(5 خطوات) إزاي تعمل مسلسل ما يتشافش؟

مسلسلات رمضان هيّ جزء مهم من شهر الصيام، زيها زي الإعلانات اللي مسيطرة علينا في كل مكان.. لكن الدراما ما بقتش قد كده وماتستاهلش القعدة أمام التليفزيون.

وفي الكام سنة الأخيرة دي، حصل هبوط في مستوى الإنتاج الدرامي في مصر، خصوصًا في موسم رمضان!

عدد المسلسلات اللي ليها قيمة ووزن بقى قليل جدًا، ويكاد يكون منعدم السنة دي والسنة اللي فاتت، وهي بـ الضبط بـ تعلمنا درس مهم قوي، وهو: “إزاي تصنع مسلسل ما حدش يشوفه“، وده اللي هنعرضه عليكم في السطور الجاية:

1- خدّم على النجم يا حبيبي

وزع النجوم والأبطال على 500 مسلسل، وكل واحد يبقى بـ طوله، مع مجموعة ممثلين صغيرين، بـ يخدّموا على النجم.

2- شقلب واقلب

اقبل أي ورق مكتوب فيه أي كلام، والمهم انه مايكونش فاضي علشان يملى معانا حلقات الـ 30 يوم.

وأهم حاجة الإفيه، حتى لو مستهلك وقديم وما فيهوش بـ بربع جنيه إبداع!

3- ماتجوّدش من دماغك!

هات تيمة بقى كل الناس متعودة عليها.. مثلًا: قاتل متسلسل مجهول كان بـ يطارد الناس على التليفون -، لا دلوقتي الدنيا اتغيرت، يطاردهم على فيسبوك، لازم نواكب التطور برضه!