افلام عيد الفطر 2019 – اختار هـ تشوف إيه

العيد على الأبواب، وعدد من منتجين السينما بـ يستعدوا في الوقت ده لغزو السينمات بـ أفلامهم، في أفلام تم الإعلان عنها وأفلام تانية لسة.

في السطور الجاية تتعرّف على قائمة بـ افلام عيد الفطر 2019:

1- كازابلانكا

الفيلم ده مصنف أكشن، وكمان واخد الطابع الكوميدي شوية، فيه شغل حلو من حيث الإخراج، وهو متكلف الحقيقة، وداخل في إنتاجه أكتر من جهة إنتاجية.

كازابلانكا، بطولة: أمير كرارة، غادة عادل، عمرو عبد الجليل، إياد نصار، لبلبة، محمود البزاوي، وأحمد داش، من إخرج: بيتر ميمي.

2- الممر

https://www.youtube.com/watch?v=4OBuOvcc8kA

فيلم حربي، بـ يحكي عن فترة معينة من التاريخ المصري، تحديدًا فترة النكسة وما بعدها.

التريلر بـ يوضح إن فيه مجهود وشغل حلو اتعمل في الفيلم، ومهتمين بـ تفاصيل كويسة، بس لما نشوف نحكم برضه أكتر وأحسن.

الممر، بطولة: أحمد عز، أحمد رزق، أمير كرارة، إياد نصار، هند صبري، أسماء أبو اليزيد، تأليف وإخراج: شريف عرفة، والحوار لـ أمير طعيمة.

3-حملة فرعون

واضح إن الفيلم ده فيه شوية أكشن حلوين، وهو مصنف كـ فيلم إثارة وتشويق، وبـ يتقال إنه مقتبس من “شمس الزناتي”.

حملة فرعون، بطولة: عمرو سعد، محمد لطفي، محمو عبد المغني، روبي، رامز امير، حمدي الميرغني، من تأليف: كريم حسن بشير، وإخراج: رؤوف عبد العزيز.

4- سبع البرمبة

فيلم من نوع الكوميدي، والاجتماعي، والمفروض إن البطل بـ ينتحل خلال الفيلم، عدّة شخصيات للوصول لـ الفتاة التي يحبها.

اقرأ أيضًا: 15 من أفضل أفلام الرعب على نتفليكس.. ماتتفرجش لوحدك  

سبع البرمبة، بطولة: رامز جلال، محمد ثروت، بدرية طلبة، مها أبو عوف، جميلة عوض، نور قدري، من تأليف: لؤي السيد، وإخراج: محمود كريم.

5- محمد حسين

الحقيقة الفيلم ده مش باين له تصنيف معين، بس هو ما بين الكوميدي والبوليسي.. حاجة كده، والبوستر، زي ما انتوا شايفين!

محمد حسين، بطولة: محمد سعد، إنعام سالوسة، فريال يوسف،محمد ثروت، مي سليم، تأليف: شريف عادل، وإخراج: محمد علي.

6- الفيل الأزرق – الجزء الثاني

زي ما هو واضح كده، ده الجزء الثاني من فيلم الجريمة والخيال العلمي، الفيل الأزرق.

الجزء الثاني، بطولة: كريم عبد العزيز، هند صبري، نيللي كريم، محمد الشهاوي، أحمد خالد صالح، إياد نصار، من تأليف: أحمد مراد، وإخراج: مراون حامد.

• غير مؤكد دخول الفيلم في سباق افلام عيد الفطر 2019.

7- لص بغداد

فيلم الكوميديا والإثارة والتشويق، الميكس الرهيب ده، بـ نشوفه كتير الفترة اللي فاتت لـ نفس الكرو، وغالبًا بـ يكون لطيف ومناسب لـ الناس اللي بـ تحب الفئة دي من الأفلام.

اقرأ أيضًا: أفلام سرقة البنوك: من حلَّق حوش لـ بنك الحظ  

لص بغداد، بطولة: محمد إمام، ياسمين رئيس، فتحي عبد الوهاب، بيومي فؤاد، صلاح عبد الله، وأحمد رزق، ومن تأليف: تامر إبراهيم، وإخراج: أحمد خالد موسى.

• غير مؤكد دخول الفيلم في سباق افلام عيد الفطر 2019.

8- كل سنة وانت طيب

افلام عيد الفطر 2019

فيلم كوميدي، بـ يضم كمية كبيرة من النجوم، ومتكتم عليه جدًا، ومافيش معلومات واضحة عنه لـ حد دلوقتي.

كل سنة وانت طيب، بطولة: تامر حسني، زينة، عزت أبو عوف، خالد الصاوي، محمد سلام، نانسي صلاح، أحمد فتحي، عائشة بن أحمد، جوهرة، من تأليف: محمد عبد المعطي، وإخراج: سعيد الماروق.

• غير مؤكد دخول الفيلم في سباق افلام عيد الفطر 2019.