in

6 من اغرب الاعلانات في العالم.. لازم تشوف اعلان BMW

اغرب الاعلانات في العالم

اغرب الاعلانات في العالم سلسلة مالهاش نهاية، لأن كل يوم في جديد وفي أفكار مش ممكن نتخيلها، والهدف دايمًا واحد، هو الوصول للزبون الصح أو الجمهور المستهدف.

في اللي جاي شوف 6 من اغرب الاعلانات في العالم:

إعلان BMW

بعد ما ديتر زيتشه المدير التنفيذي طلع معاش، BMW استغلت الموضوع وعملت إعلان لنفسها.

الإعلان بـ يظهر فيه مدير مرسيدس بعد ما خرج من الشركة وروح بيته، وقرر يخرج أول خروجة ليه بعد المعاش، بـ عربية BMW.

في نفس الوقت ساب المرسيدس القديمة مركونة في الجراج.. ورغم إنهم استخدموا طريقة صفرا في الإعلان، إلا إنه في شوية كريتيفتي متكلفيين.

إعلان Wix

إعلان منصة Wix المتخصصة في إنشاء المواقع على الإنترنت، لـ سنة 2017، من اغرب الاعلانات في العالم .

الإعلان من تيمة الحبكة الدرامية، بس متنفذ حلو، خصوصًا بقى إنه معتمد على بطلين مهمين جدًا، وهما Jason Statham و Gal Gadot.

إعلان ماونتن ديو – It All Starts with a Kick

شركة المشروبات والمياه الغازية، المشهورة ماونتن ديو، اعتمدت في حملة إعلانية ليها على إن المشروب مبهج لدرجة إنه بـ يرقص.

اقرأ أيضًا: رمضان 2019: حاجات ممكن تعملها وقت الفاصل الإعلاني

وفي إعلان ليها سنة 2015، قدرت توصل الفكرة دي عن طريق الصحاب اللي قاعدين بـ يلعبوا بلاي ستيشن، وحاسين بملل، وفجأ بـ يشربوا “ماونتن ديو” فـ حالهم بـ يتشقلب.

إعلان كيا – Kia K900 Morpheus Big Game

شركة كيا، من الشركات العالمية الكبيرة في صناعة السيارات، ودايمًا بـ يقدروا يقدموا تقنيات جديدة في منتجاتهم السنوية.

في الإعلان ده كيا كانت ذكية جدًا وقدرت توصل رسالتها الإعلانية في أحسن شكل جذاب لـ عربيتها الجديدة، اللي فيها إمكانيات صوتية عالية الجودة.

إعلان دوريتوس – Rejected Crash

دوريتوس طبعًا غنية عن التعريف، هي شركة المنتجات الغذائية والمسليات المعروفة، واللي دايمًا إعلاناتها بتكون غريبة أصلا.

بس الإعلان ده غير معظم إعلانات دوريتوس اللي بـ نشوفها عندنا في الشرق الأوسط عمومًا، فكرته مجنونة شوية، ورسالته أغرب!

إعلان ميو -Changes Everything

شركة المحسن المائي “ميو”، بـ تعتمد في إعلانتها، على كونها بتعمل تحويل تام في المية، مسافة ما تخلط معاها المسحوق السائل “ميو” بأي طعم.

اقرأ أيضًا: بالفيديو: أشهر اعلانات شركات المحمول في مصر  

في الإعلان ده بـ توضح “ميو” إن التغيير مش بس بـ يحصل لشكل المية ولونها، لا ده كمان ممكن يغير مودك وشخصيتك تمامًا، ولاعبين القصة بشكل لطيف جدًا وغريب.

بالمناسبة الإعلان ده اتقلد بعدها في مصر، في إعلان لـ “مولتو”.

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ما هو رأيك ؟

Comments

Leave a Reply

One Ping

  1. Pingback:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0

“وصلة” جايبلك آيس كريم وحلويات غربية بخصم 10%✔✔

ارتفاع اسعار البنزين

شاهد فيديوهات كينسي ولنسكي مع صديقها (من أمريكا لـ دبي)