سحور رمضان هو أحلى وأهم حاجة في الشهر، وأجواء السحور بـ يكون ليها طابع خاص كده، خصوصًا لما بتكون بره البيت.. عشان كده لازم تدوَّر على أفضل أماكن سحور رمضان.

لو محتار هتتسحر فين، الويك إند ده، احنا هنا جمعنالك أحسن مطاعم بتعمل سحور في رمضان في محيط القاهرة:

فطوطة Fatouta

نيجي بقى لـ أحسن مكان سحور في مصر، وأحلى قعدة شارع…

فطوطة يعتبر من أفضل أماكن سحور رمضان، أصحاب المطعم قدروا يثبتوا نفسهم بـ جودة أكلهم ونضافته، والجو اللي بـ يعملوه في رمضان كل سنة.

عندهم منيو حلو، ومفيش حاجة هـ يكون نفسك فيها ومش هـ تلاقيها عندهم، ومتوسط الأسعار 60 جنيه.

العنوان: شارع نبيل الوقاد – مصر الجديدة – أرض الجولف – أمام حديقة فودافون – بجانب سور الكومنولث.

88 Cafe

من أحسن الأماكن اللي بتعمل سحور في مصر، عندهم مليون طريقة لعمل ألذ فول في الدنيا.

السحور في 88 كافيه مش هيعدي 70 جنيه.. فيه “فول + بيض + طعمية + جبنة + زبادي + مشروب رمضاني”.

العنوان: ٣٣ شارع عمان – الدقى.

روچ كافيه

المكان ده بـ يقدم أكل جودته حلوة جدًا، وبـ يهتم بـ التفاصيل قوي، ولو انت من هواة التفاصيل والحاجات اللي شكلها حلو، يبقى هو ده أنسب حاجة ليك.

فيه مكان لـ الأطفال، وكمان فيه مكتبة فيها كتب حلوة، للي حابب يتسلى بالقراءة بعد السحور، كمان فيه ألعاب كتير “طاولة – كوتشينة – دومينو – السلم والتعبان”.

الأسعار بـ تبدأ من 40 جنيه، ومن غير ضريبة ولا خدمة.

العنوان: مدينة 6 اكتوبر – الشيخ زايد، شارع الشباب، مول Exit 14 – أمام كومباوند جرينز و خلف سعودي ماركت.

صاحب السعادة

ده مكان كل حاجة فيه كافية انها تسعدك، سواء بأجواء الحسين، لأنه روف في شارع المعز، أو بـ الأكل النضيف، وكمان العروض والفقرات الرمضانية في السهرة، مفيش أحلى من كده الحقيقة.

أسعار السحور في صاحب السعادة في حدود 100 جنيه، فيها: “فول + بيض + جبنة + بطاطس + سلطة خضراء + زبادي + استكانة شاي”.

العنوان: ١٢١ شارع المعز لدين الله الفاطمى امام جامع برقوق وقلاون بجوار متحف النسيج.

طبالي

ده مكان متصمم مخصوص لـ الأكيلة ويعتبر من أفضل أماكن سحور رمضان

بـ يهتموا مثلًا ان العيش بتاعهم يبقى طازة، وبـ يتعمل في المطعم أساسًا.

كمان عندهم شوية اختراعات في الأكل، مثلا: “طعمية چامبو محشية جبنة موتزريلا و ليمون معصفر مع بعض”.

أسعارهم متوسطة، مثلا: “طبق الفول العادي 18، الطعمية 14، البطاطس 20، الجبنة 25، والبيض 24”.

اقرأ أيضًا: رمضان 2019: حاجات ممكن تعملها وقت الفاصل الإعلاني

فروع طبالي:

فرع التجمع الخامس
تاون سنتر، بجوار شارع البنوك، متفرع من شارع التسعين

فرع مصر الجديدة
الكربة، 18شارع نزيه خليفة امام محطة مترو الأهرام

فرع الزمالك
20 شارع المرعشلي، الزمالك، بجوار سوبر ماركت سعودي

Oldish

Braavos lounge

لو نفسك تتسحر على عربية فول، بس مش بتحب العشوائية والزحمة، المطعم ده، عمل عربية فول شيك، بـ تقدم الأكل بـ نفس طريقة العربيات في الشارع، بس بـ جودة أكل أحسن.

متوسط وجبة السحور في “Braavos lounge” تقريبًا 80 جنيه.

العنوان: شارع ٩ – المعادي.

Daily Dose

منيو السحور من دايلي دوز العنوان: 92 شارع الميرغني- هليوبوليس " امام مترو كلية البنات"#رمضان_كريم#Daily_Dose

Gepostet von Daily Dose am Dienstag, 7. Mai 2019

ملوك الافتكسات، وأحلى سحور ممكن تأكله في حياتك، حبنة سايحة، وطبق جبنة بالعنب، والبطيخ كمان، وفيه قهوة بالنوتيلا عشان الصحصحة والاستمتاع.

الأسعار: هـ تلاقي فيه حاجات متوسطة وحاجات ممكن تكون غالية شوية، بس المهم انك تقضي يوم حلو، وتجرب حاجة جديدة، آه وفيه خدمة 12 %.

العنوان: 92 شارع الميرغني- هليوبوليس ” امام مترو كلية البنات”.

Revana Wedding On The Nile

عاملين فكرة حلوة كده، وجو لذيذ «أوبن إير»، وقعدة على النيل، وفيه مكان مخصص للأطفال، يعني هتقضي هناك أحلى يوم في حياتك، ومش لوحدك انت وأطفالك كمان.

اقرأ أيضًا: أغرب 7 أشخاص هتلاقيهم في عزومات رمضان.. انت مين فيهم؟

سعر السحور هناك 99 جنيه، بـ تضيف عليهم سعر المركب اللي بـ تركبه من الكورنيش علشان توصل للمكان ده، و 12% خدمة، بس كل ده مش مهم مقابل يوم بتكسر بيه الروتين، وبتجدد طاقتك وطاقة أسرتك.

العنوان: كورنيش النيل – المعادي، مرسى ريڤانا جاردن أمام كمبيوتر شوب.

Bab Rezq

سيبك من قعدة البلكونة 😂😂 وخليك في الأوت دور اللي في باب رزق واستمتع بسفرة سحور بنفس سعر سحور زمان وبيض مدحرج ب 18 جنيه بس 😉😎يلا السحور جاهز ومستنينكوا 📌 في مدينة نصر – ميدان الساعة – قدام الجامعة العمالية

Gepostet von ‎Bab Rezq – باب رزق‎ am Dienstag, 14. Mai 2019

الناس دي بقى فنانين أكل، وبـ يعرفوا يوصلوا لقلب الراجل الأكيل وبتاع المزاج، عندهم مثلا جبنة بالنعناع، وبيض بالسجق عليه طبقة ميكس جبن، وكمان عندهم عيش بـ يتخبز طازة بالطلب.

الأسعار حلوة جدًا، ومتوسط مثلا 40 جنيه، والبيض المدحرج عندهم بـ 18 جنيه بس.

العنوان: مدينة نصر- ميدان الساعة – أمام الجامعة العمالية.