أحداث عالمية حصلت الشهر ده.. حريق وثقب أسود ومسلسل

إيه الي حصل الشهر ده؟! شهر أبريل 2019 مليان بـ أحداث عالمية ماحصلتش قبل كده، وبعضها ممكن مايحصلش تاني!

في اللي جاي هـ تعرف إيه الأحداث اللي اهتم بيها ملايين البشر على كوكب الأرض الشهر ده:

احتراق كاتدرائية نوتردام

في 15 أبريل اللي فات، اتفاجئ العالم بـ احتراق أشهر وأهم كاتدرائية في العالم الموجودة في باريس (فرنسا) وتاريخها يرجع لـ أكتر من 800 سنة فاتت

انتشر الحريق من خلال سطح الكاتدرائية ، واتسبب في انهيار أجزاء من البرج التاريخي لـ المبنى.

اقرأ أيضًا: حريق كاتدرائية نوتردام في باريس.. نهاية تاريخ 800 سنة

وكانت الكنيسة مؤخرا بـ تحصل فيها أعمال ترميم وتجديد.

الرئيس الفرنسي “إيمانويل ماكرون” أكد في تعليقه على الحادث الصادم انه حزين جدًا وان هـ يتم البدء في إصلااح ما تبقى من المبنى التاريخي!

أول صورة حقيقية لـ الثقب الأسود

في 10 أبريل اللي فات التقطت تلسكوب أول صورة لـ ثقب أسود على الإطلاق، هي الصورة الأولى من نوعها في تاريخ البشريّة!

وقال “شبيرد دويلمان” مدير “EHT” وعالم الفيزياء الفلكية في مركز الفيزياء الفلكية في “هارفارد سميثسونيان”: أخيرًا شفنا اللي كنا داميًا فاكرينه مش مرئي، والتقطنا أول صورة لـ ثقب أسود”.

الصورة مطابقة لـ نظرية “النسبية العامة” لـ صاحبها “ألبرت أينشتاين “، وكمان لـ نظريات عالم الفيزياء “ستيفين هوكينج”.

Game of Thrones

ابتداءً من يوم 14 أبريل اللي فات اتعرض الجزث التامن والأخير من المسلسل الأشهر عالميًا “جيم أوف ثرونز”.

المسلسل يحظى بـ متابعة عشرات الملايين حول العالم، وتصدر منه 6 حلقات في الجزء ده، وبـ يتم إذاعة حلقة واحدة في الأسبوع.

Avengers: Endgame

بعد نهاية دراماتيكية لـ حرب “إنفينيتي” ينتظر مشجعو “MCU” بـ فارغ الصبر نهاية القصة في الجزء الجديد من الفيلم الشهير Avengers.

اقرأ أيضًا: سلسلة أفلام مارفل: اختار بطلك المفضّل

الفيلم من إنتاج استوديوهات “مارفل”، والمفروض يتم عرضه عالميًا يوم 24 أبريل اللي جاي.

القبض على Julian Assange

“جوليان أسانج” مؤسس موقع “وكيليكس” هو أشهر شخص في العالم مُطارد من حوالي 10 سنين من دولة كتير، وده بـ سبب إنه سرّب مئات الملايين من الوثائق الدولية السريّة على الإنترنت…

الوثائق تخص موضوعات مهمّة وحساسة وإميلات وأسرار عن مشاهير ورؤساء دول عُظمى.

في 11 أبريل  اللي فات، اعتقلت شرطة مدينة لندن “جوليان أسانج” في السفارة الإكوادورية في لندن اللي كان مستخبي فيها من سنة 2012.

الحكومة الإكوادورية قررت إنهاء لجوء أسانج عندها بـ حِجة “مخالفته الاتفاقيات الدولية وبروتوكول التعايش”.