البسي جيبة قصيرة وزودي مرتبك حافز جديد من شركة روسيّة!

البسي جيبة قصيرة وخدي عمولة زيادة! فكرة جديدة أطلقها مصنع المنيوم في روسيا لتشجيع الموظفات على ارتداء لبس أكتر أنوثة تحت عنوان “ماراثون الأنوثة”.

المصنع قال إن أي موظفة أو عاملة عنده هـ تلبس جيبة قصيرة هتاخد زيادة على أجرها ما يعادل حوالي 30 جنيه مصري يادوب يجيبوا كيلو تفاح!

اقرأ أيضًا: البنت اللي نزلت الملعب بقى عندها 2 مليون متابع ‍♀️ (القصة الكاملة)

وعرض لبس جيبة قصيرة ده حسب ما قالت إدارة المصنع ساري طوال شهر يونيو اللي احنا فيه دلوقتي.

ورغم إن أصلًا اللبس ده مش موجود غير في روسيا إلا ان الفكرة واجهت انتقادات كبيرة خاصًة على مواقع السوشيال ميديا.

في اللي رفض فكرة الترويج للبس جيبة قصيرة بالشكل ده تمامًا، وقال إنها مُهينة للمرأة.

وفي اللي اعتبرها أسلوب دعاية رخيص في مجال الأعمال التجارية.

وعلى تويتر الموضوع كان حاد قوي، وواحد من المنتقدين اتهم إدارة المصنع إنها هـ تصوَّر الموظفات في أوضاع مخلّة وهـ تستخدمها بشكل مريب.

وأضاف إن ده يعتبر سوء استخدام للسلطة، ومثير للإشمئزاز.

في حين شخص تاني نشر على تويتر تويتة قصيرة قال فيها: “ده خبر صادم جدًا واحنا في 2019!”.

ومن الغاضبين اللي قال برضه إن روسيا محتاجة حركة نسائية قويّة ترد على الفكرة الرخيصة دي، وألآكد إن العروض دي بـ تظهر عشان الهيمنة الذكورية اللي منتشرة في العالم.

وعلى الناحية التانية كان في بعض المؤيدين للفكرة، زي التويتة دي اللي صاحبتها أكدت فيها إن لبس جيبة قصيرة مش معناه تحريض على التحرض أو الاغتصاب!

Totally agree with you Nicole and completely disagree on blaming the victim ! Because that what it’s… i will be even more provocative here and is the same like saying “you are wearing a short skirt so you deserve to be raped/harassed” – this is scandalous! Please LISTEN

— Dr Magda CHELLY, CISSP, PhD (@m49D4ch3lly) June 3, 2019

وفي تصريح إعلام لـ واحد من المسؤولين بالشركة، قال إن الفكرة مافيهاش أيّ تحيُّز جنسي، وأكد إن لـ حد دلوقتي 60 موظفة في المنصع شاركت في الحملة.

وأوضح المسؤول إن الفكرة من تشجيع الستات على لبس الجيبة القصيرة هو مساعدتهم على التخلي عن لبس الشغل العادي، وانهم يـ لبسوا لبس يـ حسسهم بأنوثوتهم وراحتهم..

[Total_Soft_Poll id=”22″]