المصريون يسخرون من (جنون الليمون) بعد ما الكيلو وصل 100 جنيه!

هو ايه جنون الليمون ده؟ احنا صحينا من النوم في يوم من الأيام لقينا الليمون بقى بـ 100 جنيه!.. الدنيا قامت وما قعدتش بقى، لدرجة ان فيه ناس بتفكر في الكارير شيفت ‍♂️

https://twitter.com/ElfagrNews/status/1136692745651834882

السوشيال ميديا اتملت صور ليمون يا جماعة، في اللي بـ يسخر واللي عقله شت من كتر الزيادات اللي نازلة ترف عليا، مثلا:

مرسال لحبيبتي في الترند

واحد من مشاهير الفيسبوك، سخر من الموضع بـ حتة من أغنية “مرسال لحبيبتي” وحط التاتش بتاعه.

وقال في بوست ليه: “فمش هقدر أجيبك من الدهب كفة، وأجيبلك من الليمون كفة”

ثراء فاحش لـ تجار الليمون

أحمد سمير اتريق على الموضوع بـ طريقته، فـ نشر صورة لـ رجل بـ جلابية وهو بـ يتمشى مع كلب في الشارع.

وكتب: “ظهور الثراء الفاحش على تجار الليمون”.

الناس على تويتر كانوا متفاعلين مع الموضوع بـ شكل أكبر، وترند “كيلو الليمون” في الطالع زي سعره بالظبط.

جبت منين الفلوس اللي اشتريت بيها الليمون؟

واحد نشر تغريدة عبارة عن صورة من تحقيق الضابط مع إبراهيم حمدي من  فيلم “في بيتنا رجل”.

اقرأ أيضًا: 5 طرق للربح من الإنترنت وانت قاعد في البيت

الصورة مكتوب عليها سؤال في صيغة التحقيق: “قول يابني جبت الفلوس اللي اشتريت بيها الليمون منين؟”

"كيلو الليمون" pic.twitter.com/JmQLWeK9mL

— شركه نقل عفش0537591961بالرياض (@hat__eom) June 10, 2019

طب نص ليمونة أعصرها على الفول!

نشر واحد صورة من ترند قديم، وكتب عليها: “طب نص ليمونة أعصرها على الفول طيب.

طب نص لمونه اعصرها ع الفول #الليمون pic.twitter.com/BtdyYYimTO

— Amr Hankock (@AmrHankock) June 10, 2019

الليمون على العريس ولا العروسة؟

بطريقة مختلفة شوية، ناس اتكلمت عن فكرة، إن بعد جنون الليمون ده، لازم يتحط ضمن قايمة الجواز اللي مليانة حاجات غالية!

اقرأ أيضًا: هل تنجح “خليها تصدي” في خفض أسعار السيارات؟ 

وفيه واحد سأل بـ شكل كوميدي: “يا شيخنا هو الليمون دلوقتي على العريس ولا العروسة؟”

https://twitter.com/101elsayed/status/1136975414960840706

ايوه ياماما … ابونا كان بيتاجر ف الليمون 😂 pic.twitter.com/yuxUl4qTkf

— Ashraf_wahdan (@Ashrafwahdan14) June 7, 2019