ما علاقة مينا مسعود بإسرائيل؟ هذا ما قاله بطل فيلم علاء الدين

على هامش مهرجان الجونة اللي أقيم السنة دي من 19 – 27 سبتمبر، وأخد صدى عالي جدًا، خطف مينا مسعود بطل فيلم هوليوود “علاء الدين” اللي دخل نادي الأفلام الأعلى إيرادًا حول العالم بقيمة مليار و10 مليون دولار، الأضواء طول فترة إقامته في مصر خلال الفترة دي.

تفاعل كتير من المصريين مع صور مينا في الجونة يوم الافتتاح؛ لإطلالته البسيطة، والكلمة المؤثرة اللي قالها في حفل افتتاح مهرجان الجونة السينمائي الدولي 2019.

View this post on Instagram

Last night at #GFF19 was amazing. Got to present the inaugural @edafoundation award which will be a staple at the festival moving forward. Filled me with even more pride to be North African!

A post shared by Mena Massoud (@menamassoud) on Sep 20, 2019 at 8:14am PDT

بعد كده ظهر مينا مع الإعلامية منى الشاذلي في برنامجها المذاع على قناة Cbc المصرية “معكم منى الشاذلى”، واتكلم في موضوعات كتير، بخصوص الفيلم وكمان عن حياته الشخصية.

مينا مسعود يتحدث عن “Aladdin” في معكم منى الشاذلى

بطل فيلم “علاء الدين” اتكلم مع منى الشاذلي عن رحلته قبل القبول في الفيلم! وإنه بعد ما خلص دراسة في الكلية في كندا، اشتغل في مطعم كمصدر يكسب منه فلوس علشان يقدر يسافر أمريكا.

اقرأ أيضًا: “إند جيم” الأعلى ربحًا في تاريخ السينما العالمية بهذا الرقم الخيالي

أمريكا كانت حلم مينا لتحقيق ذاته في مجال التمثيل علشان هي الفرص فيها أكتر.

وهو في أمريكا قابله إعلان الكاستينج بتاع فيلم “علاء الدين”، تواصل مع الشركة المسؤولة وبعت فيديو تمثيلي بسيط ليه.

وبعد ما كان فقد الأمل انه يتقبل في الفيلم، اتفاجئ مينا بمكالمة بتأكد عليه انه اتقبل، ووصف فرحته وفرحة أهله بالخبر ده.

مينا مسعود يقلد الأصوات المصرية بطريقة كوميدية

خلال لقائه في برنامج “معكم منى الشاذلى” تحدث مينا مسعود عن مواهبه الأخرى إلى جانب التمثيل.

فمثلًا قال إنه بـ يحب الكتابة والارتجال وتقليد الأصوات، ودي العوامل اللي ساعدته إنه يحب التمثيل ويكون ممثل مشهور في الوقت الحالي.

وقلد مينا بعض الأصوات بارتجال تام مع منى الشاذلى، وغلب عليها طابع الكوميديا الساخرة، التي تفاعل معها الجمهور.

بـ يشجع مطعم إسرائيلي!

على مواقع السوشيال ميديا، انتشرت تغريدات وبوستات كتير بـ تهاجم الفنان المصري الكندي بطل فيلم علاء الدين، بسبب رأيه  في إسرائيل.

مينا اتكلم في الفيديو، عن الأكلات اللي بـ يقدمها المطعم الإسرائيلي، زي “الشيش طاووق، والتبولة، واللبنة، والشاورما”، وقال إنه اشتاق ليها زي كتير من الأكل الشرقي.

وقال كمان إنه بـ يحب المطعم الإسرائيلي ده جدًا، وبيحب الأكل الإسرائيلي اللي بـ يعمله.

الفيديو ده تقريبًا كان ضمن حلقات بـ يقدمها مينا مسعود أون لاين، عن الأكل والمطاعم، وخصوصًا اللي بـ تعمل أكل للنباتيين.

EVERYONE. @MENAMASSOUD IS CANCELLED.

This snake decides to reinforce the idea that Israeli food consists of Hummus, Shawarma, and Tabboli when in reality, the food is Palestinian/Levantian.

His movie is trash. His Egyptian card is suspended indefinitely. pic.twitter.com/xIKLfvr9Li

— X ÆBL X-666 (@EgyptianWeeknd) May 26, 2019

حاول رامي انه يبرر للناس اللي حصل في الفيديو، بإن ده راجع لعيشته وحياته في “تورونتو” في كندا من وهو صغير…

ومش عنده عِلم كبير بالسياسة، بس ده زود الطين بلّة، والناس هاجمته أكتر.

انتقادات لـ مينا مسعود

بعد ما انتشر المقطع ده على السوشيال ميديا، ناس كتير هاجموا مينا مسعود…

وناس قالوله يبعد عن السياسة، لأنه لسة في بداية الطريق، وكمان علشان هو من أصل مصري.

https://twitter.com/egypttian/status/1133252561862053888

كمان بعد ما نشرت صفحة على فيسبوك تابعة لإسرائيل، بوست مضمونه، إنهم مرحبين بزيارته لإسرائيل وانهم دايمًا بـ يدعموه، ده زعّل مصريين كتير ورد فعلهم كان عنيف جدًا، وصل لحد الشتيمة!

وأبسط رد فعل كان لـ واحد شيّر البوست، وكتب “بدون تعليق”!

مين هو بطل فيلم علاء الدين؟

مينا مسعود، هو فنان شاب مصري كندي “صاعد”، اتولد في مصر سنة 1991، سافر لـ كندا مع أهله و تربى في تورونتو، وتمنى أهله إنه يدرس الطب زي إخواته، لكن حبه للتمثيل والفن غلب طموحاتهم.

شاهد أيضًا: قُبلة رامي مالك لصديقته بعد إعلان فوزه بـ الأوسكار أحسن ممثل✨

في الفترة الأخيرة، الحظ حالفه، وتم اختياره من بين 2000 شخص من العالم كله علشان يمثل دور علاء الدين، وده لملامحه العربية والشرق أوسطية، ومن هنا جات الشهره لـ مينا.

وقال مينا في لقاء قديم مع بي بي سي، إن الزعيم عادل إمام كان ملهم ليه في الأداء الكوميدي بالفيلم الهوليودي علاء الدين.