“كانت بـ تتوحَّم على إيه؟” أغرب النباتات التي تشبه كائنات حية

الكون مليان بالحاجات الغريبة والعجيبة الحقيقة، وكل يوم الطبيعة بـ تفاجئنا بالجديد، والخارج عن التوقعات!

في الجاي هـ نعرض ألبوم صور لـ نباتات عجيبة، ليها شكل وتعبيرات وجه، زي ما تكون حية وبتتكلم:

خوختين بـ يحبوا بعض

واضح إن في حد قرر يصور الخوختين دول وهما في وضع التلبس، بعدما قرروا يحبوا بعض شوية!

اقرأ أيضًا: من العنكبوت إلى المغناطيس.. أغرب الأشياء التي وُجدت داخل البشر

أغرب النباتات – بتنجانه تشبه الفيل أبو زلومة

بائع الخضار ده اكتشف عنده بتنجانه شكلها مختلف عن كل البتنجان اللي عنده فـ صورها.

الصورة بـ تظهر البتنجانة وليها امتداد شبه زلومة الفيل، وهي على بعضها كأنها وش فيل مولود.

هل فيه فرق بين الفراشة والفراولة؟

بـ تظهر في الصورة دي ثمرة الفراولة المعروفة لكن واخدة شكل غير اللي اتعودنا عليه، هي ظهرت في شكل فراشة، بعدما انقسم لجزئين كأنهم أجنحة للفراشة والجزء اللي ادام كأنه راسها.

قرع أم بجعة؟

الصورة دي بـ تبين واحدة من ثمرات ثمرة القرع، وهي شبه طائر البجعة الضخم، وواضح ان الصورة مش معمول ليها أي تعديلات مثلا، هي طبيعية بالحد الكافي.

البومة في التفاحة!

الشخص ده اكتشف بعدما ما قسم التفاحة نصين، إن فيها شكل من البومة بتاعته، فـ صور الاتنين في لقطة واحدة، علشان يقدر يقارن بينهم.

كريز بـ قرون (تحسها وش شيطان)

الصورة دي بـ تبين كريزة وكأن ليها قرون، وهي بـ شكلها الأحمر بـ توصل شعور ما شبه الشيطان اللي اتعودنا نشوفه في الصور.

صقلاب على هيئة بغبغان

ظهرت مجموعة من نبات الصقلاب، بعدما صورها شخص ما، على كوباية زجاجية، وظهروا كأنهم 5 من طائر البغبغان يشربون من الكوب.

اللفت بيحاول يلفت النظر

الصورة دي واضح فيها إن فيه قطعة من نبات اللفت، في شكل غريب شوية، كأنها بنت بـ تحاول جذب الانتباه ليها بالوضعية دي.

اقرأ أيضًا: من “الحفاضات” للمسجونين.. أغرب مواقع التعارف على الإنترنت

إلى اللانهائية وما بعدها

الجزرة دي قررت تقلد الشخصية الكرتونية المشهورة “باظ يطير”، والصورة بـ تبين الجزرة في نفس البناء الجسدي لـ باظ.

ويبدوا أنها في طريقها الآن إلى اللانهائية وما بعدها.

الطماطم فكرت إن هي تبقى بطة!

الصورة بـ تبين ثمرة طماطم على شكل بطة، واللي باين كده إنها قررت تبقى مختلفة عن كل أصحابها من نفس النوع، وفكرت تبقى بطة ولو بس بالشكل!