قررت مَدرسة في نيوزيلندا منع البنات من لبس الحجاب ، بعد ما طالبت مجموعة من البنات بـ لبس الحجاب “الإسلامي” كـ نوع من إظهار الدعم لـ المسلميين، بعد الحادثة الإرهابية الأخيرة اللي حصلت في مسجدين أثناء صلاة الجمعة.
اقرأ أيضًا: أشهر الحملات ضد الحجاب في مصر.. من هدى شعراوي لـ”حتة قماشة”
لكن إدارة المدرسة اللي كانت رفضت قبل كده طلب بنتين مسلمتين لبس الحجاب ، رفضت برضه طلب البنات في طريقة دعهمن لـ المسلمين في نيوزيلندا.
حِجة المدرسة في الرفض إن الزي الديني والحجاب يعتبروا ضد سياسة المدرسة اللي بـ تمنع الرموز الدينية.
الهجوم عل المسجدين حصل يوم الجمعة اللي فاتت أثناء صلاة الجمعة، دخل المسجد إرهابي في إيده سلاح وبدأ يضرب نار في المُصلين بشكل عشوائي.
الحادثة خلفت وراها 49 قتيل، غير المُصابين، وعملت صدمة لـ نيوزيلندا اللي تعتبر دولة هادية وبعيدة عن الأحداث العنيفة اللي بـ تحصل في العالم حاليًا.
اقرأ أيضًا: “حتة قماشة”… حملة ضد الحجاب، ايه رأيك؟
بعد الحادثة، كتير من أصحاب الديانات التانية أظهروا دعمهم لـ المسلمين عن طريقة زيارة المسجدين اللي شهدوا الحادثة، وزيارة بيوت الضحايا.
وكتير من مشاهير العالم أعلنوا إدانتهم لـ الحادثة وأكدوا على رفضهم لـ الإرهاب.
Comments
Loading…