in

سخرية المصريين من أخطاء التحكيم لصالح الأهلي.. لو أهلاوي ما تدخلش

أخطاء التحكيم لصالح الأهلي موضوع بـ يتفتح كل شوية أو بـ معنى أصح بعد كل ماتش لـ الأهلي خصوصًا في الدوري المحلي!

الكرة في مصر من زمان هي أهلي وزمالك، من أول ما وعينا على الدنيا، واحنا مش بـ نشوف ولا بـ نسمع غير عن الفريقين دول.

أكيد اتسألت مرة السؤال ده “أهلاوي ولا زملكاوي؟”.

وأكيد سمعت ناس بـ يهاجموا بعض بالجمل دي “لملوم”، “بواب”، “انتوا بتكسبوا بالحكام”، “انتوا دوبلابكم فاضي”…إلخ إلخ إلخ!

التعصب الكروي ما بقاش في الشوارع بس، اتنقل كمان للسوشيال ميديا، وبعد كل ماتش بـ ينقسم الفيسبوك إلى “محفل” و “متحفل عليه”.

اقرأ أيضًا: قل لنا رأيك.. إزاي ننهي أسطورة “الأهلي بـ يفوز في آخر لحظة”؟

وفي الفترة الأخيرة لما الأهلي كسب ماتش بـ سبب أخطاء تحكيمية، الدنيا اتقلبت، والزملكاوية ما سكتوش.

ودي كانت أبرز تعليقات الزملكاوية على فوز الأهلي بـ الحكام السنة دي:

1- صورة لـ مانشيت منسوب لـ إحدى الجرايد اللي بـ تتكلم عن ظلم التحكيم.. “تحكيم فاجر، فضوها سيرة.. واعطوه الدوري من بدري”

بالحكام ..بالحكام..بالحكام…

Gepostet von Mohamed Hafez am Samstag, 11. Mai 2019

2- صورة ساخرة لـ الحكم الرابع يرفع لوحة الإعلان عن الوقت بدل الضائع.. مكتوب عليها:

“لحد ما الأهلي يجيب جول” كـ نوع من التريقة على موضوع الحكام ده

بالحكام يا فرقة يا ….. بالحكام

Gepostet von Bremoo Sultan am Samstag, 11. Mai 2019

3- واحدة من صفحات الزمالك نشرت تصريح على لسان فرج عامر، بـ يقول فيه:

“الأهلي بـ يكسب بـ الحكام، وبدل ما يتشطر علينا نشوفه فى أفريقيا بـ يخسر بـ الخمسات عشان هناك الحكام بـ جد، هو الفوز بـ العافية؟”.

فرج عامر: الأهلي بيكسب بالحكام وبدل ما يتشطر علينا نشوفه فى أفريقيا بيخسر بالخمسات عشان هناك الحكام بجد، وأنا عارف…

Gepostet von Zamalek Plus am Samstag, 11. Mai 2019

 

4- حتى تركي آل الشيخ مالك نادي بيراميدز، اللي بـ ينافس بقوة في الدوري المصري الممتاز…

شارك في ترند أخطاء التحكيم لصالح الأهلي ، ونزل بوست قال فيه: “وعاوزينا منجبش حكام أجانب”

5- فيه ناس استخدموا صور من إعلان “فريش” السنة دي، وعملوا كوميك ساخر بعنوان:

“دوري بمجهودنا ميلزمناش يا إما بالحكام يا إما بلاااش”

دوري بمجهودنا ميلزمناش يا إما بالحكام يا إما بلاااش

Gepostet von Eslam Zezza am Samstag, 11. Mai 2019

اقرأ أيضًا: الغاء الدوري المصري.. من أيام الملك فاروق لـ 30 يونيو

6- التعليقات على تويتر ما اختلفتش كتير.. الناس استخدمت بردو لوحة الوقت بدل الضائع اللي مكتوب عليها:

“لحد ما الأهلي يجيب جووون” تحتها تعليق “بالحكام”.

7- التويتة دي بـ تبيّن الحكم الرابع  وهو رافع اللوحة الرقمية، ومكتوب عليها:

“مهمتنا فوز الأهلي بـ البطولات”، وصاحبها كاتب “بـ الحكام بلحكام بـ الحكام”.

8- النجم صلاح عبد الله، قال تعليق لطيف على موضوع أخطاء التحكيم لصالح الأهلي :

بعد كدا هبدأ أتفرج على أي ماتش في الدوري بعد الدقيقة ٩٠” 

9- “مكسبنا حلال مش بـ الحكام” تويتة لـ واحد زملكاوي، بـ يعلق بيها على فوز الأهلي بـ الحكام.

10- خالد الغندور ناقش في حلقة من حلقات برنامجه ازدواجية المعايير عند الحكام بـ النسبة لـ الأهلي والزمالك

بواسطة محمد أبوزيد

محرر محتوى عربي، بشركة "وصلة" وموقع المحتوى الخاص بها "وصلة فيد" اهتم بالقضايا الاجتماعية والفنية بشكل خاص، كما أنني أكتب في المجالات العلمية والتقنية وما يخص الجانب الترفيهي.

ما هو رأيك ؟

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0
مطاعم

افضل مطاعم لـ2020.. اخترنا 14 مطعم في القاهرة

البنطلون المقطّع

البنطلون المقطّع والبرمودا ممنوعين في هذا البلد العربي