بنات كتير مش بتحب تدخل في علاقة مع شخص قدها في السن، أو أصغر منها، والحقيقة ان في 10 اسباب تجذب البنت للراجل الاكبر منها، هـ تعرفهم في السطور الجايّة:
النضج طبعًا
عشان تكوين الأنثى مختلف عن الذكر ونضجها بـ يتم بدري، ده بيخلي البنت تنجذب أكتر للراجل الأكبر منها، بحيث تحس معاه انها في نفس مستوى النضج مش أقل منها.
اقرأ أيضًا: جيسي عبدو عن مقابلتها لـ “محمد صلاح”: مش أنا اللي حضنته
والموضوع ده بيزيد قوي عند البنات اللي عايزة تعمل أسرة، تـ تجوز وتخلف وتستقر، عشان بـ يشوفوا في الراجل الكبير مسؤولية تخليه يقدر يبني أسرة مستقرة.
عاشوا الدنيا بالطول وبالعرض✔
كل ما السن بيزيد كل ما المواقف بتكتر وخبرات الحياة بتتنوع وبتتعلم أكتر.. وده اللي بنات كتير بـ تدوّر عليه، عايزين الراجل اللي فاهم ومخلّص، عملًأ بمبدأ: “هو احنا لسنة هنجرّب ونتعلم؟!”.
طبعًا مش كل الرجالة الكبيرة عندها خبرة كبيرة، لكن على الأقل اتعلموا حاجات مهمّ’ في الحياة هـ تفيد الطرف التاني.
عارفين رايحين على فين
تحديد الهدف بتاعك واختياراتك حاجة مش سهلة، ومحتاجة مرمطة شوية عقبال ما تجرب وتنجح وتفشل كذا مرة.. الميزة دي مش موجودة عن نسبة كبيرة من الشباب الصغير لأنه لسة ما جربش كل حاجة ولسة مش عارف هدفه بالظبط.
معاهم فلوس
George Clooney and Alam Alamuddin are stunning! 😍 She is full of grace, intelligence and beauty. Amal is a gem and a role model. #Venezia74 pic.twitter.com/Yo1tQVls58
— Who's that girl? (@roxanthine) September 3, 2017
بنات كتير بـ تكون عايزة راجل مستقر ماديًا، خصوصًا اليومين دول مع ظروف الحياة الصعبة…
بنات كتير مش قادرة تعافر مع شاب لسة بـ يكون نفسه، فـ الاختيار الأنسب هنا الراجل الأكبر منها.
الرجالة الأكبر جاهزين يسمعوا كلمة “بابا”
الأسرة هي أصعب حاجة ممكن يتحمل مسؤوليتها أي راجل، خصوصًا بعد الخِلفة، وكل ما سن الراجل بـ يزيد كل ما فرصة انه يبني أسرة مستقرة ويحافظ على ولاده أكبر.
عشان كده البنات تحب تـ تجوز راجل أكبر، مشاعره وعواطفه مستقرة ومش فوضوي ولا هوائي.
بـ يساعدوا في شغل البيت
طبعًا ده حلم أي بنت، انها تـ تجوز شخص يساعدها في شغل البيت اللي اتعودت عليه من وهي طفلة!
بس الميزة دي مش موجودة عند شباب كتير خصوصًا اللي ما عاشوش أبدًا لوحدهم واعتمدوا على نفسهم…
الميزة دي موجودة عن الرجالة الأكبر اللي اضطروا لفترات يعيشوا لوحدهم، يعملوا أكلهم، يغسلوا لِبسهم، ويظبطوا كل حاجة في بيتهم.
احتواء
من أهم اسباب تجذب البنت للراجل الاكبر منها هو الاحتواء، عشان تزعل براحتها تنكد عليه براحتها من غير ما يزعل جامد أو ياخد موقف أو يمشي ويسيبها!
اقرأ أيضًا: حبيبيك بيخونك؟ معلش.. سما المصري هتساعدك في الفيديو ده
البنت تحب الراجل الأكبر منها عشان عارفة انه خبرة ويعرف يتعامل معاها في كل ظروفها وتغيُّرتها.
تفاصيل جذابة
الراجل لمّا بـ يكبر بـ تزيد جاذبيته، وده مش في الشكل بس، لأ كمان في ضحكته وطريقة كلامه، وتفكيره، وقدرته على التعامل في الأمور.. وبنات كتير بـ تتأثر بكل ده.
مش بـ يغرقوا في النكد
الستات بـ تقع بسهولة في فخ النكد، لكن الراجل كل ما بـ يكون أكبر في السن، بـ يقدر يفلت من النكد ويواجهه بكل ثبات…
وده اللي بنات كتير بـ تدور عليه عشان الحياة مش ناقصة ناس تزود النكد عملًا بـ مبدأ: “إحنا أصلًا نكديين، فـ مش ناقصة والنبي”.
أمان أكتر✔✔
بنات كتير بـ تعاني من مشكلة عدم الاحساس بالأمان في المُطلق، لـ أسباب نفسية واجتماعية وأسرية…
وعشان كده بـ قعدوا طول حياتهم يدوروا على الشخص اللي يديهم احساس الأمان التام.. وده بـ يكون موجود بنسبة أكبر عند الرجالة الكبيرة اللي عندها خبرة ومستقرة أكتر.
Comments
Loading…