وانت في رحلة البحث عن الشريك المثالي، نظرية “التوقف المثلي” وهي اختيار الوقت المناسب للعمل.

النظرية دي قايمة على أساس انك تعرف امتى تبدأ وامتى توقف.

كمان النظرية بـ تقول:

الأشخاص اللي هـ تعرفهم في التلت الأول من حياتك من أول 15 سنة، دول بنسبة كبيرة مش هـ يكملوا معاك مدى الحياة.

اقرأ أيضًا: 10 اسباب تجذب البنت للراجل الاكبر منها👀😍

الوقت المناسب لتحديد الشريك المثالي بـ يكون من 22 سنة وانت طالع، لأن الاختيار وقتها بـ يبقى أكتر نضجًا.

النظرية دي فيها شوية مخاطرة🤷‍♂️

ومتوقع إنَّك ممكن تخسر ناس مثاليين لمجرد انك قابلتهم قبل عمر  22 سنة، وتكمل مع ناس مؤذية علشان حسب النظرية ما بعد 22 مثالي.

فـ انت ممكن تحكم عقلك شوية في الموضوع ده، بس النظرية دي مستخدمة في عالم الأسماك ومحققة نجاح الحقيقة 😅👌.

ما ترتبطوش بالناس الملتزمة في المواعيد (خير الأمور الوسط)

مجدي عبد الغني مثال للالتزام بالمواعيد
مجدي عبد الغني مثال للالتزام بالمواعيد

الناس الملتزمة بالمواعيد بزيادة وبـ يوصلوا بدري دايمًا عصبيين وصعب العيش معاهم.

الناس الوسط اللي مش بـ يتأخروا أوي وإلى حد ما ملتزمين بمواعيدهم دول أكتر ناس مناسبين، لأنهم بـ يحاولوا يوصلوا في الوقت المظبوط مراعاة لشعور الغير، لا بدري ولا متأخر.

اختاروهم من شكل جزمهم👀

اختيار شريك الحياة (جزم ضيقة لأ يا علي)
اختيار شريك الحياة (جزم ضيقة لأ يا علي)

عادة الناس اللي بـ تلبس جزم ضيقة خلقهم بـ يكون ضيق برضه، وميولهم بـ تكون عدوانية أكتر.

حاولوا تختاروا اللي بـ يلبسوا جزم مريحة دول ناس متفائلون وعندهم استعداد للحب ومساعدة الأخرين وكل حاجة حلوة.

نصايح سريعة من علماء الرياضيات

نصايح اختيار شريك الحياة المثالي
نصائح اختيار شريك الحياة

لو انت من الناس اللي بـ تستخدم الإنترنت للبحث عن شريك الحياة، فـ الأفضل انك ما تحطش صورك الحلوة على أي موقع بـ تستخدمه للغرض ده.

النظرية بـ تقول:

لازم يكون عندك حاجة مخفية علشان الغموض بـ يخلي الشخص الآخر عنده فضول يعرفك أكتر.

اقرأ أيضًا: مميزات الراجل التخين: بيدَفي ويتمسك من أيّ حتّة

ولو انت لقيت شريك الحياة أخيرًا، وفي علاقة كويسة دلوقتي، فحاولوا تتكلموا دايمًا مع بعض وتدوا لبعض فرص في التعبير عن الآراء.

العلم بـ يقول:

الأزواج اللي بينهم مناقشة مستمرة في المشكلات والتعرف على ايه اللي بـ يضايق التاني والبحث مع بعض عن طرق وحلول لده، علاقتها بـ تكون أكثر نجاحًا، وفرص الطلاق عندهم قليلة جدًا.