fbpx

منشطات جنسيّة لحيوان الباندا لإنقاذه من الإنقراض!🐼

على كوكب الأرض فيه حاليًا حوالي 2060 حيوان فقط من الباندا “الدب الصيني الشهير” 🐼، وقبل حوالي 20 سنة كان حيوان الباندا مُعرّض لخطر الإنقراض.

منشطات جنسيّة لحيوان الباندا
منشطات جنسيّة لحيوان الباندا

اقرأ أيضًا: فيديو: نمر يهجم على امرأة أزعجته بصورة سيلفي

وكانت أعداده في انخفاض مستمر، وقدر العالم إنه يحميه من الإنقراض بعد ما تم صرف مليارات الدولارات وإجراء أبحاث علمية كتير جدًا.

مشكلة حيوان الباندا إنه قليل الحركة، ممكن ياخد ساعات طويلة عشان يتحرك أمتار بسيطة، غير إنه بـ يقضي حوالي 16 ساعة في الأكل، وبـ يحتاج “يدخل الحمَّام” حوالي 100 مرة خلال اليوم! وباقي الوقت بـ يقضيه نوم!

منشطات جنسيّة لحيوان الباندا

طبعًا واضح من الكلام اللي فوق إن حيوان الباندا عنده مشكلة في الحركة، ده مش عشان هو حيوان ضخم وتقيل، لأن الدراسات أثبتت إنه قادر على الحركة والجريّ 32 كيلومتر في الساعة، يعني أسرع مننا، لكنه بـ يحب الراحة والأكل والنوم.

فكرة انعدام حركة الباندا خلقت مشكلة كبيرة لها علاقة بـ انخفاض معدّلات التخصيب، يعني الذكر بـ يكسل يعمل أيّ علاقة مع أنثى الباندا لأنه مش بـ يحب يتحرّك.

منشطات جنسيّة لحيوان الباندا

وهيّ كمان نفس الموضوع، يعني ماحدش بـ يتحرّك لـ التاني وبالتالي نسبة إن أنثى الباندا تحمل بتكون شبه معدومة!

المشكلة الكبيرة هيّ إن عمليّة “التبويض” أو الاستعداد للتخضيب عند أنثى الباندا بـ تحصل لـ مدّة أقل من 70 ساعة خلال أيام السنة كلها! ودي مدّة قصيرة جدًا طبعًا، وبـ تساهم في تقليل نسبة عملية التخصيب.

منشطات جنسيّة لحيوان الباندا

معنى كده إن ذكر الباندا قدامه يومين أو 3 فقط عشان يقدر يخصَّب الأنثى، ولو فوّت الفرصة دي لازم يستنى لـ السنة الجاية!

ذكر الباندا مش بـ يكون مهتم بـ موضوع التخصيب أو إنه يقيم علاقة جنسيّة مع أنثى الباندا، لأن الأولوية عنده هي الأكل والراحة والنوم، وقليل ما يشغل باله موضوع التخصيب ده.

الموضوع ده حيَّر العلماء جدًا، لـ درجة إنهم اضطروا إنهم يحفزوا ذكر الباندا بـ العلاج “منشطات جنسيّة”! وكمان مقاطع فيديو لـ تحفيز الباندا (“panda porn – videos of other pandas mating)، وده اللي أكده البروفيسور David Attenborough في حديثه لـ صحيفة التليجراف البريطانية.

اقرأ أيضًا: أبطأ رجل في العالم: يمشي مع سلحفاة يوميًا لمدة 20 سنة

منشطات جنسيّة لحيوان الباندا
منشطات جنسيّة لحيوان الباندا

وأكد Attenborough إن حتى المحاولات دي ماجابتش نتيجة قويّة زي ما كان متوقع.

مشكلة كمان بـ تساهم في زيادة خطر الإنقراض بـ النسبة لـ الباندا، وهيّ إنها بـ تعتمد في 99% من طعامها على نبات البامبو، الغير مُغذي، وده بـ يخلي الجنين في بطنها يبقى ضعيف، لـ درجة إنّ وزن الرضيع بـ يكون حوالي 150 جرام فقط!

منشطات جنسيّة لحيوان الباندا

لكن العالم مؤخرًا قِدر يخرَّج الباندا من قمّة الحيوانات المُعرّضة لـ الإنقراض بـ فضل المحاولات العلمية على مدار سنين طويلة.