fbpx

زيت سيارات ومُلمع أحذية.. شوف اغرب خدع تصوير الطعام قبل ما تاكل👀

سبب انتشار خدع تصوير الطعام هي إن محلات الأكل في العالم بينها منافسة قوية طول الوقت، مين بـ يقدم أحسن أكل بـ أحسن جودة وطعم وشكل🤔

المنافسة الشرسة دي صنعت عالم “ماركتينج” للأكل كبير جدًا، وبقوا يتنافسوا على صور المنتج الجذاب أكتر في إعلانات التلفزيون أو حتى الـ”أوت دور” على الطُرق.

صور الأكل طلعت Fake.. اعرف خدع تصوير الطعام😐

الخدع في صور الأكل
الخدع في صور الأكل

للأسف صور الأكل دي كلها طلعت مش حقيقية!

“من غير ما تـ تصدم”، هـ نقولك إزاي المصوريين اتعودوا يخدعوك بصور الأكل الخيالية اللي بـ تشوفها تجوَّع👀

اقرأ أيضًا: كانت تحتوي على الكوكايين 🥤 20 معلومة صادمة عن كوكاكولا 

المصورين بـ يستخدموا أدوات ومواد كيميائية كتيرة جدًا و”أغلبها سامة”🤦‍♀️

وكل ده علشان يقدروا يطلّعوا الصور بالشكل اللي بـ تشوفه ده.

ومن أشهر المواد اللي بـ يستخدمها المصورين لإظهار صور الأكل بـ شكل مثير:

الروج الأحمر وسبراي الشعر 😮

المصوريين بـ يستخدموا الروج الأحمر لتلوين الفراولة مثلًا، علشان تظهر حمرا أكتر وتكون جذابة ومثيرة أكتر.

كمان استخدام سبراي الشعر من أبرز خدع تصوير الطعام لأنه بـ يدي المنتج لمعان وبيظهر كأنه فريش، ساعات بـ تكون الميه حل بديل للاسبراي.

لكن علشان أسباب زي حرارة الإضاءة وقت التصوير، والمدّة اللي ممكن تزيد لحد ما يوصل المصور للي هو عاوزه، فـ استخدم المياه مش حلّ عملي في الوقت ده.

View this post on Instagram

Which of these elevated food secrets shocked you?!

A post shared by Blossom (@blossom) on

أيس كريم البطاطس المهروسة  🤨

خدع تصوير الطعام أيس كريم
خدع تصوير الطعام

البطاطس المهروسة حلّ عملي بيلجأ ليه المصورين لما يحتاجوا يصوروا الأيس كريم، لأنها عمرها ما هـ تسيح مع الإضاءة مثلا.

كمان هـ تدي الانطباع المطلوب، اللي هو أيس كريم طري ومتماسك في نفس الوقت، وممكن البطاطس يضاف عليها أي لون كمان.

أغرب حاجة بـ تتحط على الأكل (مُلمع الأحذية)🤦‍♂️

وضع ملمع الأحذية على الدجاج لـ لمعان أكثر
خدع تصوير الطعام

من الخدع الغريبة اللي بـ يستخدمها المصوريين، انهم بـ يستخدموا مُلمعات الأحذية لتلميع جسم الفراخ.

اقرأ أيضًا: شاورما ومناقيش وتبولة.. إليك أشهر مطاعم السوريين في مصر😍 

ده بـ يخليها تظهر بشكل جذاب أكتر، وبيديها لون احمر لذيذ كأنها لسة خاجة من الفرن، وهي في الحقيقة ساعات بتكون فرخة نية، أو مجرد ديكور “بلاستيك”.

زيت السيارات على الفطاير😢

الخداع في تصوير الطعام
زيت السيارات على الطعام

لون زيت العربيات بـ يخليه بديل سهل عند المصورين للعسل أو بعض أنواع “الصوص”.

واستخدامه مشهور أكتر وقت تصوير الفطاير أو أي حاجة محتاجة تكون بـ تلمع لمعة الفرن أو ظاهر انها غرقانة في العسل.

Coming Soon
يا ترى صور الأكل بتأثر على اختياراتك؟