fbpx

(مالديف في جنوب سيناء) راس سدر للمتعة والاسترخاء⛵ بأرخص الأسعار✔✔

راس سدر  تعتبر من احسن المصايف في مصر.. هي مدينة ساحلية في جنوب سيناء، بـ تتمتع بـ جوها الهادي، اللي بـ يساعد على الاسترخاء والاستجمام جدًا!.. وده سبب في تسميتها بـ “مالديف مصر”.

خريطة الطريق لـ راس سدر

المدينة الجميلة دي بـ تقع على خليج السويس بـ ساحل البحر الأحمر، وبـ تتبع محافظة جنوب سيناء.

اقرأ أيضًا: (دهب) أجمل مكان في الشرق الأوسط!.. اعرف ليه🤔

لو انت من الناس اللي بـ تسافر شرم أو دهب أو المنطقة اللي هناك دي، فانت أكيد بـ تعدي على الكمين بتاعها قبل شرم كده.

ساعتين ونص من القاهرة

حمد لله على السلامة وصلنا راس سدر
حمد لله على السلامة وصلنا راس سدر

تخيَّل بقى إنك ممكن في ساعتين تتنقل من جو القاهرة وزحمتها وتلوثها، لـ أماكن بـ يغسل الجسم حرفيًا ويعالجه!

المكان ده حقه مهدور، والناس مش واخدة بالها منه خالص رغم إنه قريب جدًا بالنسبة لأماكن تانية.

4 أيام بـ 1000 جنيه🤔

نتيجة بحث الصور عن ألف جنيه

لك أن تتخيَّل ممكن تقضي 4 أيام هناك بـ 1000 جنيه بـ أكلك وشربك ومواصلاتك.. ازاي؟🤷‍♀️

انت رايح عاوز تستمتع وتوفر فلوس، أكيد، يبقى لازم تدور على مكان سعر مناسب، في حاجات هناك في حدود 100 جنيه، وفيه حاجات بـ 500 وألف في الليلة، انت وقرارك!

اقرأ أيضًا: 7 مدن تدفع لك مقابل العيش فيها 💰 لِم هدومك وسافر😍

حاول يا اما تبقى جايب معاك أكل يمشيك اليومين اللي هـ تقعدهم، أو هات من أي سوبر ماركت أكل بسيط على قد يومك وخلاص، مش هـ يكلفك كتير، ممكن توصل تكلفة الـ 3 أيام لـ 300 أو 400 جنيه مثلا!

طبعًا موضوع الـ 1000 جنيه ده، لو رايح تقعد وتستمتع بالبحر والمشي، لكن لو عاوز +متعة، ده هيزود التكلفة شوية.

خروجات للاستجمام والانسجام والروقان

الخروجات في راس سدر، كتير، منها طبعًا:

“العيون الكبريتية – عيون موسى – حمامات فرعون”.

1. العيون الكبريتية

راس سدر – العيون الكبريتية

دي قريبة من البلد جدا بس خيال، ولا أي مالديف بقى، تقريبًا في هناك أكتر من عين، ومختلفين في درجة الحرارة، وهما فعلا مفيدين جدًا لجسمك.

هناك مفيش اي تجهيزات يعني لو ناوى تنزل تكون لابس مايوهاك وانت رايح وفوطتك وواخد معاك مياة شرب عشان لو طولت في القعدة.

2. حمام فرعون

مغارات حمامات فرعون - بـ راس سدر
مغارات حمامات فرعون – بـ راس سدر

هي كنز منسي للأسف، والسياح عارفين قيمتها أكتر مننا، هي موجودة في الجزء الجنوبي من راس سدر، 5 كم من مدينة أبو زنيمة.

الحمام عبارة عن مغارة جبلية  فيها ينابيع مياه كبريتية شديدة السخونة على هيئة بركة بقوة 3000 متر مكعب فى اليوم الواحد.

فيه 15 عيناً كبريتية تحت الصخور اللي في المغارة دي، درجة حرارتها 92 درجة مئوية تقريبًا، وده بـ يخلي الميه سخنة جدًا، وفيها عناصر معدنية بـ تساعد في الاستشفاء من أمراض كتير.

3. عيون موسى

عيون موسى القببية بـ راس سدر

موجودة شمال مدينة طور سيناء على بعد 3 كيلو، فيها 5 عيون بـ تصب في حوض محاط بمبنى على شكل قبة.

الناس بـ تيجي من كل مكان في العالم، علشان يستفيدوا من العلاج المجاني الطبيعي 100% ده، واحنا أهل البلد ما نسمعش عنه أصلا!

عيون موسى في ناس بـ يسموها “واحة علاجية”، علشان بس دورها في علاج كتير من الناس سواء أجانب أو مصريين.

آخر حاجة بقى.. قهاوي راس سدر وجوها الليلي اللي بياخد القلب والعقل، وينسيك الهموم، اسهروا يا جماعة براحتكم!

خريطة راس سدر