فيديو جنسي وتحرش.. القصة الكاملة لطرد عمرو وردة من المنتخب المصري

خلاص عمرو وردة بقى رسمي بره المنتخب المصري وبره بطولة أمم إفريقيا بسبب الأزمات الأخيرة، واللي أحدثها فيديو جنسي منتشر له على مواقع السوشيال ميديا ويوتيوب.

الفيديو بـيظهر عمرو وردة في وضع مش تمام خالص! ويبدو إنه كان فيديو تشات مع بنت مكسيكية، وهيّ اللي نشرت الفيديو عشان تفضح وردة…

وده كان السبب الرئيسي في طرد وردة من المنتخب، والسبب الأولاني هو تحرّشه ببنت مصرية على انستجرام…

ووجهت البنت المكسيكية “جيوفانا فال” اللي نشرت الفيديو على صفحتها على تويتر الشكر للمكسيكي “خافيير أجيري” المدير الفني للمنتخب المصري بعد استبعاده وردة من المنتخب.

وقالت جيوفانا عن طريق حسابها على تويتر:

“خافيير أجيري.. شكرًا لأنك لم تخذلني”!

لكن إيه اللي حصل في موضوع عمرو وردة وميرهان على انستجرام؟

انتشر كلام كتير على السوشيال ميديا، من بنت بـ تشتغل موديل لعدد من البرندات، إن فيه مجموعة من لاعبي المنتخب المصري، اتحرشوا بيها لفظيًا من خلال الشات على انستجرام.

وبعد كده الموضوع بقى حديث كل الناس، ودخلوا تابعوا اللي كتبته “ميرهان كلير”، في استوري الأكونت بتاعها على انستجرام.

استنوني هفضى وأنزلكم حاجة تسليكم

نزلت ستوري قالت فيها: “استنوا عليا شوية النهاردة بس افضى وأنزلكم حاجة هـ تسليكم جدا وهتحزنكم وتقرفكم برضه جدًا بس ده الواقع اللي لازم نفهمه”.

بوكسينج؟ هاهاها

وبعد كده نزلت أكتر من سكرين شوت لمحادثات بينها وبين اللاعبين، اللي ظهر فيها عمرو وردة، والونش، وكوكا.

اقرأ أيضًا: هل اتصل لاعبو ليفربول بـ”فتاة المايوه”؟ كينسي ولنسكي تفاجئنا

عمرو وردة، علق على صورة ليها، كهزار “بوكسيج؟ هاهاها”، والونش، عمل إيموجي اللايك + القلب.

 

الموضوع اتحول لكوميكس على السوشيال ميديا

الناس على السوشيال ميديا كانوا مختلفين في آرائهم عن الموضوع ده، في ناس شافوا إن اللاعيبة متحرشين!

وناس تانيين شافوا إن الموديل حبت تلفت الأنظار أكتر ليها، زي ما عملت البنت اللي نزلت الملعب في ماتش ليفربول!

صورة نادرة لـ #عمرو_وردة اثناء الأحماء . pic.twitter.com/UeofgubVD5

— 𝓦𝓪𝓮𝓵 (@waelQ10) June 23, 2019

على تويتر نشر واحد اسمه المواطن المصري، تويتة بصورة من المشهد الشهير للفنان المصري حمدي الوزير، وكتب عليها “صورة نادرة لعمرو وردة أثناء الإحماء”.

#عمرو_وردة بعد تدريبات المنتخب 😂 pic.twitter.com/AhsFfPMmKZ

— رياض باشا المنفلوطي🦅 (@RiadManfalouti) June 23, 2019

وعلق رياض باشا المنفلوطي بصورة لعادل إمام من فيلم بخيت وعديلة وهو شايل أزايز البيرة، وكتب “عمرو وردة بعد تدريبات المنتخب”

https://twitter.com/Elsohbgy74/status/1142535134136229888

على نفس خطى الكوميكس، نشر الصحبجي، صورة من برنامج المقالب “كريزي تاكسي”، وكتب: “انتى تجيلى اليونان انا تعبااااان”.

