ارتفاع درجة الحرارة لـ46 أول مرة تحصل في صيف 2019 وده اللي أعلنته هيئة الأرصاد وقالت إنّنا احنا داخلين على موجة شديدة الحرارة وأيام ما يعلم بيها إلا ربنا، ودرجة الحرارة هـ توصل بكرا لـ 45 وأكتر!
فـ احنا بـ دورنا العظيم جدًا، قررنا نقولكم إيه أهم 5 حاجات ممكن تعملوهم في اليومين الولعة دول:
1- النفسية محتاجة قلع
الطبيعي إن اليومين الجايين دول، ماحدش هـ يبقى مستحمل الهدوم اللي لابسها، فـ كل ما تـ زهق اقلع.. معروفة!
لو انت قاعد في البيت هـ يبقى سهل تعمل كده، أما لو في الشغل بقى أو في مدرسة أو كلية، فـ الحمام أولى بك، تدخل تـ عيط وتقلع.
2- لو في فرصة تهرب.. اهررب
لمصلحتك… لو فاضي اليومين الجايين، وما عندكش شغل، اهرب في أقرب فرصة!
اطلع الساحل ولا السخنة رطب على نفسك لـ حد ما ربنا يرطبها ♀️
شاهد أيضًا: فيديو… تلقي بـ7 كلاب رُضَّع في القمامة أثناء درجة حرارة عالية
لو مش هـ تعرف تسافر بقى، لـ أي أسباب مادية، فـ هو مكان واحد بـ نلجأله في الظروف دي.. الباانيوو!
3- يا مترو مكيف.. يا اما بلاش
لو عندك شغل أو جامعة في يومين الحر، حاول يكون اعتمادك على المواصلات المكيفة، مترو أو ميكروباص، حتى لو ده هـ يأخرك ويعرضك للرفد! صحتك بـ الدنيا✔
4- تايتنك بقى
مواضيع ذات صلة:
لو انت من النوع اللي بـ ينفصم مع الأفلام وكده، اتفرج على آخر جزء في فيلم تايتنك، وعيش بقى أجواء التلج كلها، لحد ما تـ تجمد، واقعد عيد في اللقطات علشان ما تسيحش!
5- املا البيت تلج
ممكن تملا ميّة كتير، وتـ تلجها، وتنشر التلج ده في البيت وتعيش جو الإسكيمو
أو تعمل زي توم&جيري، وتملا البيت ميّة وتوصل مبرد التلاجة في الأرض، وتـ سكيتنج بقى انت وبابا وماما وناهد وكلكم!
Comments
Loading…