المطارات في أي دولة هي حاجة مهمة وطبيعية جدًا، لكن في العالم هـ نلاقي برض دول بدون مطارات ! واللي مش أقل من 6 دول من بينهم دولة عربية!
تخيّل كده ان في دولة مافيهاش مطار!.. تخيل ممكن يكون أهلها بـ يسافروا ولا محبوسين جواها مثلًا؟
ولو انت عاوز تسافر لأي دولة من الدول دي تعمل ايه؟.. ده هـ تعرفه في السطور الجاية:
موناكو
هي بـ تيجي على رأس القايمة ، في الدول اللي مافيهاش مطارات، وموناكو دولة ساحلية، وبـ تعتبر ثاني أصغر دولة في العالم، ويمكن ده هو السبب!
.jpg)
البلد دي جملية قوي ، وبالتالي ناس كتير بـ تحب تسافر لها، وبـ يضطروا ينزلوا في مطار نيس في فرنسا، ويركبوا أي مواصلة بريّة لـ حد موناكو بـ تاخد 25 دقيقة تقريبًا.
الفاتيكان
هي أصغر دولة في العالم، فـ مافيش مساحة يعملوا فيها مطار خاص بيهم.
اقرأ أيضًا: احصل على 10 آلاف دولار واسكن هذه المدينة الإيطالية!
قُربها من روما عاصمة إيطاليا بـ يسهل عملية الوصول ليها ، وده لأن الناس بـ ينزلوا في مطار روما، ويكملوا بري لـ الفاتيكان.
مواضيع ذات صلة:
سان مارين
هي دولة صغيرة تقع في وسط إيطاليا، وهما كافيين خيرهم شرهم وما بـ يستقبلوش حد عن طريق الجو! ♀️
بس لو الأمر ضروري بالنسبة ليك وعاوز تروح، فـ ممكن تسافر لإيطاليا عادي، وتنزل في مطار ريميني، ده أقرب حاجة لـ سان مارين.
ليختنشتاين
بلاش الاسم يخضك ويبعد من دماغك فكرة السفر ليها، ليختنشتاين من أجمل دول وسط أوروبا، بس للأسف مافيهاش مطار، وما تعرفش تسافر لها مباشر. ♀️
هي قريبة من سويسرا، فـ في ناس من أهل البلد والزائرين، بـ يسافروا عن طريق مطار سان غالين السويسري…
واللي بـ يبعد حوالي 39 كم من العاصمة فادوز.
أندورا
هو حظ الدولة دي انها محبوسة وسط مجموعة جبال، وده مـ صعب ان يـ تعمل فيها مطار
اقرأ أيضًا: أفضل الوجهات السياحية في 2019
واللي عاوز يسافر لـ أندورا، بـ يضطر ينزل إما في إسبانيا أو فرنسا، ويكمل بري.
فلسطين
الدولة العربية المحتلة، مافيهاش مطار، لكن السفر منها أو ليها بـ يكون معظمه بري، عن طريق مصر أو الأردن.
Comments
Loading…