معلش اصل هو اللغه بتاعته كلمه واحده فتلاقيه بيكررها كتير come Greece come Greece 😂😂 #عمرو_وردة pic.twitter.com/oNy6rMGsZC

— البحيرى مان (@m_elbe7iry) June 23, 2019

وسخر البحيري من طلب وردة من الموديل ميرهان أن تأتي له اليونان، عن طريق مشهد من فيلم “الخالة نوسة”.

وكتب: “معلش اصل هو اللغه بتاعته كلمه واحده فـ تلاقيه بـ يكررها كتير come Greece come Greece”.

قالها Boxing? hahaha
لا ده واد قليل الادب ولازم يتربى
#عمرو_ورده pic.twitter.com/TxXWmCx04b

— 3oof Ebn Hesham (@abdelrhman_90) June 23, 2019

وبطريقة ساخرة من كلمة “بوكسينج” اللي قالها وردة، وعلاقتها بالتحرش، نشر عبد الرحمن صورة من فيلم “أنا مش معاهم أنا معاكي”.

وكتب: “قالها Boxing? hahaha لا ده واد قليل الادب ولازم يتربى”

في نفس الإطار، قالت نور: “تقريبا دي افظع جملة تحرش وقلة ادب شوفتها .. حسابها كان لا يذكر دلوقتي بقي 168”

https://twitter.com/N_Ahmed33/status/1142651359696752646

“بيشقطوا بيقولوا بوكسينج يا ناس”، دي الجملة اللي كتبها أحمد نوصير تعليقًا على الموضوع، مع صورة لمحمد هنيدي من فيلم “وش إجرام”.

 

وعلى فيسبوك وجه الأكونت اللي اسمه “محمد حسني مبارك”، رسالة تحذير لوردرة، وقال:

“عمرو وردة احنا مش هنحاسبك علي انك متحرش لاابسلوتلي احنا هنحاسبك علي -ذوقك الخرة”.

مش عيب.. عيب بنات و انت عندك ماتش مهم يا عمرو.. طب كنت قولي كنت استنضفلك 😂#عمرو_ورده pic.twitter.com/k5rHop49Dz

— المهاتما حمدي (@Hamdi3993) June 23, 2019

“طب قولي كنت أستنضفلك”

الجهاز الفني للمنتخب رد على إشاعات سحب التليفونات من اللاعيبة بالنفي

وقال إيهاب لهيطة مدير المنتخب المصري، إن خافير أجيري، المدير الفني للمنتخب، عمل جلسة مع الاعيبة، وشدد عليهم إنهم لازم يراعوا إنهم لاعيبة كبار، وبـ يمثلوا مصر.

كمان وضح لهيطة، أن واقعة السوشيال ميديا بتاعة عمرو وردة مع البنت الموديل، هي واقعة حقيقية مش إشاعة، لكن هو شايف إنها أخدت أكبر من حجمها.

رد “الكاف” على طرد وردة من المنتخب.. وهذا هو البديل!

لازم كمان تعرف إن الاتحاد الإفريقي لكرة القدم “كاف” نشر تغريدة مخصوص بسبب عمرو وردة.. وقال:

“منتخب مصر هـ يكمل البطولة بـ22 لاعب فقط”.

والتويتة دي اتنشرت ردًا على بيان الاتحاد المصري لكة القدم، اللي قرر استبعاد عمرو وردة نهائيًا من صفوف المنتخب المصري بسبب الفضيحة.

Egypt will continue the tournament with 22 players after eliminating Amr Warda for unsporting behavior. https://t.co/ZVpNT0sKnt

— CAF (@CAF_Online) June 26, 2019

الجهاز الفني للمنتخب يعتبر في ورطة دلوقتي بعد استبعاد عمرو وردة.. وده بسبب عدم وجود بديل للاعب عبد الله السعيد صانع الألعاب في صفوف التشكيلية الأساسية للمنتخب الوطني.

معنى كده إن الجهاز الفني ممكن يعتمد على لاعب النادي الأهلي وليد سليمان لو فكّر الجهاز الفني تبديل السعيد لإراحته في أي مباراة جاية.

اعتذار وردة

بعد انتهاء مباراة مصر أمام منتخب الكونغو الديمقراطية وفوز المنتخب بهدفين مقابل لا شيء، نشر عمرو وردة فيديو بـ يعتذر فيه عن اللي حصل.

[Total_Soft_Poll id=”23″]

عمرو وردة انستقرام