(فيديو) شاهد إهانة ميريام فارس لمصر في آخر تصريحاتها واعتذارها

ميريام فارس عادت للتريند من جديد، لكن المرة دي مش بسبب أغنية جديد أو فيديو كليب مثير، هيّ المرة دي متهمة بـ إهانة مصر

قالت في مقطع فيديو إنها مابقتش تيجي تعمل حفلات في مصر عشان أجرها بقى عالي أو زي ما قالت بالظبط: “أنا بقيت تقيلة على مصر”

اقرأ أيضًا: (بسبب بوسة ) أسوأ تقييم لـ اول مسلسل عربي على نتفليكس والشركة تُهدد

الجملة دي كانت كفيلة إنها تقلب الدنيا على راس ميريام فارس وتخلي الفنانين والناس على السوشيال ميديا يكتبوا ضدها وتبقى تريند على جوجل لساعات طويلة، واللي وصفها البعض بـ”الليلة السوداء”.

الشاعر الغنائي أمير طعيمة كان من أبرز اللي ردوا على التصريح المستفز لميرام فارس، وقال:

“معظم نجوم الصف الأول في لبنان أقاموا حفلات في مصر بعد الثورة.. زي إليسا ونوال الزغبي ونانسي عجرم وراغب علامة، و حتي العظيمة ماجدة الرومي و غيرهم.. و أنا و إنتي عارفين الأرقام و انهم بياخدوا أجر يفوقك بمراحل، والفرق الكبير بينهم و بينك.. بلاش مصر يا ميريام، ان مكانش من باب الأدب يبقي من باب الذكاء”.

معظم نجوم الصف الاول في لبنان أقاموا حفلات في مصر بعد الثورة زي إليسا و نوال و نانسي و راغب و حتي العظيمة ماجدة الرومي و غيرهم، و أنا و إنتي عارفين الأرقام و انهم بياخدوا أجر يفوقك بمراحل و الفرق الكبير بينهم و بينك.
بلاش مصر يا ميريام، ان مكانش من باب الأدب يبقي من باب الذكاء.

— Amir Teima (@AmirTeima) June 23, 2019

وفي تويتة قصيرة، رد الفنان محمود العسيلي على تصريح ميريام وقال:

كارته و خانفة .. عشان كدا إنتي تقيلة على مصر

— Mahmoud El Esseily (@Esseily) June 23, 2019

وكمان المنتج وليد منصور كان له رد “تقيل” على تصريح ميريام فارس، وقال:

“بالنسبة للفنانة التقيلة على مصر.. كام كيلو يعني بالظبط علشان أقدر أحسب تقيلة بجد ولا إيه؟! والله العظيم عيب إنت كنتي بتاخدي ٢٠ ألف دولار لما كنا بنشغلك، والدولار كان ٧ جنيه، يعني بتاخدي ما يوازي ١٤٠ ألف جنيه.. يعني يا دوب ثمن إيجار السماعات في حفلة من اللي بعملهم لعمرو دياب أو تامر حسني أو حماقي أو شيرين يا تقيلة إنتي!”.

صباح القصف 😂😂 #ميريام_فارس pic.twitter.com/HwkiJWl3oe

— MD (@MohamedXDiaa) June 23, 2019

الفنان أحمد شامي عضو فريق “واما”، نشر على تويتر تغريدة ردًا على تصريح ميريام فارس ، وقال:

اعتقد يا ميريم ان مش بيجيلك شغل في مصر اصلاً و ليس العكس … 😜

— Ahmed Shamy (@AhmedShamy) June 22, 2019

شاهد أيضًا: فيديوهات كينسي ولنسكي مع صديقها (من أمريكا لـ دبي)

وحتى مُحبي مصر من الدول العربية، قالت الكاتبة والناقدة الإعلامية الإماراتية مريم الكعبي:

“إلى ميريام فارس أنتِ ثقيلة على قلوب الملايين أجدتِ الرقص على كل الحبال من أجل أن تحجزي لك مساحة في الفن فوازير بإنتاج ضخم وكان الفشل مدويا تقليد شاكيرا طمعاً في استدعاء إعجاب ورافقك الفشل وكان رهانك على الشفافية المطلقة في الظهور واستمر الفشل ثقيلة أنت على الفن وأهله”

#رسائل_خاصه
إلى ميريام فارس
أنتِ ثقيلة على قلوب الملايين
أجدتِ الرقص على كل الحبال
من أجل أن تحجزي لك مساحة في الفن
فوازير بإنتاج ضخم وكان الفشل مدويا
تقليد شاكيرا طمعاً في استدعاء إعجاب ورافقك الفشل
وكان رهانك على الشفافية المطلقة في الظهور واستمر الفشل
ثقيلة أنت على الفن وأهله

— مريم الكعبي (@maryam1001) June 23, 2019

وبعد الهجوم الشديد اللي اتعرّضت له ميريام فارس، فيديو قصير بـ تعتذر  فيه عن سوء تعبيرها.

وشكرت الفنان هاني شاكر نقيب الموسيقيين على فهمه لها لأنه بـ يفهم لبناني (على حد تعبيرها).. وقالت إن نجاها كان بدايته لمّا جت مصر زمان.