رمضان 2019 غير كل سنة، لأن للأسف المسلسلات اتمنعت من النشر على يوتيوب، واتحطينا في موقف صعب، إما اننا نتلزق في أقرب كرسي للتلفزيون مانتحركش علشان مفيش حاجة تفوتنا، أو تـ شخلل بقى علشان تتفرج براحتك!
انت دلوقتي عندك حل من انتنين، إما انك تفضل مكدر نفسك، ولازق في الكرسي لحد ما تيجيلك أمراض مش لطيفة، أو تسمع اللي هـ نقولهولك وتنفذه، علشان تستغل الوقت بتاع الفواصل الإعلانية ده:
ظبَّط خروجة
استغل وقت المئة عام من الإعلانات ده، وقوم كلم حد من صحابك اللي كنت بتتفق معاهم انكم تفطروا يوم مع بعض من رمضان اللي فات، وحاولوا تعملوها السنة دي، من مبدأ الهضبة “جمع حبايبك”، احنا مقدرين اللي انتوا فيه وبنشجعكم، ربنا معاكم.
شاهد أيضًا: بالفيديو أشهر اعلانات شركات المحمول في مصر
علم ذاتك
التعليم الذاتي بقى حاجة مهمة جدًا في حياتنا، وبقى سهل تعمل دا أون لاين، وجوجل ما خلاش الحقيقة…
ممكن تتعلم مثلًا طريقة عمل الزجاج المِعشق، أو كيفية صنع حلبسة زي بتاعة المحلات في المنزل، أو طريقة عمل البيض المدحرج، اهه حاجة بسيطة زي دي تخليك مليونير في شهر.
صالح الإكس❤
احنا في شهر كريم، والصلح خير.. قوم نتصالح، جرَّب تكلم الإكس وتتفقوا ترجعوا على العيد، علشان مفيش مجال انكوا ترجعوا الشهر ده أكيد يعني، الشياطين متسلسلة للأسف…
المهم خلي شرطك في الرجوع “يا إما فريش يا إما بلاش”، أو انت من سكة وأنا من سكة يا بنت الحلال، وشوّح بإيدك يا بشمهندس مايهمكش!
خلَّص مشاويرك وهات السحور
انت ممكن تستغل وقت الإعلانات ده وتنزل تخلّص كل المشاوير اللي ماقدرتش تعملها الصبح وانت صايم…
مثلًا، تروح تشرب سحلب على القهوة وتقعد مع صحابك شوية، وتجيب سحور للبيت وانت راجع، علشان الحاجة تدعيلك، واحنا كلنا بـ نتشعبط فـ رضا ربنا ورضا الحاجة، بالذات في في الشهر ده.
مواضيع ذات صلة:
اقرأ أيضًا: بعيدًا عن “تش فريش”.. أشهر برامج المقالب في شهر رمضان
تش فريش
بدل ما انت قاعد كده قوم فكر في موضوع “التش فريش” ده، واعمل سيرش عن الفوائد بتاعته، واعرف كيف بدأ التش فريش؟.
العب رياضة
انت ممكن كمان تلعب كام تمرينة كدا بين الفواصل، وبعون الله تبقى فورمة على أخر الحلقة، المهم خلي عندك إصرار والعب عدات كتير، واهتم بتمرينة البطن، علشان الكرش دا لازم يختفيي!.
Comments
0 comments