لمّا الأمريكان انتخبوا “دونالد ترامب” رئيسًا لـ الولايات المتحدة سنة 2017، كتير من الناس في أنحاء العالم استغربوا إزاي يختاروا رئيس زي ده، بـ يعمل حاجات غريبة، وبـ يقول كلام مش عقلاني في مناسبات كتير.
لكن لازم نعرف إن غرابة شخصية دونالد ترامب لها تاريخ طويل بـ يبدأ من طفولته.. وخلال السطور الجايّة هـ تعرف أغرب المعلومات عن ترامب:
ضرب مُدرسه بـ “البوكس”
في كتابه “فن الصفقة”، بـ يقول ترامب إنه ضرب مُدرس الموسيقى في المدرس وهو في الصف التاني (يعني كان عنده حوالي 8 سنين تقريبًا).
ترامب عمل كده عشان كان شايف إن المُدرس مش عارف حاجة في الموسيقى.. لكن بـ يأكد إنه مش فخور بـ عملته دي خصوصًا وإنه كان هـ يتم طرده من المدرسة بسببها.
وبـ يضيف: “أنا دلوقتي مختلف، لأني بقيت بـ أستخدم عقلي بدل إيدي”!
اقرأ أيضًا: عشان زيارتك الجايّة.. اعرف أهم المتاحف الأمريكية
ممثل مسرح في المدرسة
ترامب ماكانش بـ يسيب نشاط إلا ويشارك فيه، موسيقى، ورياضة، وتمثيل كمان.
وهو في المدرسة الإعدادية، شارك في تقديم أدوار البطولة خلال أكتر من مسرحية غنائية.
ماعندوش أصحاب!
على عكس باقي الأطفال.. ترامب خرج من المدرسة من غير ما يكون عنده صديق واحد.. وده يمكن عشان كان مشغول في الشغل مع باباه، وماكانش عنده وقت يعمل علاقات ويلعب مع أصحاب، فـ بقى ماعندوش أيّ أصدقاء مُقربين لـ حد ما كِبر.
انتقل من المدرسة للعسكرية مباشرةً
ترامب مادخلش مدرسة ثانوي، باباه، قرر ينقله للأكاديمية العسكرية، ويمكن يكون ده بسبب مشاكل كتير كان ترامب عاملها في المدرسة.
مواضيع ذات صلة:
لدمّا دخل ترامب الحياة العسكرية، برضه ماكانتش أوضاعه مستقرة، وتم نقله أكتر من مرة من مكانه جوه الأكاديمية.. البعض بـ يقول إن النقل كان بـ سبب سوء تعامله مع باقي زمايله.
عمره ما اعترف بـ غلطه!
ترامب من أكتر الناس اللي مش بـ تعرف تعترف بغلطتها.. اللي يعرفوه بـ يقولوا إن لو حد واجه بغلطه، بـ يبالغ أكتر في المعلومات الغلط.
المصدر: Ranker
Comments
0 comments