في نهائي دوري ابطال اوروبا (1 يونيو 2019) بين “ليفربول VS توتنهام” فوجئنابـ البنت اللي نزلت الملعب بـ المايوه دون سابق إنذار.
الفكرة إن نزول البنت دي الملعب في الوقت ده ماكنش هباءً كده، كان ليه أسباب قوية، ليها علاقة بـ دعاية لـ يوتيوبر مشهور بـ برامج المقالب.
اقرأ أيضًا: (أم مكة) زوجة محمد صلاح.. كل ما تريد معرفته عن ماجي صادق…
مين البنت اللي نزلت الملعب، وإيه السر ورا نزولها الملعب، وإيه الكلام اللي كان مكتوب على المايوه ؟..
ده اللي هنوضحه في السطور الجاية:
كينسي ولنسكي في نهائي دوري ابطال اوروبا
https://www.instagram.com/p/BoPIM64ntPg/
البنت اللي نزلت الملعب هي كينسي ولنيسكي، عارضة أزياء وموديل مشهورة على إنستجرام، عندها 22 سنة.
اقرأ أيضًا: نيو لوك محمد صلاح الجديد.. غيّر أهم حاجة شاركته كل أهدافه
وكمان هي صديقة ومساعدة لـ واحد من مشاهير برامج الخدع و المقالب الأون لاين، وهو فيتالي زودوفتيسكي.
View this post on Instagramمواضيع ذات صلة:
وهي بـ تظهر في كتير من فيديوهات المقالب اللي بـ يعملها فيتالي على قناته على اليوتيوب، وكمان إنستجرام.
لحظة اقتحام نهائي دوري ابطال اوروبا
امبارح بقى كان الناس مهتمين بـ بالفرجة على أهم ماتش في الدنيا، شدة أعصاب وكل واحد بـ يشجع فريق عاوزه هو اللي يكسب.
وهوب.. فجأة ظهرت البنت اللي نزلت نهائي دوري ابطال اوروبا بـ لبس البحر “المايوه”، خطفت كل الأنظار.
البنت اللي نزلت الملعب دي هي عارضة الأزياء اللي عندها 22 سنة، كينسي سو، ونزولها في الوقت ده الملعب كان غرضه اللقطة اللي نجحت إنها تاخدها.
وقت ما الأمن قبض عليها علشان يخرجها من الملعب، ظهر على اللبس بتاعها كلمة “Vitaly Uncensored”.
ودي تقريبًا القناة الخاصة بـ صديقها الحميم، على يوتيوب، واللي بـ يقدم عليها محتوى المقالب والخدع مع الأغراب.
اقرأ أيضًا: ماذا قال مدرب ليفربول عن “تمثيل محمد صلاح”؟
وده يأكدلنا إن نزولها الملعب في الوقت ده في ماتش كبير زي ده، كان وراه سبب كبير، وهدف دعائي حققوه بالفعل.
كينسي ولنسكي عدد متابعيها على إنستجرام، ما يزدش عن 30000 متابع، لكن بعد حادثة الاقتحام، قرب عدد المتابعين لـ 2 مليون، ووصل دلوقتي أكتر من 3 مليون!
ونشر فيتالي تويتة مع صورة لـ صديقته الحميمة، وهي في أرض الملعب، وكتب عليها إنه مش قادر يستنى لما يتجوزوا!
I can’t wait to Marry you 💍🔥 #Kinsey_Sue pic.twitter.com/goCLh6SImA
— Vitaly Zdorovetskiy (@Vitalyzdtv) June 1, 2019
وكمان في الفيديوهات اللي انتشرت لـ لحظة نزولها الملعب، ظهر فيها فيتالي وهو بـ يشجعها وبـ ينادي اسمها وبـ يعلن إنها حبيبته وسط المشجعين.
ومن الواضح كده، إن كينسي ما أخدتش بالها، إنها عملت خطأ فظيع يعني، هي كانت فخورة أكتر بالنصر اللي حققته.
فـ نزلت صورة اقتحامها للملعب على إنستجرام، و كتبت وهي متعجبة “هل خطفت الانتباه من رقم 8؟!”.
القبض على البنت اللي نزلت الملعب في مصر
زارت “كينسي ولانسكي” عارضة الأزياء الأمريكية الشهيرة بـ”العارضة العارية” مصر خلال النصف الأخير من ديسمبر 2019، ضمن جولتها السياحية في الشرق الأوسط.
اقرأ أيضًا: هل تم القبض على كينسي ولانسكي في مصر؟!
وألقت قوات الأمن المصرية القبض على “البنت اللي نزلت الملعب” لمخالفة القوانين في أهرامات الجيزة، وذلك قبل أن يتم الإفراج عنها.
وزارت “لانسكي” العديد من المناطق السياحية والأثرية في الأردن ومصر، أبرزها: (البتراء والبحر الميت والأهرامات).
Comments
0 comments